॥ Durga Saptasati Chapter 5 Devi Duta Samvadam Tamil Lyrics ॥
॥ பஞ்சமோ(அ)த்⁴யாய꞉ (தே³வீதூ³தஸம்வாத³ம்) ॥
அஸ்ய ஶ்ரீ உத்தரசரித்ரஸ்ய ருத்³ர ருஷி꞉ । அநுஷ்டுப் ச²ந்த³꞉ । ஶ்ரீமஹாஸரஸ்வதீ தே³வதா । பீ⁴மா ஶக்தி꞉ । ப்⁴ராமரீ பீ³ஜம் । ஸூர்யஸ்தத்த்வம் । ஸாமவேத³꞉ ஸ்வரூபம் । ஶ்ரீமஹாஸரஸ்வதீப்ரீத்யர்தே² உத்தரசரித்ரபாடே² விநியோக³꞉ ।
த்⁴யாநம் ।
க⁴ண்டாஶூலஹலாநி ஶங்க²முஸலே சக்ரம் த⁴நு꞉ ஸாயகம்
ஹஸ்தாப்³ஜைர்த³த⁴தீம் க⁴நாந்தவிலஸச்சீ²தாம்ஶுதுல்யப்ரபா⁴ம் ।
கௌ³ரீதே³ஹஸமுத்³ப⁴வாம் த்ரிஜக³தாமாதா⁴ரபூ⁴தாம் மஹா-
பூர்வாமத்ர ஸரஸ்வதீமநுப⁴ஜே ஶும்பா⁴தி³தை³த்யார்தி³நீம் ॥
ஓம் க்லீம் ருஷிருவாச ॥ 1 ॥
புரா ஶும்ப⁴நிஶும்பா⁴ப்⁴யாமஸுராப்⁴யாம் ஶசீபதே꞉ ।
த்ரைலோக்யம் யஜ்ஞபா⁴கா³ஶ்ச ஹ்ருதா மத³ப³லாஶ்ரயாத் ॥ 2 ॥
தாவேவ ஸூர்யதாம் தத்³வத³தி⁴காரம் ததை²ந்த³வம் ।
கௌபே³ரமத² யாம்யம் ச சக்ராதே வருணஸ்ய ச ॥ 3 ॥
தாவேவ பவநர்த்³தி⁴ம் ச சக்ரதுர்வஹ்நிகர்ம ச ।
ததோ தே³வா விநிர்தூ⁴தா ப்⁴ரஷ்டராஜ்யா꞉ பராஜிதா꞉ ॥ 4 ॥
ஹ்ருதாதி⁴காராஸ்த்ரித³ஶாஸ்தாப்⁴யாம் ஸர்வே நிராக்ருதா꞉ ।
மஹாஸுராப்⁴யாம் தாம் தே³வீம் ஸம்ஸ்மரந்த்யபராஜிதாம் ॥ 5 ॥
தயாஸ்மாகம் வரோ த³த்தோ யதா²(ஆ)பத்ஸு ஸ்ம்ருதாகி²லா꞉ ।
ப⁴வதாம் நாஶயிஷ்யாமி தத்க்ஷணாத்பரமாபத³꞉ ॥ 6 ॥
இதி க்ருத்வா மதிம் தே³வா ஹிமவந்தம் நகே³ஶ்வரம் ।
ஜக்³முஸ்தத்ர ததோ தே³வீம் விஷ்ணுமாயாம் ப்ரதுஷ்டுவு꞉ ॥ 7 ॥
தே³வா ஊசு꞉ ॥ 8 ॥
நமோ தே³வ்யை மஹாதே³வ்யை ஶிவாயை ஸததம் நம꞉ ।
நம꞉ ப்ரக்ருத்யை ப⁴த்³ராயை நியதா꞉ ப்ரணதா꞉ ஸ்ம தாம் ॥ 9 ॥
ரௌத்³ராயை நமோ நித்யாயை கௌ³ர்யை தா⁴த்ர்யை நமோ நம꞉ ।
ஜ்யோத்ஸ்நாயை சேந்து³ரூபிண்யை ஸுகா²யை ஸததம் நம꞉ ॥ 10 ॥
கல்யாண்யை ப்ரணதாம் வ்ருத்³த்⁴யை ஸித்³த்⁴யை குர்மோ நமோ நம꞉ ।
நைர்ருத்யை பூ⁴ப்⁴ருதாம் லக்ஷ்ம்யை ஶர்வாண்யை தே நமோ நம꞉ ॥ 11 ॥
து³ர்கா³யை து³ர்க³பாராயை ஸாராயை ஸர்வகாரிண்யை ।
க்²யாத்யை ததை²வ க்ருஷ்ணாயை தூ⁴ம்ராயை ஸததம் நம꞉ ॥ 12 ॥
அதிஸௌம்யாதிரௌத்³ராயை நதாஸ்தஸ்யை நமோ நம꞉ ।
நமோ ஜக³த்ப்ரதிஷ்டா²யை தே³வ்யை க்ருத்யை நமோ நம꞉ ॥ 13 ॥
