॥ Hrudayabodhana Stotram Kannada Lyrics ॥
॥ ಹೃದಯಬೋಧನಸ್ತೋತ್ರಮ್ ॥
ಹೃದಯ ಸದಾ ಸ್ಮರ ಪರಮವಿತಾರಂ ಹೈಮವತೀಕಮಿತಾರಮ್ ॥
ವಿಷಯಭ್ರಮಣಂ ವಿಶ್ರಮವಿಧುರಂ ವ್ಯರ್ಥಂ ಮಾಸ್ಮ ಕೃಥಾಸ್ತ್ವಮ್ ॥
ಆಧಿವ್ಯಾಧಿಶತಾಕುಲಮನಿಭೄತಸುಖಲೋಭಾಹಿತವಿವಿಧಕ್ಲೇಶಮ್ ॥
ಆಯುಶ್ಚಞ್ಚಲಕಮಲದಲಾಞ್ಚಲಗತಜಲಬಿನ್ದುಸದೃಶಕ್ಷೇಮಮ್ ॥
ಅಶುಚಿನಿಕಾಯೇಽವಶ್ಯವಿನಾಶಿನಿ ಕಾಯೇ ಬಾಲಿಶಮಮತಾಕಾಽಯೇ
ನಿಯತಾಪಾಯೀ ನ ಚಿರಸ್ಥಾಯೀ ಭೋಗೋಽಪ್ಯಸುಭಗಪರ್ಯವಸಾಯೀ ॥ ೧ ॥
ಆನ್ತರರಿಪುವಶಮಶಿವೋದರ್ಕಂ ಪೀತವಿತರ್ಕಂ ವಿಶಸಿ ವೃಥಾ
ತ್ವಮ್ ಕಿಂ ತವ ಲಬ್ಧಂ ತತ್ಪ್ರೇರಣಯಾ ಸನ್ತತವಿಷಯಭ್ರಾನ್ತ್ಯೇಯತ್ಯಾ ॥
ಸಙ್ಕಟಸಙ್ಘವಿದಾರಣನಿಪುಣೇ ಶಙ್ಕರಚರಣೇ ಕಿಙ್ಕರಶರಣೇ
ಸಙ್ಘಟಯ ರತಿಂ ಸಙ್ಕಲಯ ಧೃತಿಂ ಸಫಲಯ ನಿಭೃತಂ ಜನಿಲಾಭಂ ಚ ॥ ೨ ॥
ಸಙ್ಕಲ್ಪೈಕಸಮುದ್ಭಾವಿತಜಗದುತ್ಪತ್ತ್ಯಾದಿಭಿರಾತ್ತವಿನೋದೇ
ಯಸ್ಮಿನ್ನೇವಮಹೇಶ್ವರಶಬ್ದಃ ಸ್ವಾರ್ಥಸಮನ್ವಯಮಜಹಜ್ಜಯತಿ ॥
ಅಖಿಲಾಂಹೋಪಹಮಮಿತಶುಭಾವಹಮಭಯದುಹನ್ತಂ ಸ್ಮರದೇಹದಹಂ
ಕರುಣಾಮೃತರಸವರುಣಾಲಯಮಯಿ ಹರಿಣಾಙ್ಕೋಜ್ಜ್ವಲಮೌಲಿಮುಪಾಸ್ವ ॥ ೩ ॥
ತ್ರಿಜಗದತೀತಮ್ ಯನ್ಮಹಿಮಾನಂ ತ್ರಯ್ಯಪಿ ಚಕಿತೈವಾಭಿದಧಾತಿ
ಪ್ರಣಮದಮರ್ತ್ಯಪ್ರವರಶಿರೋಮಣಿದೀಧಿತಿದೀಪಿತಪಾದಸರೋಜಮ್ ॥
ಭಕ್ತಾಭ್ಯರ್ಥಿತಸಾರ್ಥಸಮರ್ಥನಸಾಮರ್ಥ್ಯೋದ್ಧೃತಕಲ್ಪಕಕರ್ಪಂ
ಕನ್ದರ್ಪಾರಿಮೃತೇಽನ್ಯಃ ಕೋಽಪಿ ವದಾನ್ಯೋ ಜಗತಿ ನ ಮಾನ್ಯೋ ಜಯತಿ ॥ ೪ ॥
ಇತಿ ಹೃದಯಬೋಧನಸ್ತೋತ್ರಂ ಸಂಪೂರ್ಣಮ್ ॥
– Chant Stotra in Other Languages –
Hrudayabodhana Stotram in Marathi – Gujarati । Bengali – Kannada – Malayalam – Telugu