॥ Kalaganti Kalaganti Telugu Lyrics ॥
ఇప్పుడిటు కలగంటి నెల్లలోకములకు ।
అప్పడగు తిరువేంకటాద్రీశు గంటి ॥
అతిశయంబైన శేషాద్రిశిఖరము గంటి ।
ప్రతిలేని గోపుర ప్రభలు గంటి ।
శతకోటి సూర్య తేజములు వెలుగగ గంటి ।
చతురాస్యు బొడగంటి చయ్యన మేల్కొంటి ॥
కనకరత్న కవాట కాంతు లిరుగడగంటి ।
ఘనమైన దీపసంఘములు గంటి ।
అనుపమ మణీమయమ్మగు కిరీటము గంటి ।
కనకాంబరము గంటి గ్రక్కన మేల్కొంటి ॥
అరుదైన శంఖ చక్రాదు లిరుగడ గంటి ।
సరిలేని యభయ హస్తము గంటి ।
తిరువేంకటాచలాధిపుని జూడగ గంటి ।
హరి గంటి గురు గంటి నంతట మేల్కంటి ॥
– Chant Stotra in Other Languages –
Annamacharya Keerthanalu » Kalaganti Kalaganti Lyrics in Sanskrit » English » Bengali » Kannada » Malayalam » Tamil