॥ Dosha Parihara Ashtakam Telugu Lyrics ॥
॥ దోషపరిహారాష్టకమ్ సార్థమ్ ॥
అన్యస్య దోషగణనాకుతుకం మమైతదావిష్కరోతి నియతం మయి దోషవత్త్వమ్ ।
దోషః పునర్మయి న చేదఖిలే సతీశే దోషగ్రహః కథముదేతు మమేశ తస్మిన్ ॥ ౧ ॥
ఏషా వ్యథేతిరకృతేతి మమేశ తస్మిన్ కోపో యది స్వపరకామముఖప్రసూతా ।
సేయం వ్యథేతి మయి మే న కథన్ను కోపః స్వస్య వ్యథా స్వదురితప్రభవా హి సర్వా ॥ ౨ ॥
కామభృత్యఖిలదోషనిధేర్మమైష మయ్యాహ దోషమితి కో ను దురాగ్రహోంఽస్మిన్ ।
హేయత్వమాలపతి యోఽయమలం న కేన వార్యోఽథ సత్వవతి సోఽయమసత్కిమాహ ॥ ౩ ॥
యః సంశ్రితః స్వహిత ధీర్వ్యసనాతురస్తద్దోషస్య తం ప్రతి వచోఽస్తు తదన్యదోషం ।
యద్వచ్మి తన్మమ న కిం క్షతయే స్వదోషచిన్తైవ మే తదపనోదఫలోచితాతః ॥ ౪ ॥
దోషం పరస్య నను గృహ్ణతి మయ్యనైన స్వాత్మైష ఏవ పరగాత్రసమాహృతేన
దుర్వస్తునేవ మలినీక్రియతే తదన్యదోషగ్రహాదహహ కిం న నివర్తితవ్యమ్ ॥ ౫ ॥
నిర్దోషభావమితరస్య సదోషభావం స్వస్యాపి సంవిదధతీ పరదోషధీర్మే ।
ఆస్తామియం తదితరా తు పరార్తిమాత్రహేతుర్వ్యనక్తు న కథం మమ తుచ్ఛభావమ్ ॥ ౬ ॥
పద్మాదిసౌరభ ఇవ భ్రమరస్య హర్షం హిత్వాన్యదీయసుగుణే పునరన్యదోషే ।
హర్షో దురర్థ ఇవ గేహకిటేః కిమాస్తే హా మే కదేశ కృపయా విగలేత్స ఏషః ॥ ౭ ॥
దోషే స్వభాజి మతికౌశలమన్యభాజి మౌఢ్యం గణేఽన్యజుషి హర్షభరః స్వభాజి ।
అస్తప్రసక్తిరఖిలేషు దయాత్యుదారవృత్యోర్జితో మమ కదాఽస్తు హరానురాగః ॥ ౮ ॥
॥ ఇతి శ్రీశ్రీధర అయ్యావాలకృత దోషపరిహారాష్టకం సమ్పూర్ణమ్ ॥
– Chant Stotra in Other Languages –
Dosha Parihara Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil