॥ Hymn to Kottai Ishvara Bengali Lyrics ॥
॥ গোষ্ঠেশ্বরাষ্টকম্ ॥
সত্যজ্ঞানমনন্তমদ্বয়সুখাকারং গুহান্তঃস্থিত-
শ্রীচিদ্ব্যোম্নি চিদর্করূপমমলং য়দ্ ব্রহ্ম তত্ত্বং পরম্ ।
নির্বীজস্থলমধ্যভাগবিলসদ্গোষ্ঠোত্থবল্মীক-
সম্ভূতং সত্ পুরতো বিভাত্যহহ তদ্গোষ্ঠেশলিঙ্গাত্মনা ॥ ১ ॥
সর্বজ্ঞত্বনিদানভূতকরুণামূর্তিস্বরূপামলা
চিচ্ছক্তির্জডশক্তিকৈতববশাত্ কাঞ্চীনদীত্বং গতা ।
বল্মীকাশ্রয়গোষ্ঠনায়কপরব্রহ্মৈক্যকর্ত্রী মুহুঃ
নৃণাং স্নানকৃতাং বিভাতি সততং শ্রীপিপ্পিলারণ্যগা ॥ ২ ॥
শ্রীমদ্রাজতশৈলশৃঙ্গবিলসচ্ছ্রীমদ্গুহায়াং মহী-
বার্বহ্ন্যাশুগখাত্মিকী বিজয়তে য়া পঞ্চলিঙ্গাকৃতিঃ ।
সৈবাশক্তজনেষু ভূরিকৃপয়া শ্রীপিপ্পিলারণ্যগে
বল্মীকে কিল গোষ্ঠনায়কমহালিঙ্গাত্মনা ভাসতে ॥ ৩ ॥
য়ত্রাদ্যাপ্যণিমাদিসিদ্ধিনিপুণাঃ সিদ্ধেশ্বরাণাং গণাঃ
তত্তদ্দিব্যগুহাসু সন্তি য়মিদৃগ্দৃশ্যা মহাবৈভবাঃ ।
য়ত্রৈব ধ্বনিরর্ধরাত্রসময়ে পুণ্যাত্মভিঃ শ্রূয়তে
পূজাবাদ্যসমুত্থিতঃ সুমনসাং তং রাজতাদ্রিং ভজে ॥ ৪ ॥
শ্রীমদ্রাজতপর্বতাকৃতিধরস্যার্ধেন্দুচূডামণে-
র্লোমৈকং কিল বামকর্ণজনিতং কাঞ্চীতরুত্বং গতম্ ।
তস্মাদুত্তরবাহিনী ভুবি ভবান্যাখ্যা ততঃ পূর্বগা
কাঞ্চীনদ্যভিধা চ পশ্চিমগতা নিলানদী পাবনী ॥ ৫ ॥
শ্রীমদ্ভার্গবহস্তলগ্নপরশুব্যাঘট্টনাদ্ দারিতে
ক্ষোণীধ্রে সতি বামদক্ষিণগিরিদ্বন্দ্বাত্মনা ভেদিতে ।
তন্মধ্যপ্রথিতে বিদারধরণীভাগেতিনদ্যাশ্রয়ে
সা নীলাতটিনী পুনাতি হি সদা কল্পাদিগান্ প্রাণিনঃ ॥ ৬ ॥
কল্পাদিস্থলমধ্যভাগনিলয়ে শ্রীবিশ্বনাথাভিধে
লিঙ্গে পিপ্পিলকাননান্তরগতশ্রীগোষ্ঠনাথাভিধঃ ।
শ্রীশম্ভুঃ করুণানিধিঃ প্রকুরুতে সাংনিধ্যমন্যাদৃশং
তত্পত্নী চ বিরাজতেঽত্র তু বিশালাক্ষীতি নামাঙ্কিতা ॥ ৭ ॥
শ্রীকাঞ্চীতরুমূলপাবনতলং ভ্রাজত্ত্রিবেণ্যুদ্ভবং
ত্যক্ত্বান্যত্র বিধাতুমিচ্ছতি মুহুর্যস্তীর্থয়াত্রাদিকম্ ।
সোঽয়ং হস্তগতং বিহায় কুধিয়া শাখাগ্রলীনং বৃথা
য়ষ্ট্যা তাডিতুমীহতে জডমতির্নিঃসারতুচ্ছং ফলম্ ॥ ৮ ॥
শ্রীমদ্রাজতশৈলোত্থত্রিবেণীমহিমাঙ্কিতম্ ।
গোষ্ঠেশ্বরাষ্টকমিদং সারজ্ঞৈরবলোক্যতাম্ ॥ ৯ ॥
ইতি গোষ্ঠেশ্বরাষ্টকং সম্পূর্ণম্
– Chant Stotra in Other Languages –
Hymn to Kottai Ishvara Lyrics in Sanskrit » English » Gujarati » Kannada » Malayalam » Odia » Telugu » Tamil