॥ Hymn to Nitai or Nityananda Gujarati Lyrics ॥
॥ નિત્યાનન્દાષ્ટકમ્ ॥
શરચ્ચન્દ્રભ્રાન્તિં સ્ફુરદમલકાન્તિં ગજગતિં
હરિપ્રેમોન્મત્તં ધૃતપરમસત્ત્વં સ્મિતમુખમ્ ।
સદાઘૂર્ણન્નેત્રં કરકલિતવેત્રં કલિભિદં
ભજે નિત્યાનન્દં ભજનતરુકન્દં નિરવધિ ॥ ૧ ॥
રસાનામાગારં સ્વજનગણસર્વસ્વમતુલં
તદીયૈકપ્રાણપ્રમિતવસુધાજાહ્નવપતિમ્ ।
સદાપ્રેમોન્માદં પરમવિદિતં મન્દમનસાં
ભજે નિત્યાનન્દં ભજનતરુકન્દં નિરવધિ ॥ ૨ ॥
શચીસૂનુપ્રેષ્ઠં નિખિલજગદિષ્ટં સુખમયં
કલૌ મજ્જજ્જિવોદ્ધરણકરણોદ્દામકરુણમ્ ।
હરેરાખ્યાનાદ્વા ભવજલધિગર્વોન્નતિહરં
ભજે નિત્યાનન્દં ભજનતરુકન્દં નિરવધિ ॥ ૩ ॥
અયે ભ્રાતર્નૄણાં કલિકલુષિણાં કિં નુ ભવિતા
તથા પ્રાયશ્ચિત્તં રચય યદનાયાસત ઇમે ।
વ્રજન્તિ ત્વામિત્થં સહ ભગવતા મન્ત્રયતિ યો
ભજે નિત્યાનન્દં ભજનતરુકન્દં નિરવધિ ॥ ૪ ॥
યથેષ્ઠં રે ભ્રાતઃ કુરુ હરિહરિધ્વાનમનિશં
તતો વઃ સંસારામ્બુધિતરણદાયો મયિ લગેત્ ।
ઇદં બાહુસ્ફોટૈરટતિ રટયન્ યઃ પ્રતિગૃહં
ભજે નિત્યાનન્દં ભજનતરુકન્દં નિરવધિ ॥ ૫ ॥
બલાત્ સંસારામ્ભોનિધિહરણકુમ્ભોદ્ભવમહો
સતાં શ્રેયઃસિન્ધૂન્નતિકુમુદબન્ધું સમુદિતં ।
ખલશ્રેણીસ્ફૂર્જિત્તિમિરહરસૂર્યપ્રભમહં
ભજે નિત્યાનન્દં ભજનતરુકન્દં નિરવધિ ॥ ૬ ॥
નટન્તં ગાયન્તં હરિમનુવદન્તં પથિ પથિ
વ્રજન્તં પશ્યન્તં સ્વમપિ ન દયન્તં જનગણમ્ ।
પ્રકુર્વન્તં સન્તં સકરુણદૃગન્તં પ્રકલનાદ્-
ભજે નિત્યાનન્દં ભજનતરુકન્દં નિરવધિ ॥ ૭ ॥
સુબિભ્રાણં ભ્રાતુઃ કરસરસિજં કોમલતરં
મિથો વક્ત્રાલોકોચ્છલિતપરમાનન્દહૃદયમ્ ।
ભ્રમન્તં માધુર્યૈરહહ મદયન્તં પુરજનાન્
ભજે નિત્યાનન્દં ભજનતરુકન્દં નિરવધિ ॥ ૮ ॥
રસાનામાધારં રસિકવરસદ્વૈષ્ણવધનં
રસાગારં સારં પતિતતતિતારં સ્મરણતઃ ।
પરં નિત્યાનન્દાષ્ટકમિદમપૂર્વં પઠતિ યઃ
તદઙ્ઘ્રિદ્વન્દ્વાબ્જં સ્ફુરતુ નિતરાં તસ્ય હૃદયે ॥ ૯ ॥
ઇતિ વૃન્દાવનદાસઠાકૂરવિરચિતં નિત્યાનન્દાષ્ટકં સમ્પૂર્ણમ્ ।
– Chant Stotra in Other Languages –
Hymn to Nitai or Nityananda Lyrics in Sanskrit » English » Bengali » Kannada » Malayalam » Odia » Telugu » Tamil