భద్రాచల రామదాసు కీర్తనలు
॥ Emayya Rama Brahmendradulakunaina Lyrics ॥
కల్యాణి – రూపక (కాంభోజి – ఝంప)
పల్లవి:
ఏమయ్యరామ బ్రహ్మేంద్రాదులకునైన
నీ మాయ దెలియవశమా శ్రీరామ ఏ ॥
అను పల్లవి:
కామారివినుత గుణధామ కువలయదళ
శ్యామ ననుగన్నతండ్రి శ్రీరామ ఏ ॥
చరణము(లు):
సుతుడనుచు దశరథుడు హితుడనుచు సుగ్రీవు
డతిబలుడనుచు కపులు శ్రీరామ క్షితినాథుడనుచు భూ
పతులు కొలిచిరిగాని పతితపావనుడనుచు మదితెలియలేరైరి ఏ ॥
చెలికాడనుచు పాండవులు విరోధివటంచు
నలజరాసంధాదులు శ్రీరామ కలవాడవని కు
చేలుడు నెరిగిరిగాని జలజాక్షుడని నిన్ను సేవింపలేరైరి ఏ ॥
నరుడవని నరులు తమ దొరవనుచు యాదవులు
వరుడవనుచు గోపసతులు శ్రీరామ కరివరద భద్రగిరి
శ్రీరామదాసనుత పరమాత్ముడని నిన్ను భావింపలేరైరి ఏ ॥
– Chant Stotra in Other Languages –
Sri Ramadasu Keerthanalu – Emayya Rama Brahmendradulakunaina Lyrics » English