॥ Goraksha Ashatakam 2 Malayalam Lyrics ॥
॥ ഗോരക്ഷശതകം 2 ॥
ശ്രീഗുരും പരമാനന്ദം വന്ദേ സ്വാനന്ദവിഗ്രഹം ।
യസ്യ സന്നിധ്യമാത്രേണ ചിദാനന്ദായതേ തനുഃ ॥ 1 ॥
അന്തര്‍നിശ്ചലിതാത്മദീപകലികാസ്വാധാരബന്ധാദിഭിഃ
യോ യോഗീ യുഗകല്‍പകാലകലനാത് ത്വം ജജേഗീയതേ ।
ജ്ഞാനാമോദമഹോദധിഃ സമഭവദ്യത്രാദിനാഥഃ സ്വയം
വ്യക്താവ്യക്തഗുണാധികം തമനിശം ശ്രീമീനനാഥം ഭജേ ॥ 2 ॥
നമസ്കൃത്യ ഗുരും ഭക്ത്യാ ഗോരക്ഷോ ജ്ഞാനമുത്തമം ।
അഭീഷ്ടം യോഗിനാം ബ്രൂതേ പരമാനന്ദകാരകം ॥ 3 ॥
ഗോരക്ഷഃ ശതകം വക്തി യോഗിനാം ഹിതകാംയയാ ।
ധ്രുവം യസ്യാവബോധേന ജായതേ പരമം പദം ॥ 4 ॥
ഏതദ്വിമുക്തിസോപാനമേതത് കാലസ്യ വഞ്ചനം ।
യദ്വ്യാവൃത്തം മനോ മോഹാദ് ആസക്തം പരമാത്മനി ॥ 5 ॥
ദ്വിജസേവിതശാഖസ്യ ശ്രുതികല്‍പതരോഃ ഫലം ।
ശമനം ഭവതാപസ്യ യോഗം ഭജതി സജ്ജനഃ ॥ 6 ॥
ആസനം പ്രാണസംയാമഃ പ്രത്യാഹാരോഽഥ ധാരണാ ।
ധ്യാനം സമാധിരേതാനി യോഗാങ്ഗാനി ഭവന്തി ഷട് ॥ 7 ॥
ആസനാനി തു താവന്തി യാവത്യോ ജീവജാതയഃ ।
ഏതേഷാമഖിലാന്‍ഭേദാന്വിജാനാതി മഹേശ്വരഃ ॥ 8 ॥
ചതുരാശീതിലക്ഷാണാം ഏകമേകമുദാഹൃതം ।
തതഃ ശിവേന പീഠാനാം ഷോഡേശാനം ശതം കൃതം ॥ 9 ॥
ആസനേഭ്യഃ സമസ്തേഭ്യോ ദ്വയമേവ വിശിഷ്യതേ ।
ഏകം സിദ്ധാസനം പ്രോക്തം ദ്വിതീയം കമലാസനം ॥ 10 ॥
യോനിസ്ഥാനകമങ്ഘ്രിമൂലഘടിതം കൃത്വാ ദൃഢം വിന്യസേ
ന്‍മേഢ്രേ പാദമഥൈകമേവ നിയതം കൃത്വാ സമം വിഗ്രഹം ।
സ്ഥാണുഃ സംയമിതേന്ദ്രിയോഽചലദൃശാ പശ്യന്‍ ഭ്രുവോരന്തരം
ഏതന്‍ മോക്ഷകവാടഭേദജനകം സിദ്ധാസനം പ്രോച്യതേ ॥ 11 ॥
വാമോരൂപരി ദക്ഷിണം ഹി ചരണം സംസ്ഥാപ്യ വാമം തഥാ
ദക്ഷോരൂപരി പശ്ചിമേന വിധിനാ ധൃത്വാ കരാഭ്യാം ദൃഢം ।
അങ്ഗുഷ്ഠൌ ഹൃദയേ നിധായ ചിബുകം നാസാഗ്രമാലോകയേ
ദേതദ്വ്യാധിവികാരഹാരി യമിനാം പദ്മാസനം പ്രോച്യതേ ॥ 12 ॥
