భద్రాచల రామదాసు కీర్తనలు
॥ Emira Rama Navalla Lyrics ॥
నాదనామక్రియ – ఆది
పల్లవి:
ఏమిర రామ నావల్ల నేర మేమిరా రామ
ఏమిర రామ యీ కష్టము నీమహిమో నాప్రారబ్ధమో ఏ ॥
చరణము(లు):
కుండలిశయన వేదండ రక్షకా
అఖండతేజ నాయండ నుండవే ఏ ॥
పంకజలోచన శంకరనుత నా
సంకటమును మాన్పవె పొంకముతోను ఏ ॥
మందరధర నీ సుందర పదములు
ఇందిరేశ కనుగొందు జూపవే ఏ ॥
దినమొక ఏడుగ ఘనముగ గడిపితి
తనయుని మీదను దయలేదయయో ఏ ॥
సదయహృదయ నీ మృదుపదములు నా
హృదయ కమలమున వదలక నిలిపితి ఏ ॥
రామ రామ భద్రాచల సీతా
రామదాసుని ప్రేమతో నేలవే ఏ ॥
– Chant Stotra in Other Languages –
Sri Ramadasu Keerthanalu – Emira Rama Navalla Lyrics » English