யா தே³வீ ஸர்வபூ⁴தேஷு விஷ்ணுமாயேதி ஶப்³தி³தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 14-16 ॥
யா தே³வீ ஸர்வபூ⁴தேஷு சேதநேத்யபி⁴தீ⁴யதே ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 17-19 ॥
யா தே³வீ ஸர்வபூ⁴தேஷு பு³த்³தி⁴ரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 20-22 ॥
யா தே³வீ ஸர்வபூ⁴தேஷு நித்³ராரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 23-25 ॥
யா தே³வீ ஸர்வபூ⁴தேஷு க்ஷுதா⁴ரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 26-28 ॥
யா தே³வீ ஸர்வபூ⁴தேஷு சா²யாரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 29-31 ॥
யா தே³வீ ஸர்வபூ⁴தேஷு ஶக்திரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 32-34 ॥
யா தே³வீ ஸர்வபூ⁴தேஷு த்ருஷ்ணாரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 35-37 ॥
யா தே³வீ ஸர்வபூ⁴தேஷு க்ஷாந்திரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 38-40 ॥
யா தே³வீ ஸர்வபூ⁴தேஷு ஜாதிரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 41-43 ॥
யா தே³வீ ஸர்வபூ⁴தேஷு லஜ்ஜாரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 44-46 ॥
யா தே³வீ ஸர்வபூ⁴தேஷு ஶாந்திரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 47-49 ॥
யா தே³வீ ஸர்வபூ⁴தேஷு ஶ்ரத்³தா⁴ரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 50-52 ॥
யா தே³வீ ஸர்வபூ⁴தேஷு காந்திரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 53-55 ॥
யா தே³வீ ஸர்வபூ⁴தேஷு லக்ஷ்மீரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 56-58 ॥
யா தே³வீ ஸர்வபூ⁴தேஷு வ்ருத்திரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 59-61 ॥
யா தே³வீ ஸர்வபூ⁴தேஷு ஸ்ம்ருதிரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 62-64 ॥
யா தே³வீ ஸர்வபூ⁴தேஷு த³யாரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 65-67 ॥
யா தே³வீ ஸர்வபூ⁴தேஷு துஷ்டிரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 68-70 ॥