ഷട്ചക്രം ഷോഡശാധാരം ത്രിലക്ഷം വ്യോമപഞ്ചകം ।
സ്വദേഹേ യേ ന ജാനന്തി കഥം സിധ്യന്തി യോഗിനഃ ॥ 13 ॥
ഏകസ്തംഭം നവദ്വാരം ഗൃഹം പഞ്ചാധിദൈവതം ।
സ്വദേഹം യേ ന ജാനന്തി കഥം സിധ്യന്തി യോഗിനഃ ॥ 14 ॥
ചതുര്‍ദലം സ്യാദാധാരഃ സ്വാധിഷ്ഠാനം ച ഷട്ദലം ।
നാഭൌ ദശദലം പദ്മം സൂര്യസങ്ഖ്യദലം ഹൃദി ॥ 15 ॥
കണ്ഠേ സ്യാത് ഷോഡശദലം ഭ്രൂമധ്യേ ദ്വിദലം തഥാ ।
സഹസ്രദലമാഖ്യാതം ബ്രഹ്മരന്ധ്രേ മഹാപഥേ ॥ 16 ॥
ആധാരഃ പ്രഥമം ചക്രം സ്വാധിഷ്ഠാനം ദ്വിതീയകം ।
യോനിസ്ഥാനം ദ്വയോര്‍മധ്യേ കാമരൂപം നിഗദ്യതേ ॥ 17 ॥
ആധാരാഖ്യം ഗുദസ്ഥാനം പങ്കജം ച ചതുര്‍ദലം ।
തന്‍മധ്യേ പ്രോച്യതേ യോനിഃ കാമാക്ഷാ സിദ്ധവന്ദിതാ ॥ 18 ॥
യോനിമധ്യേ മഹാലിങ്ഗം പശ്ചിമാഭിമുഖം സ്ഥിതം ।
മസ്തകേ മണിവദ്ബിംബം യോ ജാനാതി സ യോഗവിത് ॥ 19 ॥
തപ്തചാമീകരാഭാസം തഡില്ലേഖേവ വിസ്ഫുരത് ।
ത്രികോണം തത്പുരം വഹ്നേരധോമേഢ്രാത് പ്രതിഷ്ഠിതം ॥ 20 ॥
യത്സമാധൌ പരം ജ്യോതിരനന്തം വിശ്വതോമുഖം ।
തസ്മിന്‍ ദൃഷ്ടേ മഹായോഗേ യാതായാതം ന വിദ്യതേ ॥ 21 ॥
സ്വശബ്ദേന ഭവേത് പ്രാണഃ സ്വാധിഷ്ഠാനം തദാശ്രയഃ ।
സ്വാധിഷ്ഠാനാത് പദാദസ്മാന്‍മേഢ്രമേവാഭിധീയതേ ॥ 22 ॥
തന്തുനാ മണിവത് പ്രോതോ യത്ര കന്ദഃ സുഷുംണയാ ।
തന്നാഭിമണ്ഡലം ചക്രം പ്രോച്യതേ മണിപൂരകം ॥ 23 ॥
ദ്വാദശാരേ മഹാചക്രേ പുണ്യപാപവിവര്‍ജിതേ ।
താവജ് ജീവോ ഭ്രമത്യേവ യാവത് തത്ത്വം ന വിന്ദതി ॥ 24 ॥
ഊര്‍ധ്വം മേഢ്രാദ് അധോ നാഭേഃ കന്ദയോനിഃ ഖഗാണ്ഡവത് ।
തത്ര നാഡ്യഃ സമുത്പന്നാഃ സഹസ്രാണാം ദ്വിസപ്തതിഃ ॥ 25 ॥
തേഷു നാഡിസഹസ്രേഷു ദ്വിസപ്തതിരുദാഹൃതാഃ ।
പ്രധാനം പ്രാണവാഹിന്യോ ഭൂയസ്തത്ര ദശ സ്മൃതാഃ ॥ 26 ॥
ഇഡാ ച പിങ്ഗലാ ചൈവ സുഷുംണാ ച തൃതീയകാ ।
ഗാന്ധാരീ ഹസ്തിജിഹ്വാ ച പൂഷാ ചൈവ യശസ്വിനീ ॥ 27 ॥
അലംബുഷാ കുഹൂശ് ചൈവ ശങ്ഖിനീ ദശമീ സ്മൃതാ ।
