॥ Garbha Geetaa Tamil Lyrics ॥
॥ க³ர்ப⁴கீ³தா ॥
வந்தே³ க்ருʼஷ்ணம்ʼ ஸுரேந்த்³ரம்ʼ ஸ்தி²திலயஜனனே காரணம்ʼ ஸர்வஜந்தோ꞉
ஸ்வேச்சா²சாரம்ʼ க்ருʼபாலும்ʼ கு³ணக³ணரஹிதம்ʼ யோகி³னாம்ʼ யோக³க³ம்யம் ।
த்³வந்த்³வாதீதம்ʼ ச ஸத்யம்ʼ ஹரமுக²விபு³தை⁴꞉ ஸேவிதம்ʼ ஜ்ஞானரூபம்ʼ
ப⁴க்தாதீ⁴னம்ʼ துரீயம்ʼ நவக⁴னருசிரம்ʼ தே³வகீநந்த³னம்ʼ தம் ॥
அர்ஜுன உவாச —
க³ர்ப⁴வாஸம்ʼ ஜராம்ருʼத்யும்ʼ கிமர்த²ம்ʼ ப்⁴ரமதே நர꞉ ।
கத²ம்ʼ வா வஹிதம்ʼ ஜன்ம ப்³ரூஹி தே³வ ஜனார்த³ன ॥ 1 ॥
ஶ்ரீப⁴க³வானுவாச —
மானவோ மூட⁴ அந்த⁴ஶ்ச ஸம்ʼஸாரே(அ)ஸ்மின் விலிப்யதே ।
ஆஶாஸ்ததா² ந ஜஹாதி ப்ராணானாம்ʼ ஜனஸம்பதா³ம் ॥ 2 ॥
அர்ஜுன உவாச —
ஆஶா கேன ஜிதா லோகை꞉ ஸம்ʼஸாரவிஷயௌ ததா² ।
கேன கர்மப்ரகாரேண லோகோ முச்யேத ப³ந்த⁴னாத் ॥ 3 ॥
காம꞉ க்ரோத⁴ஶ்ச லோப⁴ஶ்ச மத³மாத்ஸர்யமேவ ச ।
ஏதே மனஸி வர்தந்தே கர்மபாஶம்ʼ கத²ம் த்யஜேத் ॥ 4 ॥
ஶ்ரீப⁴க³வானுவாச —
ஜ்ஞாநாக்³நிர்த³ஹதே கர்ம பூ⁴யோ(அ)பி தேன லிப்யதே ।
விஶுத்³தா⁴த்மா ஹி லோக꞉ ஸ꞉ புனர்ஜன்ம ந பு⁴ஞ்ஜதே ॥ 5 ॥
ஜிதம்ʼ ஸர்வக்ருʼதம்ʼ கர்ம விஷ்ணுஶ்ரீகு³ருசிந்தனம் ।
விகல்போ நாஸ்தி ஸங்கல்ப꞉ புனர்ஜன்ம ந வித்³யதே ॥ 6 ॥
நாநாஶாஸ்த்ரம்ʼ படே²ல்லோகோ நாநாதை³வதபூஜனம் ।
ஆத்மஜ்ஞானம்ʼ வினா பார்த² ஸர்வகர்ம நிரர்த²கம் ॥ 7 ॥
ஆசார꞉ க்ரியதே கோடி தா³னம்ʼ ச கி³ரிகாஞ்சனம் ।
ஆத்மதத்த்வம்ʼ ந ஜானாதி முக்திர்னாஸ்தி ந ஸம்ʼஶய꞉ ॥ 8 ॥
கோடியஜ்ஞக்ருʼதம்ʼ புண்யம்ʼ கோடிதா³னம்ʼ ஹயோ க³ஜ꞉ ।
கோ³தா³னம்ʼ ச ஸஹஸ்ராணி முக்திர்னாஸ்தி ந வா ஶுசி꞉ ॥ 9 ॥
ந மோக்ஷம்ʼ ப்⁴ரமதே தீர்த²ம்ʼ ந மோக்ஷம்ʼ ப⁴ஸ்மலேபனம் ।
ந மோக்ஷம்ʼ ப்³ரஹ்மசர்யம்ʼ ஹி மோக்ஷம்ʼ நேந்த்³ரியநிக்³ரஹ꞉ ॥ 10 ॥
ந மோக்ஷம்ʼ கோடியஜ்ஞம்ʼ ச ந மோக்ஷம்ʼ தா³னகாஞ்சனம் ।