யா தே³வீ ஸர்வபூ⁴தேஷு மாத்ருரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 71-73 ॥
யா தே³வீ ஸர்வபூ⁴தேஷு ப்⁴ராந்திரூபேண ஸம்ஸ்தி²தா ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 74-76 ॥
இந்த்³ரியாணாமதி⁴ஷ்டா²த்ரீ பூ⁴தாநாம் சாகி²லேஷு யா ।
பூ⁴தேஷு ஸததம் தஸ்யை வ்யாப்த்யை தே³வ்யை நமோ நம꞉ ॥ 77 ॥
சிதிரூபேண யா க்ருத்ஸ்நமேதத்³வ்யாப்ய ஸ்தி²தா ஜக³த் ।
நமஸ்தஸ்யை நமஸ்தஸ்யை நமஸ்தஸ்யை நமோ நம꞉ ॥ 78-80 ॥
ஸ்துதா ஸுரை꞉ பூர்வமபீ⁴ஷ்டஸம்ஶ்ரயா-
-த்ததா² ஸுரேந்த்³ரேண தி³நேஷு ஸேவிதா ।
கரோது ஸா ந꞉ ஶுப⁴ஹேதுரீஶ்வரீ
ஶுபா⁴நி ப⁴த்³ராண்யபி⁴ஹந்து சாபத³꞉ ॥ 81 ॥
யா ஸாம்ப்ரதம் சோத்³த⁴ததை³த்யதாபிதை-
-ரஸ்மாபி⁴ரீஶா ச ஸுரைர்நமஸ்யதே ।
யா ச ஸ்ம்ருதா தத்க்ஷணமேவ ஹந்தி ந꞉
ஸர்வாபதோ³ ப⁴க்திவிநம்ரமூர்திபி⁴꞉ ॥ 82 ॥
ருஷிருவாச ॥ 83 ॥
ஏவம் ஸ்தவாதி³யுக்தாநாம் தே³வாநாம் தத்ர பார்வதீ ।
ஸ்நாதுமப்⁴யாயயௌ தோயே ஜாஹ்நவ்யா ந்ருபநந்த³ந ॥ 84 ॥
ஸாப்³ரவீத்தாந் ஸுராந் ஸுப்⁴ரூர்ப⁴வத்³பி⁴꞉ ஸ்தூயதே(அ)த்ர கா ।
ஶரீரகோஶதஶ்சாஸ்யா꞉ ஸமுத்³பூ⁴தாப்³ரவீச்சி²வா ॥ 85 ॥
ஸ்தோத்ரம் மமைதத்க்ரியதே ஶும்ப⁴தை³த்யநிராக்ருதை꞉ ।
தே³வை꞉ ஸமேதை꞉ ஸமரே நிஶும்பே⁴ந பராஜிதை꞉ ॥ 86 ॥
ஶரீரகோஶாத்³யத்தஸ்யா꞉ பார்வத்யா நி꞉ஸ்ருதாம்பி³கா ।
கௌஶிகீதி ஸமஸ்தேஷு ததோ லோகேஷு கீ³யதே ॥ 87 ॥
தஸ்யாம் விநிர்க³தாயாம் து க்ருஷ்ணாபூ⁴த்ஸாபி பார்வதீ ।
காலிகேதி ஸமாக்²யாதா ஹிமாசலக்ருதாஶ்ரயா ॥ 88 ॥
ததோ(அ)ம்பி³காம் பரம் ரூபம் பி³ப்⁴ராணாம் ஸுமநோஹரம் ।
த³த³ர்ஶ சண்டோ³ முண்ட³ஶ்ச ப்⁴ருத்யௌ ஶும்ப⁴நிஶும்ப⁴யோ꞉ ॥ 89 ॥
தாப்⁴யாம் ஶும்பா⁴ய சாக்²யாதா ஸா(அ)தீவ ஸுமநோஹரா ।
காப்யாஸ்தே ஸ்த்ரீ மஹாராஜ பா⁴ஸயந்தீ ஹிமாசலம் ॥ 90 ॥
நைவ தாத்³ருக் க்வசித்³ரூபம் த்³ருஷ்டம் கேநசிது³த்தமம் ।
ஜ்ஞாயதாம் காப்யஸௌ தே³வீ க்³ருஹ்யதாம் சா(அ)ஸுரேஶ்வர ॥ 91 ॥
ஸ்த்ரீரத்நமதிசார்வங்கீ³ த்³யோதயந்தீ தி³ஶஸ்த்விஷா ।
ஸா து திஷ்ட²தி தை³த்யேந்த்³ர தாம் ப⁴வாந் த்³ரஷ்டுமர்ஹதி ॥ 92 ॥
யாநி ரத்நாநி மணயோ க³ஜாஶ்வாதீ³நி வை ப்ரபோ⁴ ।