ഏതന്‍ നാഡിമയം ചക്രം ജ്ഞാതവ്യം യോഗിഭിഃ സദാ ॥ 28 ॥
ഇഡാ വാമേ സ്ഥിതാ ഭാഗേ പിങ്ഗലാ ദക്ഷിണേ തഥാ ।
സുഷുംണാ മധ്യദേശേ തു ഗാന്ധാരീ വാമചക്ഷുഷി ॥ 29 ॥
ദക്ഷിണേ ഹസ്തിജിഹ്വാ ച പൂഷാ കര്‍ണേ ച ദക്ഷിണേ ।
യശസ്വിനീ വാമകര്‍ണേ ചാസനേ വാപ്യലംബുഷാ ॥ 30 ॥
കുഹൂശ്ച ലിങ്ഗദേശേ തു മൂലസ്ഥാനേ ച ശങ്ഖിനീ ।
ഏവം ദ്വാരമുപാശ്രിത്യ തിഷ്ഠന്തി ദശനാഡികാഃ ॥ 31 ॥
ഇഡാപിങ്ഗലാസുഷുംണാ ച തിസ്രോ നാഡ്യുദാഹൃതാഃ ।
സതതം പ്രാണവാഹിന്യഃ സോമസൂര്യാഗ്നിദേവതാഃ ॥ 32 ॥
പ്രാണോഽപാനഃ സമാനശ് ചോദാനോ വ്യാനൌ ച വായവഃ ।
നാഗഃ കൂര്‍മോഽഥ കൃകരോ ദേവദത്തോ ധനഞ്ജയഃ ॥ 33 ॥
ഹൃദി പ്രാണോ വസേന്‍ നിത്യം അപാനോ ഗുദമണ്ഡലേ ।
സമാനോ നാഭിദേശേ സ്യാദുദാനഃ കണ്ഠമധ്യഗഃ ॥ 34 ॥
ഉദ്ഗാരേ നാഗാഖ്യാതഃ കൂര്‍മ ഉന്‍മീലനേ സ്മൃതഃ ।
കൃകരഃ ക്ഷുതകൃജ്ജ്ഞേയോ ദേവദത്തോ വിജൃംഭണേ ॥ 35 ॥
ന ജഹാതി മൃതം ചാപി സര്‍വവ്യാപി ധനഞ്ജയഃ ।
ഏതേ സര്‍വാസു നാഡീഷു ഭ്രമന്തേ ജീവരൂപിണഃ ॥ 36 ॥
ആക്ഷിപ്തോ ഭുജദണ്ഡേന യഥോച്ചലതി കന്ദുകഃ ।
പ്രാണാപാനസമാക്ഷിപ്തസ്തഥാ ജീവോ ന തിഷ്ഠതി ॥ 38 ॥
പ്രാണാപാനവശോ ജീവോ ഹ്യധശ് ചോര്‍ധ്വം ച ധാവതി ।
വാമദക്ഷിണമാര്‍ഗേണ ചഞ്ചലത്വാന്‍ ന ദൃശ്യതേ ॥ 39 ॥
രജ്ജുബദ്ധോ യഥാ ശ്യേനോ ഗതോഽപ്യാകൃഷ്യതേ ।
ഗുണബദ്ധസ്തഥാ ജീവഃ പ്രാണാപാനേന കൃഷ്യതേ ॥ 40 ॥
അപാനഃ കര്‍ഷതി പ്രാണഃ പ്രാണോഽപാനം ച കര്‍ഷതി ।
ഊര്‍ധ്വാധഃ സംസ്ഥിതാവേതൌ സംയോജയതി യോഗവിത് ॥ 41 ॥
ഹകാരേണ ബഹിര്യാതി സകാരേണ വിശേത്പുനഃ ।
ഹംസഹംസേത്യമുമ മന്ത്രം ജീവോ ജപതി സര്‍വദാ ॥ 42 ॥
ഷട്ശതാനിത്വഹോരാത്രേ സഹസ്രാണ്യേകവിംശതിഃ ।
ഏതത്സങ്ഖ്യാന്വിതം മന്ത്ര ജീവോ ജപതി സര്‍വദാ ॥ 43 ॥
അജപാ നാമ ഗായത്രീ യോഗിനാം മോക്ഷദായിനീ ।
അസ്യാഃ സങ്കല്‍പമാത്രേണ സര്‍വപാപൈഃ പ്രമുച്യതേ ॥ 44 ॥
