॥ Ganeshashtakam 2 Telugu Lyrics ॥
॥ గణేశాష్టకమ్ ౨ ॥
గణపతి-పరివారం చారుకేయూరహారం
గిరిధరవరసారం యోగినీచక్రచారమ్ ।
భవ-భయ-పరిహారదుఃఖ-దారిద్ర్య-దూరం-
గణపతిమభివన్దేవక్రతుణ్డావతారమ్ ॥ ౧ ॥
అఖిలమలవినాశమ్పాణినాహస్తపాశం-
కనకగిరినికాశంసూర్యకోటిప్రకాశమ్ ।
భజభవగిరినాశమాలతీతీరవాసం-
గణపతిమభివన్దేమానసేరాజహంసమ్ ॥ ౨ ॥
వివిధ-మణిమయూఖైః శోభమానం విదూరైః-
కనక-రచిత-చిత్రఙ్కణ్ఠదేశేవిచిత్రమ్ ।
దధతి విమలహారం సర్వదా యత్నసారం
గణపతిమభివన్దే వక్రతుణ్డావతారమ్ ॥ ౩ ॥
దురితగజమమన్దం వారుణీం చైవ వేదం
విదితమఖిలనాదం నృత్యమానన్దకన్దం ।
దధతిశశిసువక్త్రం చాఙ్కుశంయోవిశేషం
గణపతిమభివన్దే సర్వదాఽఽనన్దకన్దమ్ ॥ ౪ ॥
త్రినయనయుతభాలేశోభమానే విశాలే-
ముకుట-మణి-సుఢాలే మౌక్తికానాం చ జాలే ।
ధవలకుసుమమాలే యస్య శీర్ష్ణః సతాలే
గణపతిమభివన్దే సర్వదా చక్రపాణిమ్ ॥ ౫ ॥
వపుషి మహతి రూపం పీఠమాదౌ సుదీపం
తదుపరి రసకోణం యస్య చోర్ధ్వం త్రికోణమ్ ।
గజమితదలపద్మం సంస్థితం చారుఛద్మం
గణపతిమభివన్దే కల్పవృక్షస్య వృన్దే ॥ ౬ ॥
వరదవిశదశస్తం దక్షిణం యస్య హస్తం
సదయమభయదం తం చిన్తయే చిత్తసంస్థమ్ ।
శబలకుటిలశుణ్డఞ్చైకతుణ్డం ద్వితుణ్డం
గణపతిమభివన్దే సర్వదా వక్రతుణ్డమ్ ॥ ౭ ॥
కల్పద్రుమాధఃస్థిత-కామధేనుం చిన్తామణిం దక్షిణపాణిశుణ్డమ్ ।
బిభ్రాణమత్యద్భూతచిత్తరూపం యః పూజయేత్ తస్య సమస్తసిద్ధిః ॥ ౮ ॥
వ్యాసాఽష్టకమిదం పుణ్యం గణేశస్తవనం నృణామ్ ।
పఠతాం దుఃఖనాశాయ విద్యాం సంశ్రియమశ్నుతే ॥ ౯ ॥
ఇతి శ్రీపద్భపురాణే ఉత్తరఖణ్డే వ్యాసవిరచితం గణేశాష్టకం సమ్పూర్ణమ్ ।
– Chant Stotra in Other Languages –
Sri Ganapathi Slokam » Ganeshashtakam 2 Lyrics in Sanskrit » English » Bengali » Gujarati » Kannada » Malayalam » Odia » Tamil