த்ரைலோக்யே து ஸமஸ்தாநி ஸாம்ப்ரதம் பா⁴ந்தி தே க்³ருஹே ॥ 93 ॥
ஐராவத꞉ ஸமாநீதோ க³ஜரத்நம் புரந்த³ராத் ।
பாரிஜாததருஶ்சாயம் ததை²வோச்சை꞉ஶ்ரவா ஹய꞉ ॥ 94 ॥
விமாநம் ஹம்ஸஸம்யுக்தமேதத்திஷ்ட²தி தே(அ)ங்க³ணே ।
ரத்நபூ⁴தமிஹாநீதம் யதா³ஸீத்³வேத⁴ஸோ(அ)த்³பு⁴தம் ॥ 95 ॥
நிதி⁴ரேஷ மஹாபத்³ம꞉ ஸமாநீதோ த⁴நேஶ்வராத் ।
கிஞ்ஜல்கிநீம் த³தௌ³ சாப்³தி⁴ர்மாலாமம்லாநபங்கஜாம் ॥ 96 ॥
ச²த்ரம் தே வாருணம் கே³ஹே காஞ்சநஸ்ராவி திஷ்ட²தி ।
ததா²யம் ஸ்யந்த³நவரோ ய꞉ புரா(ஆ)ஸீத்ப்ரஜாபதே꞉ ॥ 97 ॥
ம்ருத்யோருத்க்ராந்திதா³ நாம ஶக்திரீஶ த்வயா ஹ்ருதா ।
பாஶ꞉ ஸலிலராஜஸ்ய ப்⁴ராதுஸ்தவ பரிக்³ரஹே ॥ 98 ॥
நிஶும்ப⁴ஸ்யாப்³தி⁴ஜாதாஶ்ச ஸமஸ்தா ரத்நஜாதய꞉ ।
வஹ்நிரபி த³தௌ³ துப்⁴யமக்³நிஶௌசே ச வாஸஸீ ॥ 99 ॥
ஏவம் தை³த்யேந்த்³ர ரத்நாநி ஸமஸ்தாந்யாஹ்ருதாநி தே ।
ஸ்த்ரீரத்நமேஷா கல்யாணீ த்வயா கஸ்மாந்ந க்³ருஹ்யதே ॥ 100 ॥
ருஷிருவாச ॥ 101 ॥
நிஶம்யேதி வச꞉ ஶும்ப⁴꞉ ஸ ததா³ சண்ட³முண்ட³யோ꞉ ।
ப்ரேஷயாமாஸ ஸுக்³ரீவம் தூ³தம் தே³வ்யா மஹாஸுரம் ॥ 102 ॥
இதி சேதி ச வக்தவ்யா ஸா க³த்வா வசநாந்மம ।
யதா² சாப்⁴யேதி ஸம்ப்ரீத்யா ததா² கார்யம் த்வயா லகு⁴ ॥ 103 ॥
ஸ தத்ர க³த்வா யத்ராஸ்தே ஶைலோத்³தே³ஶே(அ)திஶோப⁴நே ।
ஸா தே³வீ தாம் தத꞉ ப்ராஹ ஶ்லக்ஷ்ணம் மது⁴ரயா கி³ரா ॥ 104 ॥
தூ³த உவாச ॥ 105 ॥
தே³வி தை³த்யேஶ்வர꞉ ஶும்ப⁴ஸ்த்ரைலோக்யே பரமேஶ்வர꞉ ।
தூ³தோ(அ)ஹம் ப்ரேஷிதஸ்தேந த்வத்ஸகாஶமிஹாக³த꞉ ॥ 106 ॥
அவ்யாஹதாஜ்ஞ꞉ ஸர்வாஸு ய꞉ ஸதா³ தே³வயோநிஷு ।
நிர்ஜிதாகி²லதை³த்யாரி꞉ ஸ யதா³ஹ ஶ்ருணுஷ்வ தத் ॥ 107 ॥
மம த்ரைலோக்யமகி²லம் மம தே³வா வஶாநுகா³꞉ ।
யஜ்ஞபா⁴கா³நஹம் ஸர்வாநுபாஶ்நாமி ப்ருத²க்ப்ருத²க் ॥ 108 ॥
த்ரைலோக்யே வரரத்நாநி மம வஶ்யாந்யஶேஷத꞉ ।
ததை²வ க³ஜரத்நம் ச ஹ்ருதம் தே³வேந்த்³ரவாஹநம் ॥ 109 ॥
க்ஷீரோத³மத²நோத்³பூ⁴தமஶ்வரத்நம் மமாமரை꞉ ।
உச்சை꞉ஶ்ரவஸஸஞ்ஜ்ஞம் தத்ப்ரணிபத்ய ஸமர்பிதம் ॥ 110 ॥
யாநி சாந்யாநி தே³வேஷு க³ந்த⁴ர்வேஷூரகே³ஷு ச ।
ரத்நபூ⁴தாநி பூ⁴தாநி தாநி மய்யேவ ஶோப⁴நே ॥ 111 ॥
ஸ்த்ரீரத்நபூ⁴தாம் த்வாம் தே³வி லோகே மந்யாமஹே வயம் ।
ஸா த்வமஸ்மாநுபாக³ச்ச² யதோ ரத்நபு⁴ஜோ வயம் ॥ 112 ॥