അനയാ സദൃശീ വിദ്യാ അനയാ സദൃശോ ജപഃ ।
അനയാ സദൃശം ജ്ഞാനം ന ഭൂതം ന ഭവിഷ്യതി ॥ 45 ॥
കുന്ദലിന്യാഃ സമുദ്ഭൂതാ ഗായത്രീ പ്രാണധാരിണീ ।
പ്രാണവിദ്യാ മഹാവിദ്യാ യസ്താം വേത്തി സ യോഗവിത് ॥ 46 ॥
കന്ദോര്‍ധ്വം കുണ്ഡലീ ശക്തിരഷ്ടധാ കുണ്ഡലാകൃതി ।
ബ്രഹ്മദ്വാരമുഖം നിത്യം മുഖേനാച്ഛാദ്യ തിഷ്ഠതി ॥ 47 ॥
യേന ദ്വാരേണ ഗന്തവ്യം ബ്രഹ്മസ്ഥാനമനാമയം ।
മുഖേനാച്ഛാദ്യ തദ്ദ്വാരം പ്രസുപ്താ പരമേശ്വരീ ॥ 48 ॥
പ്രബുദ്ധാ വഹ്നിയോഗേന മനസാ മാരുതാ ഹതാ ।
സൂചീവദ് ഗുണമാദായ വ്രജത്യൂര്‍ധ്വം സുഷുംണയാ ॥ 49 ॥
പ്രസ്ഫുരദ്ഭുജഗാകാരാ പദ്മതന്തുനിഭാ ശുഭാ ।
പ്രബുദ്ധാ വഹ്നിയോഗേന വ്രജതി ഊര്‍ധ്വം സുഷുംണയാ ॥ 50 ॥
ഉദ്ഘടയേത്കപാതം തു യഥാ കുഞ്ചികയാ ഹഠാത് ।
കുണ്ഡലിന്യാ തഥാ യോഗീ മോക്ഷദ്വാരം പ്രഭേദയേത് ॥ 51 ॥
കൃത്വാ സമ്പുടിതൌ കരൌ ദൃഢതരം ബദ്ധവാതു പദ്മാസനം
ഗാഢം വക്ഷസി സന്നിധായ ചിബുകം ധ്യാത്വാ തത്പ്രേക്ഷിതം ।
വാരം വാരമപാനമൂര്‍ധ്വമനിലം പ്രോച്ചാരയേത്പൂരിതം
മുഞ്ചന്‍പ്രാണമുപൈതി ബോധമതുലം ശക്തിപ്രബോധാന്നരഃ ॥ 52 ॥
അങ്ഗാനാം മര്‍ദനം കുര്യാച്ഛ്രമജാതേന വാരിണാ ।
കട്വാംലലവണത്യാഗീ ക്ഷീരഭോജനമാചരേത് ॥ 53 ॥
ബ്രഹ്മചാരീ മിതാഹാരീ ത്യാഗീ യോഗപരായണഃ ।
അബ്ദാദുര്‍ധ്വം ഭവേത്സിദ്ധോ നാത്ര കാര്യാ വിചാരണാ ॥ 54 ॥
സുസ്നിഗ്ധം മധുരാഹാരം ചതുര്‍ഥാംശവിവര്‍ജിതം ।
ഭുജ്യതേ സുരസമ്പ്രീത്യൈ മിതാഹാരഃ സ ഉച്യതേ ॥ 55 ॥
കന്ദോര്‍ധ്വം കുണ്ഡലീ ശക്തിരഷ്ടധാ കുണ്ഡലാകൃതിഃ ।
ബന്ധനായ ച മൂഢാനാം യോഗിനാം മോക്ഷദാ സ്മൃതാ ॥ 56 ॥
മഹാമുദ്രാം നമോമുദ്രാമുഡ്ഡിയാനം ജലന്ധരം ।
മൂലബന്ധം ച യോ വേത്തി സ യോഗീ സിദ്ധിഭാജനം ॥ 57 ॥
ശോധനം നാഡിജാലസ്യ ചാലനം ചന്ദ്രസൂര്യയോഃ ।
രസാനാം ശോഷണം ചൈവ മഹാമുദ്രാഭിധീയതേ ॥ 58 ॥
