॥ Guru Vatapuradhish Ashtottarashatanama Stotram Kannada Lyrics ॥
॥ ಶ್ರೀಗುರುವಾತಪುರಾಧೀಶಾಷ್ಟೋತ್ತರಶತನಾಮಸ್ತೋತ್ರಮ್ ॥
ಧ್ಯಾನಮ್ –
ಪೀತಾಮ್ಬರಂ ಕರವಿರಾಜಿತಶಂಖಚಕ್ರ-
ಕೌಮೋದಕೀಸರಸಿಜಂ ಕರುಣಾಸಮುದ್ರಮ್ ।
ರಾಧಾಸಹಾಯಮತಿಸುನ್ದರಮನ್ದಹಾಸಂ
ವಾತಾಲಯೇಶಮನಿಶಾಂ ಹೃದಿ ಭಾವಯಾಮಿ ॥
ಕೃಷ್ಣೋ ವಾತಪುರಾಧೀಶಃ ಭಕ್ತಕಲ್ಪದ್ರುಮಃ ಪ್ರಭುಃ ।
ರೋಗಹನ್ತಾ ಪರಂ ಧಾಮಾ ಕಲೌ ಸರ್ವಸುಖಪ್ರದಃ ॥ 1 ॥
ವಾತರೋಗಹರೋ ವಿಷ್ಣುಃ ಉದ್ಧವಾದಿಪ್ರಪೂಜಿತಃ ।
ಭಕ್ತಮಾನಸಸಂವಿಷ್ಟಃ ಭಕ್ತಕಾಮಪ್ರಪೂರಕಃ ॥ 2 ॥
ಲೋಕವಿಖ್ಯಾತಚಾರಿತ್ರಃ ಶಂಕರಾಚಾರ್ಯಪೂಜಿತಃ ।
ಪಾಂಡ್ಯೇಶವಿಷಹನ್ತಾ ಚ ಪಾಂಡ್ಯರಾಜಕೃತಾಲಯಃ ॥ 3 ॥
ನಾರಾಯಣಕವಿಪ್ರೋಕ್ತಸ್ತೋತ್ರಸನ್ತುಷ್ಟಮಾನಸಃ ।
ನಾರಾಯಣಸರಸ್ತೀರವಾಸೀ ನಾರದಪೂಜಿತಃ ॥ 4 ॥
ವಿಪ್ರನಿತ್ಯಾನ್ನದಾತಾ ಚ ವಿವಿಧಾಕೃತಿಶೋಭಿತಃ ।
ತೈಲಾಭಿಷೇಕಸನ್ತುಷ್ಟಃ ಸಿಕ್ತತೈಲಾರ್ತಿಹಾರಕಃ ॥ 5 ॥
ಕೌಪೀನದರುಜಾಹನ್ತಾ ಪೀತಾಮ್ಬರಧರೋಽವ್ಯಯಃ ।
ಕ್ಷೀರಾಭಿಷೇಕಾತ್ಸೌಭಾಗ್ಯದಾತಾ ಕಲಿಯುಗಪ್ರಭುಃ ॥ 6 ॥
ನಿರ್ಮಾಲ್ಯದರ್ಶನಾದ್ಭಕ್ತಚಿತ್ತಚಿನ್ತಾನಿವಾರಕಃ ।
ದೇವಕೀವಸುದೇವಾತ್ತಪುಣ್ಯಪುಂಜೋಽಘನಾಶಕಃ ॥ 7 ॥
ಪುಷ್ಟಿದಃ ಕೀರ್ತಿದೋ ನಿತ್ಯಕಲ್ಯಾಣತತಿದಾಯಕಃ ।
ಮನ್ದಾರಮಾಲಾಸಂವೀತಃ ಮುಕ್ತಾದಾಮವಿಭೂಷಿತಃ ॥ 8 ॥
ಪದ್ಮಹಸ್ತಶ್ಚಕ್ರಧಾರೀ ಗದಾಶಂಖಮನೋಹರಃ ।
ಗದಾಪಹನ್ತಾ ಗಾಂಗೇಯಮೋಕ್ಷದಾತಾ ಸದೋತ್ಸವಃ ॥ 9 ॥
ಗಾನವಿದ್ಯಾಪ್ರದಾತಾ ಚ ವೇಣುನಾದವಿಶಾರದಃ ।
ಭಕ್ತಾನ್ನದಾನಸನ್ತುಷ್ಟಃ ವೈಕುಂಠೀಕೃತಕೇರಳಃ ॥ 10 ॥
ತುಲಾಭಾರಸಮಾಯಾತಜನಸರ್ವಾರ್ಥದಾಯಕಃ ।
ಪದ್ಮಮಾಲೀ ಪದ್ಮನಾಭಃ ಪದ್ಮನೇತ್ರಃ ಶ್ರಿಯಃಪತಿಃ ॥ 11 ॥
ಪಾದನಿಸ್ಸೃತಗಾಂಗೋದಃ ಪುಣ್ಯಶಾಲಿಪ್ರಪೂಜಿತಃ ।
ತುಳಸೀದಾಮಸನ್ತುಷ್ಟಃ ವಿಲ್ವಮಂಗಳಪೂಜಿತಃ ॥ 12 ॥
ಪೂನ್ತಾನವಿಪ್ರಸನ್ದೃಷ್ಟದಿವ್ಯಮಂಗಳವಿಗ್ರಹಃ ।
ಪಾವನಃ ಪರಮೋ ಧಾತಾ ಪುತ್ರಪೌತ್ರಪ್ರದಾಯಕಃ ॥ 13 ॥
ಮಹಾರೋಗಹರೋ ವೈದ್ಯನಾಥೋ ವೇದವಿದರ್ಚಿತಃ ।