மாம் வா மமாநுஜம் வாபி நிஶும்ப⁴முருவிக்ரமம் ।
ப⁴ஜ த்வம் சஞ்சலாபாங்கி³ ரத்நபூ⁴தாஸி வை யத꞉ ॥ 113 ॥
பரமைஶ்வர்யமதுலம் ப்ராப்ஸ்யஸே மத்பரிக்³ரஹாத் ।
ஏதத்³பு³த்³த்⁴யா ஸமாலோச்ய மத்பரிக்³ரஹதாம் வ்ரஜ ॥ 114 ॥
ருஷிருவாச ॥ 115 ॥
இத்யுக்தா ஸா ததா³ தே³வீ க³ம்பீ⁴ராந்த꞉ஸ்மிதா ஜகௌ³ ।
து³ர்கா³ ப⁴க³வதீ ப⁴த்³ரா யயேத³ம் தா⁴ர்யதே ஜக³த் ॥ 116 ॥
தே³வ்யுவாச ॥ 117 ॥
ஸத்யமுக்தம் த்வயா நாத்ர மித்²யா கிஞ்சித்த்வயோதி³தம் ।
த்ரைலோக்யாதி⁴பதி꞉ ஶும்போ⁴ நிஶும்ப⁴ஶ்சாபி தாத்³ருஶ꞉ ॥ 118 ॥
கிம் த்வத்ர யத்ப்ரதிஜ்ஞாதம் மித்²யா தத்க்ரியதே கத²ம் ।
ஶ்ரூயதாமல்பபு³த்³தி⁴த்வாத்ப்ரதிஜ்ஞா யா க்ருதா புரா ॥ 119 ॥
யோ மாம் ஜயதி ஸங்க்³ராமே யோ மே த³ர்பம் வ்யபோஹதி ।
யோ மே ப்ரதிப³லோ லோகே ஸ மே ப⁴ர்தா ப⁴விஷ்யதி ॥ 120 ॥
ததா³க³ச்ச²து ஶும்போ⁴(அ)த்ர நிஶும்போ⁴ வா மஹாஸுர꞉ ।
மாம் ஜித்வா கிம் சிரேணாத்ர பாணிம் க்³ருஹ்ணாது மே லகு⁴ ॥ 121 ॥
தூ³த உவாச ॥ 122 ॥
அவலிப்தாஸி மைவம் த்வம் தே³வி ப்³ரூஹி மமாக்³ரத꞉ ।
த்ரைலோக்யே க꞉ புமாம்ஸ்திஷ்டே²த³க்³ரே ஶும்ப⁴நிஶும்ப⁴யோ꞉ ॥ 123 ॥
அந்யேஷாமபி தை³த்யாநாம் ஸர்வே தே³வா ந வை யுதி⁴ ।
திஷ்ட²ந்தி ஸம்முகே² தே³வி கிம் புந꞉ ஸ்த்ரீ த்வமேகிகா ॥ 124 ॥
இந்த்³ராத்³யா꞉ ஸகலா தே³வாஸ்தஸ்து²ர்யேஷாம் ந ஸம்யுகே³ ।
ஶும்பா⁴தீ³நாம் கத²ம் தேஷாம் ஸ்த்ரீ ப்ரயாஸ்யஸி ஸம்முக²ம் ॥ 125 ॥
ஸா த்வம் க³ச்ச² மயைவோக்தா பார்ஶ்வம் ஶும்ப⁴நிஶும்ப⁴யோ꞉ ।
கேஶாகர்ஷணநிர்தூ⁴தகௌ³ரவா மா க³மிஷ்யஸி ॥ 126 ॥
தே³வ்யுவாச ॥ 127 ॥
ஏவமேதத்³ப³லீ ஶும்போ⁴ நிஶும்ப⁴ஶ்சாதிவீர்யவாந் ।
கிம் கரோமி ப்ரதிஜ்ஞா மே யத³நாலோசிதா புரா ॥ 128 ॥
ஸ த்வம் க³ச்ச² மயோக்தம் தே யதே³தத்ஸர்வமாத்³ருத꞉ ।
ததா³சக்ஷ்வாஸுரேந்த்³ராய ஸ ச யுக்தம் கரோது யத் ॥ 129 ॥
। ஓம் ।
இதி ஶ்ரீமார்கண்டே³யபுராணே ஸாவர்ணிகே மந்வந்தரே தே³வீமாஹாத்ம்யே தே³வ்யா தூ³தஸம்வாதோ³ நாம பஞ்சமோ(அ)த்⁴யாய꞉ ॥ 5 ॥
– Chant Stotra in Other Languages –
Durga Saptasati Chapter 5 Devi Duta Samvadam in English – Sanskrit – Kannada – Telugu – Tamil