॥ Gauri Ashtottarashatanama Stotram Bengali Lyrics ॥
॥ গৌর্যষ্টোত্তরশতনামস্তোত্রম্ ॥
॥ অথ গৌর্যষ্টোত্তরশতনামস্তোত্রম্ ॥
॥ দত্তাত্রেয়েণ গৌর্যষ্টোত্তরশতনামস্তোত্রোপদেশবর্ণনম্ ॥
ইতি শ্রুত্বা কথাং পুণ্যাং গৌরীবীর্যবিচিত্রিতাম্ ।
অপৃচ্ছদ্ভার্গবো ভূয়ো দত্তাত্রেয়ং মহামুনিম্ ॥ ১ ॥
ভগবন্নদ্ভুততমং গৌর্যা বীর্যমুদাহৃতম্ ।
শৃণ্বতো ন হি মে তৃপ্তিঃ কথাং তে মুখনিঃসৃতাম্ ॥ ২ ॥
গৌর্যা নামাষ্টশতকং য়চ্ছচ্যৈ ধিষণো জগৌ ।
তন্মে কথয় য়চ্ছ্রোতুং মনো মেঽত্যন্তমুত্সুকম্ ॥ ৩ ॥
ভার্গবেণেত্থমাপৃষ্টো য়োগিরাডত্রিনন্দনঃ ।
অষ্টোত্তরশতং নাম্নাং প্রাহ গৌর্যা দয়ানিধিঃ ॥ ৪ ॥
জামদগ্ন্য শৃণু স্তোত্রং গৌরীনামভিরঙ্কিতম্ ।
মনোহরং বাঞ্ছিতদং মহাঽঽপদ্বিনিবারণম্ ॥ ৫ ॥
স্তোত্রস্যাঽস্য ঋষিঃ প্রোক্ত অঙ্গিরাশ্ছন্দ ঈরিতঃ ।
অনুষ্টুপ্ দেবতা গৌরী আপন্নাশায় য়ো জপেত্ ॥ ৬ ॥
হ্রাং হ্রীং ইত্যাদি বিন্যস্য ধ্যাত্বা স্তোত্রমুদীরয়েত্ ॥
॥ ধ্যানম্ ॥
সিংহসংস্থাং মেচকাভাং কৌসুম্ভাংশুকশোভিতাম্ ॥ ৭
খড্গং খেটং ত্রিশূলঞ্চ মুদ্গরং বিভ্রতীং করৈঃ ।
চন্দ্রচূডাং ত্রিনয়নাং ধ্যায়েত্গৌরীমভীষ্টদাম্ ॥ ৮ ॥
॥ স্তোত্রম্ ॥
গৌরী গোজননী বিদ্যা শিবা দেবী মহেশ্বরী ।
নারায়ণাঽনুজা নম্রভূষণা নুতবৈভবা ॥ ৯ ॥
ত্রিনেত্রা ত্রিশিখা শম্ভুসংশ্রয়া শশিভূষণা ।
শূলহস্তা শ্রুতধরা শুভদা শুভরূপিণী ॥ ১০ ॥
উমা ভগবতী রাত্রিঃ সোমসূর্যাঽগ্নিলোচনা ।
সোমসূর্যাত্মতাটঙ্কা সোমসূর্যকুচদ্বয়ী ॥ ১১ ॥
অম্বা অম্বিকা অম্বুজধরা অম্বুরূপাঽঽপ্যায়িনী স্থিরা ।
শিবপ্রিয়া শিবাঙ্কস্থা শোভনা শুম্ভনাশিনী ॥ ১২ ॥
খড্গহস্তা খগা খেটধরা খাঽচ্ছনিভাকৃতিঃ ।
কৌসুম্ভচেলা কৌসুম্ভপ্রিয়া কুন্দনিভদ্বিজা ॥ ১৩ ॥
কালী কপালিনী ক্রূরা করবালকরা ক্রিয়া ।
কাম্যা কুমারী কুটিলা কুমারাম্বা কুলেশ্বরী ॥ ১৪ ॥
মৃডানী মৃগশাবাক্ষী মৃদুদেহা মৃগপ্রিয়া ।
মৃকণ্ডুপূজিতা মাধ্বীপ্রিয়া মাতৃগণেডিতা ॥ ১৫ ॥
মাতৃকা মাধবী মাদ্যন্মানসা মদিরেক্ষণা ।
মোদরূপা মোদকরী মুনিধ্যেয়া মনোন্মনী ॥ ১৬ ॥
পর্বতস্থা পর্বপূজ্যা পরমা পরমার্থদা ।
পরাত্পরা পরামর্শময়ী পরিণতাখিলা ॥ ১৭ ॥
পাশিসেব্যা পশুপতিপ্রিয়া পশুবৃষস্তুতা ।
পশ্যন্তী পরচিদ্রূপা পরীবাদহরা পরা ॥ ১৮ ॥
সর্বজ্ঞা সর্বরূপা সা সম্পত্তিঃ সম্পদুন্নতা ।
আপন্নিবারিণী ভক্তসুলভা করুণাময়ী ॥ ১৯ ॥
কলাবতী কলামূলা কলাকলিতবিগ্রহা ।
গণসেব্যা গণেশানা গতির্গমনবর্জিতা ॥ ২০ ॥
ঈশ্বরীশানদয়িতা শক্তিঃ শমিতপাতকা ।
পীঠগা পীঠিকারূপা পৃষত্পূজ্যা প্রভাময়ী ॥ ২১ ॥
মহমায়া মতঙ্গেষ্টা লোকালোকা শিবাঙ্গনা ॥
॥ ফলশ্রুতিঃ ॥
এতত্তেঽভিহিতং রাম ! স্তোত্রমত্যন্তদুর্লভম্ ॥ ২২ ॥
গৌর্যষ্টোত্তরশতনামভিঃ সুমনোহরম্ ।
আপদম্ভোধিতরণে সুদৃঢপ্লবরূপকম্ ॥ ২৩ ॥
এতত্ প্রপঠতাং নিত্যমাপদো য়ান্তি দূরতঃ ।
গৌরীপ্রসাদজননমাত্মজ্ঞানপ্রদং নৃণাম্ ॥ ২৪ ॥
ভক্ত্যা প্রপঠতাং পুংসাং সিধ্যত্যখিলমীহিতম্ ।
অন্তে কৈবল্যমাপ্নোতি সত্যং তে ভার্গবেরিতম্ ॥ ২৫ ॥
– Chant Stotra in Other Languages –
Goddess Durga Slokam » Gauri Ashtottara Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil