॥ Himalaya Krutam Shiva Stotram Malayalam Lyrics ॥
॥ ഹിമാലയകൃതം ശിവസ്തോത്രം ॥
ശിവായ നമഃ ॥
ഹിമാലയ കൃതം ശിവ സ്തോത്രം
ഹിമാലയ ഉവാച ॥
ത്വം ബ്രഹ്മാ സൃഷ്ടികര്ത്താ ച ത്വം വിഷ്ണുഃ പരിപാലകഃ ।
ത്വം ശിവഃ ശിവദോഽനന്തഃ സര്വസംഹാരകാരകഃ ॥ ൧ ॥
ത്വമീശ്വരോ ഗുണാതീതോ ജ്യോതീരൂപഃ സനാതനഃ
പ്രകൃതഃ പ്രകൃതീശശ്ച പ്രാകൃതഃ പ്രകൃതേഃ പരഃ ॥ ൨ ॥
നാനാരൂപവിധാതാ ത്വം ഭക്താനാം ധ്യാനഹേതവേ ।
യേഷു രൂപേപു യത്പ്രീതിസ്തത്തദ്രൂപം ബിഭര്ഷി ച ॥ ൩ ॥
സൂര്യസ്ത്വം സൃഷ്ടിജനക ആധാരഃ സര്വതേജസാം ।
സോമസ്ത്വം സസ്യപാതാ ച സതതം ശീതരശ്മിനാ ॥ ൪ ॥
വായുസ്ത്വം വരുണസ്ത്വം ച വിദ്വാംശ്ച വിദുഷാം ഗുരുഃ ।
മൃത്യുഞ്ജയോ മൃത്യുമൃത്യുഃ കാലകാലോ യമാന്തകഃ ॥ ൫ ॥
വേദസ്ത്വം വേദകര്ത്താ ച വേദവേദാംഗപാരഗഃ ।
വിദുഷാം ജനകസ്ത്വം ച വിദ്വാംശ്ച വിദുഷാം ഗുരുഃ ॥ ൬ ॥
മന്ത്രസ്ത്വം ഹി ജപസ്ത്വം ഹി തപസ്ത്വം തത്ഫലപ്രദഃ ।
വാക് ത്വം രാഗാധിദേവീ ത്വം തത്കര്ത്താ തദ്ഗുരുഃ സ്വയം ॥ ൭ ॥
അഹോ സരസ്വതീബീജ കസ്ത്വാം സ്തോതുമിഹേശ്വരഃ ।
ഇത്യേവമുക്ത്വാ ശൈലേന്ദ്രസ്തസ്ഥൗ ധൃത്വാ പദാംബുജം ॥ ൮ ॥
തത്രോവാസ തമാബോധ്യ ചാവരുഹ്യ വൃഷാച്ഛിവഃ ।
സ്തോത്രമേതന്മഹാപുണ്യം ത്രിസന്ധ്യം യഃ പഠേന്നരഃ ॥ ൯ ॥
മുച്യതേ സര്വപാപേഭ്യോ ഭയേഭ്യശ്ച ഭവാര്ണവേ ।
അപുത്രോ ലഭതേ പുത്രം മാസമേകം പഠേദ്യദി ॥ ൧൦ ॥
ഭാര്യാഹീനോ ലഭേദ്ഭാര്യാം സുശീലാം സുമനോഹരാം ।
ചിരകാലഗതം വസ്തു ലഭതേ സഹസാ ധ്രുവം ॥ ൧൧ ॥
രാജ്യഭ്രഷ്ടോ ലഭേദ്രാജ്യം ശങ്കരസ്യ പ്രസാദതഃ ।
കാരാഗാരേ ശ്മശാനേ ച ശത്രുഗ്രസ്തേഽതിസങ്കടേ ॥ ൧൨ ॥
ഗഭീരേഽതിജലാകീര്ണേ ഭഗ്നപോതേ വിഷാദനേ ।
രണമധ്യേ മഹാഭീതേ ഹിംസ്രജന്തുസമന്വിതേ ॥ ൧൩ ॥
യഃ പഠേച്ഛ്രദ്ധയാ സമ്യക് സ്തോത്രമേതജ്ജഗദ്ഗുരോഃ ।
സര്വതോ മുച്യതേ സ്തുത്വാ ശങ്കരസ്യ പ്രസാദതഃ ॥ ൧൪ ॥
ഇതി ശ്രീബ്രഹ്മവൈവര്തേ മഹാപുരാണേ ശ്രീകൃഷ്ണജന്മഖണ്ഡേ
ഹിമാലയകൃതം ശിവസ്തോത്രം സംപൂര്ണം ॥
– Chant Stotra in Other Languages –
Himalaya Krutam Shiva Stotram in English – Marathi – Gujarati । Bengali – Kannada – Malayalam – Telugu