വക്ഷോന്യസ്തഹനുര്‍നിപീഡ്യ സുചിരം യോനിം ച വാമാങ്ഘ്രിണാ
ഹസ്താഭ്യാമവധാരിതം പ്രസരിതം പാദം തഥാ ദക്ഷിണം ।
ആപൂര്യ ശ്വസനേന കുക്ഷിയുഗലം ബദ്ധ്വാ ശനൈ രേചയേദ്
ഏഷാ പാതകനാശിനീ സുമഹതീ മുദ്രാ നൄണാം പ്രോച്യതേ ॥ 59 ॥
ചന്ദ്രാങ്ഗേന സമഭ്യസ്യ സൂര്യാങ്ഗേനാഭ്യസേത് പുനഃ ।
യാവത് തുല്യാ ഭവേത്സങ്ഖ്യാ തതോ മുദ്രാം വിസര്‍ജയേത് ॥ 60 ॥
ന ഹി പഥ്യമപഥ്യം വാ രസാഃ സര്‍വേഽപി നീരസാഃ ।
അപി മുക്തം വിഷം ഘോരം പീയൂഷമപി ജീര്യതേ ॥ 61 ॥
ക്ഷയകുഷ്ഠഗുദാവര്‍തഗുല്‍മാജീര്‍ണപുരോഗമാഃ ।
രോഗാസ്തസ്യ ക്ഷയം യാന്തി മഹാമുദ്രാം തു യോഽഭ്യസേത് ॥ 62 ॥
കഥിതേയം മഹാമുദ്രാ മഹാസിദ്ധികരാ നൄണാം ।
ഗോപനീയാ പ്രയത്നേന ന ദേയാ യസ്യ കസ്യചിത് ॥ 63 ॥
കപാലകുഹരേ ജിഹ്വാ പ്രവിഷ്ടാ വിപരീതഗാ ।
ഭ്രുവോരന്തര്‍ഗതാ ദൃഷ്ടിര്‍മുദ്രാ ഭവതി ഖേചരീ ॥ 64 ॥
ന രോഗോ മരണം തന്ദ്രാ ന നിദ്രാ ന ക്ഷുധാ തൃഷാ ।
ന ച മൂര്‍ച്ഛാ ഭവേത്തസ്യ യോ മുദ്രാം വേത്തി ഖേചരീം ॥ 65 ॥
പീഡ്യതേ ന സ രോഗേണ ലിപ്യതേ ന ച കര്‍മണാ ।
ബാധ്യതേ ന സ കാലേന യോ മുദ്രാം വേത്തി ഖേചരീം ॥ 66 ॥
ചിത്തം ചരതി ഖേ യസ്മാജ്ജിഹ്വാ ചരതി ഖേ ഗതാ ।
തേനൈഷാ ഖേചരീ നാമ മുദ്രാ സിദ്ധൈര്‍നിരൂപിതാ ॥ 67 ॥
ബിന്ദുമൂലം ശരീരം തു ശിരാസ്തത്ര പ്രതിഷ്ഠിതാഃ ।
ഭാവയന്തി ശരീരം യാ ആപാദതലമസ്തകം ॥ 68 ॥
ഖേചര്യാ മുദ്രിതം യേന വിവരം ലംബികോര്‍ധ്വതഃ ।
ന തസ്യ ക്ഷരതേ ബിന്ദുഃ കാമിന്യാലിങ്ഗിതസ്യ ച ॥ 69 ॥
യാവദ്ബിന്ദുഃ സ്ഥിതോ ദേഹേ താവത്കാലഭയം കുതഃ ।
യാവദ്ബദ്ധാ നഭോമുദ്രാ താവദ്ബിന്ദുര്‍ന ഗച്ഛതി ॥ 70 ॥
ചലിതോഽപി യദാ ബിന്ദുഃ സമ്പ്രാപ്തശ്ച ഹുതാശനം ।
വ്രജത്യൂര്‍ധ്വം ഹൃതഃ ശക്ത്യാ നിരുദ്ധോ യോനിമുദ്രയാ ॥ 71 ॥
സ പുനര്‍ദ്വിവിധോ ബിന്ദുഃ പണ്ഡുരോ ലോഹിതസ്തഥാ ।
പാണ്ഡുരം ശുക്രമിത്യാഹുര്ലോഹിതം തു മഹാരാജഃ ॥ 72 ॥
