॥ Garbha Geetaa Telugu Lyrics ॥
॥ గర్భగీతా ॥
వందే కృష్ణం సురేంద్రం స్థితిలయజననే కారణం సర్వజంతోః
స్వేచ్ఛాచారం కృపాలుం గుణగణరహితం యోగినాం యోగగమ్యం ।
ద్వంద్వాతీతం చ సత్యం హరముఖవిబుధైః సేవితం జ్ఞానరూపం
భక్తాధీనం తురీయం నవఘనరుచిరం దేవకీనందనం తం ॥
అర్జున ఉవాచ —
గర్భవాసం జరామృత్యుం కిమర్థం భ్రమతే నరః ।
కథం వా వహితం జన్మ బ్రూహి దేవ జనార్దన ॥ 1 ॥
శ్రీభగవానువాచ —
మానవో మూఢ అంధశ్చ సంసారేఽస్మిన్ విలిప్యతే ।
ఆశాస్తథా న జహాతి ప్రాణానాం జనసంపదాం ॥ 2 ॥
అర్జున ఉవాచ —
ఆశా కేన జితా లోకైః సంసారవిషయౌ తథా ।
కేన కర్మప్రకారేణ లోకో ముచ్యేత బంధనాత్ ॥ 3 ॥
కామః క్రోధశ్చ లోభశ్చ మదమాత్సర్యమేవ చ ।
ఏతే మనసి వర్తంతే కర్మపాశం కథం త్యజేత్ ॥ 4 ॥
శ్రీభగవానువాచ —
జ్ఞానాగ్నిర్దహతే కర్మ భూయోఽపి తేన లిప్యతే ।
విశుద్ధాత్మా హి లోకః సః పునర్జన్మ న భుంజతే ॥ 5 ॥
జితం సర్వకృతం కర్మ విష్ణుశ్రీగురుచింతనం ।
వికల్పో నాస్తి సంకల్పః పునర్జన్మ న విద్యతే ॥ 6 ॥
నానాశాస్త్రం పఠేల్లోకో నానాదైవతపూజనం ।
ఆత్మజ్ఞానం వినా పార్థ సర్వకర్మ నిరర్థకం ॥ 7 ॥
ఆచారః క్రియతే కోటి దానం చ గిరికాంచనం ।
ఆత్మతత్త్వం న జానాతి ముక్తిర్నాస్తి న సంశయః ॥ 8 ॥
కోటియజ్ఞకృతం పుణ్యం కోటిదానం హయో గజః ।
గోదానం చ సహస్రాణి ముక్తిర్నాస్తి న వా శుచిః ॥ 9 ॥
న మోక్షం భ్రమతే తీర్థం న మోక్షం భస్మలేపనం ।
న మోక్షం బ్రహ్మచర్యం హి మోక్షం నేంద్రియనిగ్రహః ॥ 10 ॥
న మోక్షం కోటియజ్ఞం చ న మోక్షం దానకాంచనం ।
న మోక్షం వనవాసేన న మోక్షం భోజనం వినా ॥ 11 ॥
న మోక్షం మందమౌనేన న మోక్షం దేహతాడనం ।
న మోక్షం గాయనే గీతం న మోక్షం శిల్పనిగ్రహం ॥ 12 ॥
న మోక్షం కర్మకర్మేషు న మోక్షం ముక్తిభావనే ।
న మోక్షం సుజటాభారం నిర్జనసేవనస్తథా ॥ 13 ॥
న మోక్షం ధారణాధ్యానం న మోక్షం వాయురోధనం ।
న మోక్షం కందభక్షేణ న మోక్షం సర్వరోధనం ॥ 14 ॥
యావద్బుద్ధివికారేణ ఆత్మతత్త్వం న విందతి ।
యావద్యోగం చ సంన్యాసం తావచ్చిత్తం న హి స్థిరం ॥ 15 ॥
అభ్యంతరం భవేత్ శుద్ధం చిద్భావస్య వికారజం ।
న క్షాలితం మనోమాల్యం కిం భవేత్ తపకోటిషు ॥ 16 ॥
అర్జున ఉవాచ —
అభ్యంతరం కథం శుద్ధం చిద్భావస్య పృథక్ కృతం ।
మనోమాల్యం సదా కృష్ణ కథం తన్నిర్మలం భవేత్ ॥ 17 ॥
శ్రీభగవానువాచ —
ప్రశుద్ధాత్మా తపోనిష్ఠో జ్ఞానాగ్నిదగ్ధకల్మషః ।
తత్పరో గురువాక్యే చ పునర్జన్మ న భుంజతే ॥ 18 ॥
అర్జున ఉవాచ —
కర్మాకర్మద్వయం బీజం లోకే హి దృఢబంధనం ।
కేన కర్మప్రకారేణ లోకో ముచ్యేత బంధనాత్ ॥ 19 ॥
శ్రీభగవానువాచ —
కర్మాకర్మద్వయం సాధో జ్ఞానాభ్యాససుయోగతః ।
బ్రహ్మాగ్నిర్భుంజతే బీజం అబీజం ముక్తిసాధకం ॥ 20 ॥
యోగినాం సహజానందః జన్మమృత్యువినాశకం ।
నిషేధవిధిరహితం అబీజం చిత్స్వరూపకం ॥ 21 ॥
తస్మాత్ సర్వాన్ పృథక్ కృత్య ఆత్మనైవ వసేత్ సదా ।
మిథ్యాభూతం జగత్ త్యక్త్వా సదానందం లభేత్ సుధీః ॥ 22 ॥
ఇతి శ్రీగర్భగీతా సమాప్తా ।
– Chant Stotra in Other Languages –
Garbha Gita in Sanskrit – English – Bengali – Gujarati – Kannada – Malayalam – Odia – Telugu – Tamil