ந மோக்ஷம்ʼ வனவாஸேன ந மோக்ஷம்ʼ போ⁴ஜனம்ʼ வினா ॥ 11 ॥
ந மோக்ஷம்ʼ மந்த³மௌனேன ந மோக்ஷம்ʼ தே³ஹதாட³னம் ।
ந மோக்ஷம்ʼ கா³யனே கீ³தம்ʼ ந மோக்ஷம்ʼ ஶில்பநிக்³ரஹம் ॥ 12 ॥
ந மோக்ஷம்ʼ கர்மகர்மேஷு ந மோக்ஷம்ʼ முக்திபா⁴வனே ।
ந மோக்ஷம்ʼ ஸுஜடாபா⁴ரம்ʼ நிர்ஜனஸேவனஸ்ததா² ॥ 13 ॥
ந மோக்ஷம்ʼ தா⁴ரணாத்⁴யானம்ʼ ந மோக்ஷம்ʼ வாயுரோத⁴னம் ।
ந மோக்ஷம்ʼ கந்த³ப⁴க்ஷேண ந மோக்ஷம்ʼ ஸர்வரோத⁴னம் ॥ 14 ॥
யாவத்³பு³த்³தி⁴விகாரேண ஆத்மதத்த்வம்ʼ ந விந்த³தி ।
யாவத்³யோக³ம்ʼ ச ஸம்ʼந்யாஸம்ʼ தாவச்சித்தம்ʼ ந ஹி ஸ்தி²ரம் ॥ 15 ॥
அப்⁴யந்தரம்ʼ ப⁴வேத் ஶுத்³த⁴ம்ʼ சித்³பா⁴வஸ்ய விகாரஜம் ।
ந க்ஷாலிதம்ʼ மனோமால்யம்ʼ கிம்ʼ ப⁴வேத் தபகோடிஷு ॥ 16 ॥
அர்ஜுன உவாச —
அப்⁴யந்தரம்ʼ கத²ம்ʼ ஶுத்³த⁴ம்ʼ சித்³பா⁴வஸ்ய ப்ருʼத²க் க்ருʼதம் ।
மனோமால்யம்ʼ ஸதா³ க்ருʼஷ்ண கத²ம்ʼ தந்நிர்மலம்ʼ ப⁴வேத் ॥ 17 ॥
ஶ்ரீப⁴க³வானுவாச —
ப்ரஶுத்³தா⁴த்மா தபோநிஷ்டோ² ஜ்ஞாநாக்³னித³க்³த⁴கல்மஷ꞉ ।
தத்பரோ கு³ருவாக்யே ச புனர்ஜன்ம ந பு⁴ஞ்ஜதே ॥ 18 ॥
அர்ஜுன உவாச —
கர்மாகர்மத்³வயம்ʼ பீ³ஜம்ʼ லோகே ஹி த்³ருʼட⁴ப³ந்த⁴னம் ।
கேன கர்மப்ரகாரேண லோகோ முச்யேத ப³ந்த⁴னாத் ॥ 19 ॥
ஶ்ரீப⁴க³வானுவாச —
கர்மாகர்மத்³வயம்ʼ ஸாதோ⁴ ஜ்ஞாநாப்⁴யாஸஸுயோக³த꞉ ।
ப்³ரஹ்மாக்³நிர்பு⁴ஞ்ஜதே பீ³ஜம்ʼ அபீ³ஜம்ʼ முக்திஸாத⁴கம் ॥ 20 ॥
யோகி³னாம்ʼ ஸஹஜானந்த³꞉ ஜன்மம்ருʼத்யுவிநாஶகம் ।
நிஷேத⁴விதி⁴ரஹிதம்ʼ அபீ³ஜம்ʼ சித்ஸ்வரூபகம் ॥ 21 ॥
தஸ்மாத் ஸர்வான் ப்ருʼத²க் க்ருʼத்ய ஆத்மனைவ வஸேத் ஸதா³ ।
மித்²யாபூ⁴தம்ʼ ஜக³த் த்யக்த்வா ஸதா³னந்த³ம்ʼ லபே⁴த் ஸுதீ⁴꞉ ॥ 22 ॥
இதி ஶ்ரீக³ர்ப⁴கீ³தா ஸமாப்தா ।
– Chant Stotra in Other Languages –
Garbha Gita in Sanskrit – English – Bengali – Gujarati – Kannada – Malayalam – Odia – Telugu – Tamil