Durga Saptasati Aparadha Kshamapana Stotram In Telugu

॥ Durga Saptasati Aparadha Kshamapana Stotram Telugu Lyrics ॥

॥ అపరాధ క్షమాపణ స్తోత్రం ॥
ఓం అపరాధశతం కృత్వా జగదంబేతి చోచ్చరేత్ ।
యాం గతిం సమవాప్నోతి న తాం బ్రహ్మాదయః సురాః ॥ ౧ ॥

సాపరాధోఽస్మి శరణం ప్రాప్తస్త్వాం జగదంబికే ।
ఇదానీమనుకమ్ప్యోఽహం యథేచ్ఛసి తథా కురు ॥ ౨ ॥

అజ్ఞానాద్విస్మృతేర్భ్రాంత్యా యన్న్యూనమధికం కృతమ్ ।
తత్సర్వం క్షమ్యతాం దేవి ప్రసీద పరమేశ్వరి ॥ ౩ ॥

కామేశ్వరి జగన్మాతః సచ్చిదానందవిగ్రహే ।
గృహాణార్చామిమాం ప్రీత్యా ప్రసీద పరమేశ్వరి ॥ ౪ ॥

సర్వరూపమయీ దేవీ సర్వం దేవీమయం జగత్ ।
అతోఽహం విశ్వరూపాం త్వాం నమామి పరమేశ్వరీమ్ ॥ ౫ ॥

యదక్షరం పరిభ్రష్టం మాత్రాహీనఞ్చ యద్భవేత్ ।
పూర్ణం భవతు తత్ సర్వం త్వత్ప్రసాదాన్మహేశ్వరి ॥ ౬ ॥

యదత్ర పాఠే జగదంబికే మయా
విసర్గబింద్వక్షరహీనమీరితమ్ ।
తదస్తు సంపూర్ణతమం ప్రసాదతః
సంకల్పసిద్ధిశ్చ సదైవ జాయతామ్ ॥ ౭ ॥

యన్మాత్రాబిందుబిందుద్వితయపదపదద్వంద్వవర్ణాదిహీనం
భక్త్యాభక్త్యానుపూర్వం ప్రసభకృతివశాత్ వ్యక్తమవ్యక్తమంబ ।
మోహాదజ్ఞానతో వా పఠితమపఠితం సామ్ప్రతం తే స్తవేఽస్మిన్
తత్ సర్వం సాంగమాస్తాం భగవతి వరదే త్వత్ప్రసాదాత్ ప్రసీద ॥ ౮ ॥

ప్రసీద భగవత్యంబ ప్రసీద భక్తవత్సలే ।
ప్రసాదం కురు మే దేవి దుర్గే దేవి నమోఽస్తు తే ॥ ౯ ॥

ఇతి అపరాధక్షమాపణస్తోత్రం సమాప్తమ్ ॥

– Chant Stotra in Other Languages –

Durga Saptasati Aparadha Kshamapana Stotram in EnglishSanskritKannada – Telugu – Tamil

See Also  1000 Names Of Sri Durga – Sahasranamavali Stotram In Telugu