॥ 108 Names of Goddess Durga 2 Bengali Lyrics ॥
॥ শ্রীদুর্গাষ্টোত্তর শতনামস্তোত্র ২ ॥
॥ওঁ শ্রী দুর্গা পরমেশ্বর্যৈ নমঃ ॥
অস্যশ্রী দুর্গাষ্টোত্তর শতনামাস্তোত্র মালামন্ত্রস্য
মহাবিষ্ণু মহেশ্বরাঃ ঋষয়ঃ,
অনুষ্টুপ্ছন্দঃ, শ্রীদুর্গাপরমেশ্বরী দেবতা,
হ্রাং বীজং, হ্রীং শক্তিঃ, হ্রূং কীলকং,
সর্বাভীষ্টসিধ্যর্থে জপহোমার্চনে বিনিয়োগঃ ।
ওঁ সত্যা সাধ্যা ভবপ্রীতা ভবানী ভবমোচনী ।
আর্যা দুর্গা জয়া চাধ্যা ত্রিণেত্রাশূলধারিণী ॥
পিনাকধারিণী চিত্রা চংডঘংটা মহাতপাঃ ।
মনো বুদ্ধি রহংকারা চিদ্রূপা চ চিদাকৃতিঃ ॥
অনন্তা ভাবিনী ভব্যা হ্যভব্যা চ সদাগতিঃ ।
শাংভবী দেবমাতা চ চিন্তা রত্নপ্রিয়া তথা ॥
সর্ববিদ্যা দক্ষকন্যা দক্ষয়জ্ঞবিনাশিনী ।
অপর্ণাঽনেকবর্ণা চ পাটলা পাটলাবতী ॥
পট্টাংবরপরীধানা কলমংজীররংজিনী ।
ঈশানী চ মহারাজ্ঞী হ্যপ্রমেয়পরাক্রমা ।
রুদ্রাণী ক্রূররূপা চ সুন্দরী সুরসুন্দরী ॥
বনদুর্গা চ মাতংগী মতংগমুনিকন্যকা ।
ব্রাম্হী মাহেশ্বরী চৈন্দ্রী কৌমারী বৈষ্ণবী তথা ॥
চামুংডা চৈব বারাহী লক্ষ্মীশ্চ পুরুষাকৃতিঃ ।
বিমলা জ্ঞানরূপা চ ক্রিয়া নিত্যা চ বুদ্ধিদা ॥
বহুলা বহুলপ্রেমা মহিষাসুরমর্দিনী ।
মধুকৈঠভ হন্ত্রী চ চংডমুংডবিনাশিনী ॥
সর্বশাস্ত্রময়ী চৈব সর্বধানবঘাতিনী ।
অনেকশস্ত্রহস্তা চ সর্বশস্ত্রাস্ত্রধারিণী ॥
ভদ্রকালী সদাকন্যা কৈশোরী য়ুবতির্যতিঃ ।
প্রৌঢাঽপ্রৌঢা বৃদ্ধমাতা ঘোররূপা মহোদরী ॥
বলপ্রদা ঘোররূপা মহোত্সাহা মহাবলা ।
অগ্নিজ্বালা রৌদ্রমুখী কালারাত্রী তপস্বিনী ॥
নারায়ণী মহাদেবী বিষ্ণুমায়া শিবাত্মিকা ।
শিবদূতী করালী চ হ্যনন্তা পরমেশ্বরী ॥
কাত্যায়নী মহাবিদ্যা মহামেধাস্বরূপিণী ।
গৌরী সরস্বতী চৈব সাবিত্রী ব্রহ্মবাদিনী ।
সর্বতত্ত্বৈকনিলয়া বেদমন্ত্রস্বরূপিণী ॥
ইদং স্তোত্রং মহাদেব্যাঃ নাম্নাং অষ্টোত্তরং শতম্ ।
য়ঃ পঠেত্ প্রয়তো নিত্যং ভক্তিভাবেন চেতসা ।
শত্রুভ্যো ন ভয়ং তস্য তস্য শত্রুক্ষয়ং ভবেত্ ।
সর্বদুঃখদরিদ্রাচ্চ সুসুখং মুচ্যতে ধ্রুবম্ ॥
বিদ্যার্থী লভতে বিদ্যাং ধনার্থী লভতে ধনম্ ।
কন্যার্থী লভতে কন্যাং কন্যা চ লভতে বরম্ ॥
ঋণী ঋণাত্ বিমুচ্যেত হ্যপুত্রো লভতে সুতম্ ।
রোগাদ্বিমুচ্যতে রোগী সুখমত্যন্তমশ্নুতে ॥
ভূমিলাভো ভবেত্তস্য সর্বত্র বিজয়ী ভবেত্ ।
সর্বান্কামানবাপ্নোতি মহাদেবীপ্রসাদতঃ ॥
কুংকুমৈঃ বিল্বপত্রৈশ্চ সুগন্ধৈঃ রক্তপুষ্পকৈঃ ।
রক্তপত্রৈর্বিশেষেণ পূজয়ন্ভদ্রমশ্নুতে ॥
॥ওঁ তত্সত্ ॥
– Chant Stotra in Other Languages –
Goddess Durga Names » Ashtottara Shatanamavali of Goddess Durga 2 Lyrics in Sanskrit » English » Gujarati » Kannada » Malayalam » Odia » Telugu » Tamil