॥ Garbha Geetaa Gujarati Lyrics ॥
॥ ગર્ભગીતા ॥
વન્દે કૃષ્ણં સુરેન્દ્રં સ્થિતિલયજનને કારણં સર્વજન્તોઃ
સ્વેચ્છાચારં કૃપાલું ગુણગણરહિતં યોગિનાં યોગગમ્યમ્ ।
દ્વન્દ્વાતીતં ચ સત્યં હરમુખવિબુધૈઃ સેવિતં જ્ઞાનરૂપં
ભક્તાધીનં તુરીયં નવઘનરુચિરં દેવકીનન્દનં તમ્ ॥
અર્જુન ઉવાચ —
ગર્ભવાસં જરામૃત્યું કિમર્થં ભ્રમતે નરઃ ।
કથં વા વહિતં જન્મ બ્રૂહિ દેવ જનાર્દન ॥ ૧ ॥
શ્રીભગવાનુવાચ —
માનવો મૂઢ અન્ધશ્ચ સંસારેઽસ્મિન્ વિલિપ્યતે ।
આશાસ્તથા ન જહાતિ પ્રાણાનાં જનસમ્પદામ્ ॥ ૨ ॥
અર્જુન ઉવાચ —
આશા કેન જિતા લોકૈઃ સંસારવિષયૌ તથા ।
કેન કર્મપ્રકારેણ લોકો મુચ્યેત બન્ધનાત્ ॥ ૩ ॥
કામઃ ક્રોધશ્ચ લોભશ્ચ મદમાત્સર્યમેવ ચ ।
એતે મનસિ વર્તન્તે કર્મપાશં કથમ્ ત્યજેત્ ॥ ૪ ॥
શ્રીભગવાનુવાચ —
જ્ઞાનાગ્નિર્દહતે કર્મ ભૂયોઽપિ તેન લિપ્યતે ।
વિશુદ્ધાત્મા હિ લોકઃ સઃ પુનર્જન્મ ન ભુઞ્જતે ॥ ૫ ॥
જિતં સર્વકૃતં કર્મ વિષ્ણુશ્રીગુરુચિન્તનમ્ ।
વિકલ્પો નાસ્તિ સઙ્કલ્પઃ પુનર્જન્મ ન વિદ્યતે ॥ ૬ ॥
નાનાશાસ્ત્રં પઠેલ્લોકો નાનાદૈવતપૂજનમ્ ।
આત્મજ્ઞાનં વિના પાર્થ સર્વકર્મ નિરર્થકમ્ ॥ ૭ ॥
આચારઃ ક્રિયતે કોટિ દાનં ચ ગિરિકાઞ્ચનમ્ ।
આત્મતત્ત્વં ન જાનાતિ મુક્તિર્નાસ્તિ ન સંશયઃ ॥ ૮ ॥
કોટિયજ્ઞકૃતં પુણ્યં કોટિદાનં હયો ગજઃ ।
ગોદાનં ચ સહસ્રાણિ મુક્તિર્નાસ્તિ ન વા શુચિઃ ॥ ૯ ॥
ન મોક્ષં ભ્રમતે તીર્થં ન મોક્ષં ભસ્મલેપનમ્ ।
ન મોક્ષં બ્રહ્મચર્યં હિ મોક્ષં નેન્દ્રિયનિગ્રહઃ ॥ ૧૦ ॥
ન મોક્ષં કોટિયજ્ઞં ચ ન મોક્ષં દાનકાઞ્ચનમ્ ।
ન મોક્ષં વનવાસેન ન મોક્ષં ભોજનં વિના ॥ ૧૧ ॥
ન મોક્ષં મન્દમૌનેન ન મોક્ષં દેહતાડનમ્ ।
ન મોક્ષં ગાયને ગીતં ન મોક્ષં શિલ્પનિગ્રહમ્ ॥ ૧૨ ॥
ન મોક્ષં કર્મકર્મેષુ ન મોક્ષં મુક્તિભાવને ।
ન મોક્ષં સુજટાભારં નિર્જનસેવનસ્તથા ॥ ૧૩ ॥
ન મોક્ષં ધારણાધ્યાનં ન મોક્ષં વાયુરોધનમ્ ।
ન મોક્ષં કન્દભક્ષેણ ન મોક્ષં સર્વરોધનમ્ ॥ ૧૪ ॥
યાવદ્બુદ્ધિવિકારેણ આત્મતત્ત્વં ન વિન્દતિ ।
યાવદ્યોગં ચ સંન્યાસં તાવચ્ચિત્તં ન હિ સ્થિરમ્ ॥ ૧૫ ॥
અભ્યન્તરં ભવેત્ શુદ્ધં ચિદ્ભાવસ્ય વિકારજમ્ ।
ન ક્ષાલિતં મનોમાલ્યં કિં ભવેત્ તપકોટિષુ ॥ ૧૬ ॥
અર્જુન ઉવાચ —
અભ્યન્તરં કથં શુદ્ધં ચિદ્ભાવસ્ય પૃથક્ કૃતમ્ ।
મનોમાલ્યં સદા કૃષ્ણ કથં તન્નિર્મલં ભવેત્ ॥ ૧૭ ॥
શ્રીભગવાનુવાચ —
પ્રશુદ્ધાત્મા તપોનિષ્ઠો જ્ઞાનાગ્નિદગ્ધકલ્મષઃ ।
તત્પરો ગુરુવાક્યે ચ પુનર્જન્મ ન ભુઞ્જતે ॥ ૧૮ ॥
અર્જુન ઉવાચ —
કર્માકર્મદ્વયં બીજં લોકે હિ દૃઢબન્ધનમ્ ।
કેન કર્મપ્રકારેણ લોકો મુચ્યેત બન્ધનાત્ ॥ ૧૯ ॥
શ્રીભગવાનુવાચ —
કર્માકર્મદ્વયં સાધો જ્ઞાનાભ્યાસસુયોગતઃ ।
બ્રહ્માગ્નિર્ભુઞ્જતે બીજં અબીજં મુક્તિસાધકમ્ ॥ ૨૦ ॥
યોગિનાં સહજાનન્દઃ જન્મમૃત્યુવિનાશકમ્ ।
નિષેધવિધિરહિતં અબીજં ચિત્સ્વરૂપકમ્ ॥ ૨૧ ॥
તસ્માત્ સર્વાન્ પૃથક્ કૃત્ય આત્મનૈવ વસેત્ સદા ।
મિથ્યાભૂતં જગત્ ત્યક્ત્વા સદાનન્દં લભેત્ સુધીઃ ॥ ૨૨ ॥
ઇતિ શ્રીગર્ભગીતા સમાપ્તા ।
– Chant Stotra in Other Languages –
Garbha Gita in Sanskrit – English – Bengali – Gujarati – Kannada – Malayalam – Odia – Telugu – Tamil