॥ Dosha Parihara Ashtakam Kannada Lyrics ॥
॥ ದೋಷಪರಿಹಾರಾಷ್ಟಕಮ್ ಸಾರ್ಥಮ್ ॥
ಅನ್ಯಸ್ಯ ದೋಷಗಣನಾಕುತುಕಂ ಮಮೈತದಾವಿಷ್ಕರೋತಿ ನಿಯತಂ ಮಯಿ ದೋಷವತ್ತ್ವಮ್ ।
ದೋಷಃ ಪುನರ್ಮಯಿ ನ ಚೇದಖಿಲೇ ಸತೀಶೇ ದೋಷಗ್ರಹಃ ಕಥಮುದೇತು ಮಮೇಶ ತಸ್ಮಿನ್ ॥ 1 ॥
ಏಷಾ ವ್ಯಥೇತಿರಕೃತೇತಿ ಮಮೇಶ ತಸ್ಮಿನ್ ಕೋಪೋ ಯದಿ ಸ್ವಪರಕಾಮಮುಖಪ್ರಸೂತಾ ।
ಸೇಯಂ ವ್ಯಥೇತಿ ಮಯಿ ಮೇ ನ ಕಥನ್ನು ಕೋಪಃ ಸ್ವಸ್ಯ ವ್ಯಥಾ ಸ್ವದುರಿತಪ್ರಭವಾ ಹಿ ಸರ್ವಾ ॥ 2 ॥
ಕಾಮಭೃತ್ಯಖಿಲದೋಷನಿಧೇರ್ಮಮೈಷ ಮಯ್ಯಾಹ ದೋಷಮಿತಿ ಕೋ ನು ದುರಾಗ್ರಹೋಂಽಸ್ಮಿನ್ ।
ಹೇಯತ್ವಮಾಲಪತಿ ಯೋಽಯಮಲಂ ನ ಕೇನ ವಾರ್ಯೋಽಥ ಸತ್ವವತಿ ಸೋಽಯಮಸತ್ಕಿಮಾಹ ॥ 3 ॥
ಯಃ ಸಂಶ್ರಿತಃ ಸ್ವಹಿತ ಧೀರ್ವ್ಯಸನಾತುರಸ್ತದ್ದೋಷಸ್ಯ ತಂ ಪ್ರತಿ ವಚೋಽಸ್ತು ತದನ್ಯದೋಷಂ ।
ಯದ್ವಚ್ಮಿ ತನ್ಮಮ ನ ಕಿಂ ಕ್ಷತಯೇ ಸ್ವದೋಷಚಿನ್ತೈವ ಮೇ ತದಪನೋದಫಲೋಚಿತಾತಃ ॥ 4 ॥
ದೋಷಂ ಪರಸ್ಯ ನನು ಗೃಹ್ಣತಿ ಮಯ್ಯನೈನ ಸ್ವಾತ್ಮೈಷ ಏವ ಪರಗಾತ್ರಸಮಾಹೃತೇನ
ದುರ್ವಸ್ತುನೇವ ಮಲಿನೀಕ್ರಿಯತೇ ತದನ್ಯದೋಷಗ್ರಹಾದಹಹ ಕಿಂ ನ ನಿವರ್ತಿತವ್ಯಮ್ ॥ 5 ॥
ನಿರ್ದೋಷಭಾವಮಿತರಸ್ಯ ಸದೋಷಭಾವಂ ಸ್ವಸ್ಯಾಪಿ ಸಂವಿದಧತೀ ಪರದೋಷಧೀರ್ಮೇ ।
ಆಸ್ತಾಮಿಯಂ ತದಿತರಾ ತು ಪರಾರ್ತಿಮಾತ್ರಹೇತುರ್ವ್ಯನಕ್ತು ನ ಕಥಂ ಮಮ ತುಚ್ಛಭಾವಮ್ ॥ 6 ॥
ಪದ್ಮಾದಿಸೌರಭ ಇವ ಭ್ರಮರಸ್ಯ ಹರ್ಷಂ ಹಿತ್ವಾನ್ಯದೀಯಸುಗುಣೇ ಪುನರನ್ಯದೋಷೇ ।
ಹರ್ಷೋ ದುರರ್ಥ ಇವ ಗೇಹಕಿಟೇಃ ಕಿಮಾಸ್ತೇ ಹಾ ಮೇ ಕದೇಶ ಕೃಪಯಾ ವಿಗಲೇತ್ಸ ಏಷಃ ॥ 7 ॥
ದೋಷೇ ಸ್ವಭಾಜಿ ಮತಿಕೌಶಲಮನ್ಯಭಾಜಿ ಮೌಢ್ಯಂ ಗಣೇಽನ್ಯಜುಷಿ ಹರ್ಷಭರಃ ಸ್ವಭಾಜಿ ।
ಅಸ್ತಪ್ರಸಕ್ತಿರಖಿಲೇಷು ದಯಾತ್ಯುದಾರವೃತ್ಯೋರ್ಜಿತೋ ಮಮ ಕದಾಽಸ್ತು ಹರಾನುರಾಗಃ ॥ 8 ॥
॥ ಇತಿ ಶ್ರೀಶ್ರೀಧರ ಅಯ್ಯಾವಾಲಕೃತ ದೋಷಪರಿಹಾರಾಷ್ಟಕಂ ಸಮ್ಪೂರ್ಣಮ್ ॥
– Chant Stotra in Other Languages –
Dosha Parihara Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil