॥ Hrudayabodhana Stotram Telugu Lyrics ॥
॥ హృదయబోధనస్తోత్రమ్ ॥
హృదయ సదా స్మర పరమవితారం హైమవతీకమితారమ్ ॥
విషయభ్రమణం విశ్రమవిధురం వ్యర్థం మాస్మ కృథాస్త్వమ్ ॥
ఆధివ్యాధిశతాకులమనిభౄతసుఖలోభాహితవివిధక్లేశమ్ ॥
ఆయుశ్చఞ్చలకమలదలాఞ్చలగతజలబిన్దుసదృశక్షేమమ్ ॥
అశుచినికాయేఽవశ్యవినాశిని కాయే బాలిశమమతాకాఽయే
నియతాపాయీ న చిరస్థాయీ భోగోఽప్యసుభగపర్యవసాయీ ॥ ౧ ॥
ఆన్తరరిపువశమశివోదర్కం పీతవితర్కం విశసి వృథా
త్వమ్ కిం తవ లబ్ధం తత్ప్రేరణయా సన్తతవిషయభ్రాన్త్యేయత్యా ॥
సఙ్కటసఙ్ఘవిదారణనిపుణే శఙ్కరచరణే కిఙ్కరశరణే
సఙ్ఘటయ రతిం సఙ్కలయ ధృతిం సఫలయ నిభృతం జనిలాభం చ ॥ ౨ ॥
సఙ్కల్పైకసముద్భావితజగదుత్పత్త్యాదిభిరాత్తవినోదే
యస్మిన్నేవమహేశ్వరశబ్దః స్వార్థసమన్వయమజహజ్జయతి ॥
అఖిలాంహోపహమమితశుభావహమభయదుహన్తం స్మరదేహదహం
కరుణామృతరసవరుణాలయమయి హరిణాఙ్కోజ్జ్వలమౌలిముపాస్వ ॥ ౩ ॥
త్రిజగదతీతమ్ యన్మహిమానం త్రయ్యపి చకితైవాభిదధాతి
ప్రణమదమర్త్యప్రవరశిరోమణిదీధితిదీపితపాదసరోజమ్ ॥
భక్తాభ్యర్థితసార్థసమర్థనసామర్థ్యోద్ధృతకల్పకకర్పం
కన్దర్పారిమృతేఽన్యః కోఽపి వదాన్యో జగతి న మాన్యో జయతి ॥ ౪ ॥
ఇతి హృదయబోధనస్తోత్రం సంపూర్ణమ్ ॥
– Chant Stotra in Other Languages –
Hrudayabodhana Stotram in Marathi – Gujarati । Bengali – Kannada – Malayalam – Telugu