॥ Hymn to Nitai or Nityananda Telugu Lyrics ॥
॥ నిత్యానన్దాష్టకమ్ ॥
శరచ్చన్ద్రభ్రాన్తిం స్ఫురదమలకాన్తిం గజగతిం
హరిప్రేమోన్మత్తం ధృతపరమసత్త్వం స్మితముఖమ్ ।
సదాఘూర్ణన్నేత్రం కరకలితవేత్రం కలిభిదం
భజే నిత్యానన్దం భజనతరుకన్దం నిరవధి ॥ ౧ ॥
రసానామాగారం స్వజనగణసర్వస్వమతులం
తదీయైకప్రాణప్రమితవసుధాజాహ్నవపతిమ్ ।
సదాప్రేమోన్మాదం పరమవిదితం మన్దమనసాం
భజే నిత్యానన్దం భజనతరుకన్దం నిరవధి ॥ ౨ ॥
శచీసూనుప్రేష్ఠం నిఖిలజగదిష్టం సుఖమయం
కలౌ మజ్జజ్జివోద్ధరణకరణోద్దామకరుణమ్ ।
హరేరాఖ్యానాద్వా భవజలధిగర్వోన్నతిహరం
భజే నిత్యానన్దం భజనతరుకన్దం నిరవధి ॥ ౩ ॥
అయే భ్రాతర్నౄణాం కలికలుషిణాం కిం ను భవితా
తథా ప్రాయశ్చిత్తం రచయ యదనాయాసత ఇమే ।
వ్రజన్తి త్వామిత్థం సహ భగవతా మన్త్రయతి యో
భజే నిత్యానన్దం భజనతరుకన్దం నిరవధి ॥ ౪ ॥
యథేష్ఠం రే భ్రాతః కురు హరిహరిధ్వానమనిశం
తతో వః సంసారామ్బుధితరణదాయో మయి లగేత్ ।
ఇదం బాహుస్ఫోటైరటతి రటయన్ యః ప్రతిగృహం
భజే నిత్యానన్దం భజనతరుకన్దం నిరవధి ॥ ౫ ॥
బలాత్ సంసారామ్భోనిధిహరణకుమ్భోద్భవమహో
సతాం శ్రేయఃసిన్ధూన్నతికుముదబన్ధుం సముదితం ।
ఖలశ్రేణీస్ఫూర్జిత్తిమిరహరసూర్యప్రభమహం
భజే నిత్యానన్దం భజనతరుకన్దం నిరవధి ॥ ౬ ॥
నటన్తం గాయన్తం హరిమనువదన్తం పథి పథి
వ్రజన్తం పశ్యన్తం స్వమపి న దయన్తం జనగణమ్ ।
ప్రకుర్వన్తం సన్తం సకరుణదృగన్తం ప్రకలనాద్-
భజే నిత్యానన్దం భజనతరుకన్దం నిరవధి ॥ ౭ ॥
సుబిభ్రాణం భ్రాతుః కరసరసిజం కోమలతరం
మిథో వక్త్రాలోకోచ్ఛలితపరమానన్దహృదయమ్ ।
భ్రమన్తం మాధుర్యైరహహ మదయన్తం పురజనాన్
భజే నిత్యానన్దం భజనతరుకన్దం నిరవధి ॥ ౮ ॥
రసానామాధారం రసికవరసద్వైష్ణవధనం
రసాగారం సారం పతితతతితారం స్మరణతః ।
పరం నిత్యానన్దాష్టకమిదమపూర్వం పఠతి యః
తదఙ్ఘ్రిద్వన్ద్వాబ్జం స్ఫురతు నితరాం తస్య హృదయే ॥ ౯ ॥
ఇతి వృన్దావనదాసఠాకూరవిరచితం నిత్యానన్దాష్టకం సమ్పూర్ణమ్ ।
– Chant Stotra in Other Languages –
Hymn to Nitai or Nityananda Lyrics in Sanskrit » English » Bengali » Gujarati » Kannada » Malayalam » Odia » Tamil