സിന്ദൂരദ്രവസങ്കാശം രവിസ്ഥാനേ സ്ഥിതം രജഃ ।
ശശിസ്ഥാനേ സ്ഥിതോ ബിന്ദുസ്തയോരൈക്യം സുദുര്ലഭം ॥ 73 ॥
ബിന്ദുഃ ശിവോ രജഃ ശക്തിര്‍ബിന്ദുമിന്ദൂ രജോ രവിഃ ।
ഉഭയോഃ സങ്ഗമാദേവ പ്രാപ്യതേ പരമം പദം ॥ 74 ॥
വായുനാ ശക്തിചാരേണ പ്രേരിതം തു മഹാരജഃ ।
ബിന്ദുനൈതി സഹൈകത്വം ഭവേദ്ദിവ്യം വപുസ്തദാ ॥ 75 ॥
ശുക്രം ചന്ദ്രേണ സംയുക്തം രജഃ സൂര്യേണ സംയുതം ।
തയോഃ സമരസൈകത്വം യോജാനാതി സ യോഗവിത് ॥ 76 ॥
ഉഡ്ഡീനം കുരുതേ യസ്മാദവിശ്രാന്തം മഹാഖഗഃ ।
ഉഡ്ഡീയാനം തദേവ സ്യാത്തവ ബന്ധോഽഭിധീയതേ ॥ 77 ॥
ഉദരാത്പശ്ചിമേ ഭാഗേ ഹ്യധോ നാഭേര്‍നിഗദ്യതേ ।
ഉഡ്ഡീയാനസ്യ ബന്ധോഽയം തത്ര ബന്ധോ വിധീയതേ ॥ 78 ॥
ബധ്നാതി ഹി സിരാജാലമധോഗാമി ശിരോജലം ।
തതോ ജാലന്ധരോ ബന്ധഃ കണ്ഠദുഃഖൌഘനാശനഃ ॥ 79 ॥
ജാലന്ധരേ കൃതേ ബന്ധേ കണ്ഠസംകോചലക്ഷണേ ।
പീയൂഷം ന പതത്യഗ്നൌ ന ച വായുഃ പ്രകുപ്യതി ॥ 80 ॥
പാര്‍ഷ്ണിഭാഗേന സമ്പീഡ്യ യോനിമാകുഞ്ചയേദ്ഗുദം ।
അപാനമൂര്‍ധ്വമാകൃഷ്യ മൂലബന്ധോഽഭിധീയതേ ॥ 81 ॥
അപാനപ്രാണയോരൈക്യാത് ക്ഷയാന്‍മൂത്രപുരീഷയോഃ ।
യുവാ ഭവതി വൃദ്ധോഽപി സതതം മൂലബന്ധനാത് ॥ 82 ॥
പദ്മാസനം സമാരുഹ്യ സമകായശിരോധരഃ ।
നാസാഗ്രദൃഷ്ടിരേകാന്തേ ജപേദോങ്കാരമവ്യയം ॥ 83 ॥
ഭൂര്‍ഭുവഃ സ്വരിമേ ലോകാഃ സോമസൂര്യാഗ്നിദേവതാഃ ।
യസ്യാ മാത്രാസു തിഷ്ഠന്തി തത്പരം ജ്യോതിരോമിതി ॥ 84 ॥
ത്രയഃകാലാസ്ത്രയോ വേദാസ്ത്രയോ ലോകാസ്ത്രയഃ സ്വേരാഃ ।
ത്രയോദേവാഃ സ്ഥിതാ യത്ര തത്പരം ജ്യോതിരോമിതി ॥ 85 ॥
ക്രിയാ ചേച്ഛാ തഥാ ജ്ഞാനാബ്രാഹ്മീരൌദ്രീശ്ച വൈഷ്ണവീ ।
ത്രിധാശക്തിഃ സ്ഥിതാ യത്ര തത്പരം ജ്യോതിരോമിതി ॥ 86 ॥
ആകാരാശ്ച തഥോകാരോമകാരോ ബിന്ദുസംജ്ഞകഃ ।
തിസ്രോമാത്രാഃ സ്ഥിതാ യത്ര തത്പരം ജ്യോതിരോമിതി ॥ 87 ॥
