భద్రాచల రామదాసు కీర్తనలు
॥ Idigo Bhadradri Gautami Adigo Lyrics ॥
వరాళి – ఆది (మోహన – ఆది)
పల్లవి:
ఇదిగో భద్రాద్రి గౌతమి అదిగో చూడండి
ముదముతో సీత ముదిత లక్ష్మణులు
కలసి కొలువగా రఘుపతియుండెడి ఇది ॥
చరణము(లు):
చారుస్వర్ణప్రాకార గోపుర
ద్వారములతో సుందరమైయుండెడి ఇది ॥
అనుపమానమై యతిసుందరమై
దనరుచక్రమది ధగధగ మెరిసెడి ఇది ॥
కలియుగమందున నిలవైకుంఠము
నలరుచునున్నది నయముగ మ్రొక్కుడి ఇది ॥
పొన్నల పొగడల పూపొదరిండ్లతొ
చెన్నుమీరగను చెలగుచునున్నది ఇది ॥
శ్రీకరముగ శ్రీరామదాసుని
ప్రాకటముగ బ్రోచే ప్రభువాసము ఇది ॥
– Chant Stotra in Other Languages –
Sri Ramadasu Keerthanalu – Idigo Bhadradri Gautami Adigo Lyrics » English