ಧನ್ವನ್ತರಿರ್ಧರ್ಮರೂಪೋ ಧನಧಾನ್ಯಸುಖಪ್ರದಃ ॥ 14 ॥
ಆರೋಗ್ಯದಾತಾ ವಿಶ್ವೇಶಃ ವಿಧಿರುದ್ರಾದಿಸೇವಿತಃ ।
ವೇದಾನ್ತವೇದ್ಯೋ ವಾಗೀಶಃ ಸಮ್ಯಗ್ವಾಕ್ಛಕ್ತಿದಾಯಕಃ ॥ 15 ॥
ಮನ್ತ್ರಮೂರ್ತಿರ್ವೇದಮೂರ್ತಿಃ ತೇಜೋಮೂರ್ತಿಃ ಸ್ತುತಿಪ್ರಿಯಃ ।
ಪೂರ್ವಪುಣ್ಯವದಾರಾಧ್ಯಃ ಮಹಾಲಾಭಕರೋ ಮಹಾನ್ ॥ 16 ॥
ದೇವಕೀವಸುದೇವಾದಿಪೂಜಿತೋ ರಾಧಿಕಾಪತಿಃ ।
ಶ್ರೀರುಕ್ಮಿಣೀಸತ್ಯಭಾಮಾಸಂಲಾಲಿತಪದಾಮ್ಬುಜಃ ॥ 17 ॥
ಕನ್ಯಾಷೋಡಶಸಾಹಸ್ರಕಂಠಮಾಂಗಲ್ಯಸೂತ್ರದಃ ।
ಅನ್ನಪ್ರಾಶನಸಮ್ಪ್ರಾಪ್ತಬಹುಬಾಲಸುಖಪ್ರದಃ ॥ 18 ॥
ಗುರುವಾಯುಸುಸಂಕ್ಲೃಪ್ತಸತ್ಪ್ರತಿಷ್ಠಃ ಸುರಾರ್ಚಿತಃ ।
ಪಾಯಸಾನ್ನಪ್ರಿಯೋ ನಿತ್ಯಂಗಜರಾಶಿಸಮುಜ್ಜ್ವಲಃ ॥ 19 ॥
ಪುರಾಣರತ್ನಪಠನಶ್ರವಣಾನನ್ದಪೂರಿತಃ ।
ಮಾಂಗಲ್ಯದಾನನಿರತಃ ದಕ್ಷಿಣದ್ವಾರಕಾಪತಿಃ ॥ 20 ॥
ದೀಪಾಯುತೋತ್ಥಸಜ್ಜ್ವಾಲಾಪ್ರಕಾಶಿತನಿಜಾಲಯಃ ।
ಪದ್ಮಮಾಲಾಧರಃ ಶ್ರೀಮಾನ್ ಪದ್ಮನಾಭೋಽಖಿಲಾರ್ಥದಃ ॥ 21 ॥
ಆಯುರ್ದಾತಾ ಮೃತ್ಯುಹರ್ತಾ ರೋಗನಾಶನದೀಕ್ಷಿತಃ ।
ನವನೀತಪ್ರಿಯೋ ನನ್ದನನ್ದನೋ ರಾಸನಾಯಕಃ ॥ 22 ॥
ಯಶೋದಾಪುಣ್ಯಸಂಜಾತಃ ಗೋಪಿಕಾಹೃದಯಸ್ಥಿತಃ ।
ಭಕ್ತಾರ್ತಿಘ್ನೋ ಭವ್ಯಫಲಃ ಭೂತಾನುಗ್ರಹತತ್ಪರಃ ।
ದೀಕ್ಷಿತಾನನ್ತರಾಮೋಕ್ತನಾಮಸುಪ್ರೀತಮಾನಸಃ ॥ 23 ॥
ಗುರುವಾತಪುರೀಶಸ್ಯ ನಾಮ್ನಾಮಷ್ಟೋತ್ತರಂ ಶತಮ್ ।
ದೀಕ್ಷಿತಾನನ್ತರಾಮೇಣ ಭಕ್ತ್ಯಾ ಸ್ತೋತ್ರಂ ಕೃತಂ ಮಹತ್ ॥ 24 ॥
ಶ್ರದ್ಧಾಯುಕ್ತಃ ಪಠೇನ್ನಿತ್ಯಂ ಸ್ಮರನ್ ವಾತಪುರಾಧಿಪಮ್ ।
ತಸ್ಯ ದೇವೋ ವಾಸುದೇವಃ ಸರ್ವಾರ್ಥಫಲದೋ ಭವೇತ್ ॥ 25 ॥
ಇತಿ ಬ್ರಹ್ಮಶ್ರೀ ಸೇಂಗಲೀಪುರಂ ಅನನ್ತರಾಮದೀಕ್ಷಿತವಿರಚಿತಂ
ಶ್ರೀಗುರುವಾತಪುರೀಶಾಷ್ಟೋತ್ತರಶತನಾಮಸ್ತೋತ್ರಂ ಸಮ್ಪೂರ್ಣಮ್ ॥
– Chant Stotra in Other Languages –
Guru Slokam » Guru Vatapuradhish Ashtottara Shatanama Stotram Lyrics in Sanskrit » English » Bengali » Gujarati » Malayalam » Odia » Telugu » Tamil