വചസാ തജ്ജയേദ്ബീജം വപുഷാ തത്സമഭ്യസേത് ।
മനസാ തത്സ്മരേന്നിത്യം തത്പരം ജ്യോതിരോമിതി ॥ 88 ॥
ശുചിര്‍വാപ്യശുചിര്‍വാപി യോ ജപേത്പ്രണവം സദാ ।
ലിപ്യതേ ന സ പാപേന പദ്മപത്രമിവാംഭസാ ॥ 89 ॥
ചലേ വാതേ ചലോ ബിന്ദുര്‍നിശ്ചലേ നിശ്ചലോ ഭവേത് ।
യോഗീ സ്ഥാണുത്വമാപ്നോതി തതോ വായും നിരോധയേത് ॥ 90 ॥
യാവദ്വായുഃ സ്ഥിതോ ദേഹേ താവജ്ജീവനമുച്യതേ ।
മരണം തസ്യ നിഷ്ക്രാന്തിസ്തതോ വായും നിരോധയേത് ॥ 91 ॥
യാവദ്ബദ്ധോ മരുദ്ദേഹേ യാവച്ചിത്തം നിരാകുലം ।
യാവദ്ദൃഷ്ടിര്‍ഭ്രുവോര്‍മധ്യേ താവത്കാലഭയം കുതഃ ॥ 92 ॥
അതഃ കാലഭയാദ് ബ്രഹ്മാ പ്രാണായാമപരായണഃ ।
യോഗിനോ മുനയശ്ചൈവ തതോ വായും നിരോധയേത് ॥ 93 ॥
ഷട്ത്രിംശദങ്ഗുലോഹംസഃ പ്രയാണം കുരുതേ ബഹിഃ ।
വാമദക്ഷിണമാര്‍ഗേണ തതഃ പ്രാണോഽഭിധീയതേ ॥ 94 ॥
ശുദ്ധിമേതി യദാ സര്‍വം നാഡീചക്രം മലാകുലം ।
തദൈവ ജായതേ യോഗീ പ്രാണസംഗ്രഹണേ ക്ഷമഃ ॥ 95 ॥
ബദ്ധപദ്മാസനോ യോഗീ പ്രാണം ചന്ദ്രേണ പൂരയേത് ।
ധാരയിത്വാ യഥാശക്തി ഭൂയഃ സൂര്യേണ രേചയേത് ॥ 96 ॥
അമൃതം ദധിസങ്കാശം ഗോക്ഷീരരജതോപമം ।
ധ്യാത്വാ ചന്ദ്രമസോ ബിംബം പ്രാണായാമീ സുഖീ ഭവേത് ॥ 97 ॥
ദക്ഷിണോ ശ്വാസമാകൃഷ്യ പൂരയേദുദരം ശനൈഃ ।
കുംഭയിത്വാ വിധാനേന പുരശ്ചന്ദ്രേണ രേചയേത് ॥ 98 ॥
പ്രജ്വലജ്ജ്വലനജ്വാലാപുഞ്ജമാദിത്യമണ്ഡലം ।
ധ്യാത്വാ നാഭിസ്ഥിതം യോഗീ പ്രാണായാമേ സുഖീ ഭവേത് ॥ 99 ॥
പ്രാണം ചോദിഡയാ പിബേന്‍പരിമിതം ഭൂയോഽന്യയാ രേചയേത്
പീത്വാ പിങ്ഗലയാ സമീരണമഥോ ബദ്ധ്വാ ത്യജേദ്വാമയാ ।
സൂര്യചന്ദ്രമസോരനേന വിധിനാ ബിംബദ്വയം ധ്യായതഃ
ശുദ്ധാ നാഡിഗണാ ഭവന്തി യമിനോ മാസത്രയാദൂര്‍ധ്വതഃ ॥ 100 ॥
യഥേഷ്ഠം ധാരണം വായോരനലസ്യ പ്രദീപനം ।
നാദാഭിവ്യക്തിരാരോഗ്യം ജായതേ നാഡിശോധനാത് ॥ 101 ॥
॥ ഇതി ശ്രീ ഗോരക്ഷനാഥപ്രണീതഃ ഗോരക്ഷശതകം സമ്പൂര്‍ണം ॥