॥ Kakaradi Kurma Ashtottarashatanama Stotram Gujarati Lyrics ॥
॥ કકારાદિ શ્રીકૂર્માષ્ટોત્તરશતનામસ્તોત્રમ્ ॥
શ્રી હયગ્રીવાય નમઃ ।
હરિઃ ૐ
કમઠઃ કન્ધિમધ્યસ્થઃ કરુણાવરુણાલયઃ ।
કુલાચલસમુદ્ધર્તા કુણ્ડલીન્દ્રસમાશ્રયઃ ॥ ૧ ॥
કઠોરપૃષ્ટઃ કુધરઃ કલુષીકૃતસાગરઃ ।
કલ્યાણમૂર્તિઃ ક્રતુભુક્પ્રાર્થનાધૃત વિગ્રહઃ ॥ ૨ ॥
કુલાચલસમુદ્ભ્રાન્તિઘૃષ્ટકણ્ડૂતિસૌખ્યવાન્ ।
કરાલશ્વાસસઙ્ક્ષુબ્ધસિન્ધૂર્મિપ્રહતામ્બરઃ ॥ ૩ ॥
કન્ધિકર્દમકસ્તૂરીલિપ્તવક્ષઃસ્થલઃ કૃતી ।
કુલીરાદિપયસ્સત્ત્વનિષ્પેષણચતુષ્પદઃ ॥ ૪ ॥
કરાગ્રાદત્તસમ્ભુક્તતિમિઙ્ગિલગિલોત્કરઃ ।
કન્ધિપુષ્પદ્વિરેફાભઃ કપર્દ્યાદિસમીડિતઃ ॥ ૫ ॥
કલ્યાણાચલતુઙ્ગાત્માગાધીકૃતપયોનિધિઃ ।
કુલિશત્પૃષ્ઠસઙ્ઘર્ષક્ષીણમૂલકુલાચલઃ ॥ ૬ ॥
કાશ્યપીસત્કુચપ્રાયમન્દરાહતપૃષ્ઠકઃ ।
કાયૈકદેશાપર્યાપ્તશેષદિગ્ગજમણ્ડલઃ ॥ ૭ ॥
કઠોરચરણાઘાતદ્વૈધીકૃતપયોનિધિઃ ।
કાલકૂટકૃતત્રાસઃ કાણ્ડદુર્મિતવૈભવઃ ॥ ૮ ॥
કમનીયઃ કવિસ્તુત્યઃ કનિધિઃ કમલાપતિઃ ।
કમલાસનકલ્યાણસન્ધાતા કલિનાશનઃ ॥ ૯ ॥
કટાક્ષક્ષતદેવાર્તિઃ કેન્દ્રાદિવિધૃતાંજલિઃ ।
કાલીપતિપ્રીતિપાત્રં કામિતાર્થપ્રદઃ કવિઃ ॥ ૧૦ ॥
કૂટસ્થઃ કૂટકમઠઃ કૂટયોગિસુદુર્લભઃ ।
કામહીનઃ કામહેતુઃ કામભૃત્કંજલોચનઃ ॥ ૧૧ ॥
ક્રતુભુગ્દૈન્યવિધ્વંસી ક્રતુભુક્પાલકઃ ક્રતુઃ ।
ક્રતુપૂજ્યઃ ક્રતુનિધિઃ ક્રતુત્રાતા ક્રતૂદ્ભવઃ ॥ ૧૨ ॥
કૈવલ્યસૌખ્યદકથઃ કૈશોરોત્ક્ષિપ્તમન્દરઃ ।
કૈવલ્યનિર્વાણમયઃ કૈટભપ્રતિસૂદનઃ ॥ ૧૩ ॥
ક્રાન્તસર્વામ્બુધિઃ ક્રાન્તપાતાલઃ કોમલોદરઃ ।
કન્ધિસોર્મિજલક્ષૌમઃ કુલાચલકચોત્કરઃ ॥ ૧૪ ॥
કટુનિશ્શ્વાસનિર્ધૂતરક્ષસ્તૂલઃ કૃતાદ્ભુતઃ ।
કૌમોદકીહતામિત્રઃ કૌતુકાકવિતાહવઃ ॥ ૧૫ ॥
કરાલિકંટકોદ્ધર્તા કવિતાબ્ધિમણીસુમઃ ।
કૈવલ્યવલ્લરીકન્દઃ કન્દુકીકૃતચન્દિરઃ ॥ ૧૬ ॥
કરપીતસમસ્તાબ્ધિઃ કાયાન્તર્ગતવાશ્ચરઃ ।
કર્પરાબ્જદ્વિરેફાભમન્દરઃ કન્દલત્સ્મિતઃ ॥ ૧૭ ॥
કાશ્યપીવ્રતતીકન્દઃ કશ્યપાદિસમાનતઃ ।
કલ્યાણજાલનિલયઃ ક્રતુભુઙ્નેત્રનન્દનઃ ॥ ૧૮ ॥
કબન્ધચરહર્યક્ષઃ ક્રાન્તદર્શિમનોહરઃ ।
કર્મઠાવિષયઃ કર્મકર્તૃભાવાદિવર્જિતઃ ॥ ૧૯ ॥
કર્માનધીનઃ કર્મજ્ઞઃ કર્મપઃ કર્મચોદનઃ ।
કર્મસાક્ષી કર્મહેતુઃ કર્મજ્ઞાનવિભાગકૃત્ ॥ ૨૦ ॥
કર્તા કારયિતા કાર્યં કારણં કરણં કૃતિઃ ।
કૃત્સ્નં કૃત્સ્નાતિગઃ કૃત્સ્નચેતનઃ કૃત્સ્નમોહનઃ ॥ ૨૧ ॥
કરણાગોચરઃ કાલઃ કાર્યકારણતાતિગઃ ।
કાલાવશઃ કાલપાશબદ્ધભક્તાવનાભિધઃ ॥ ૨૨ ॥
કૃતકૃત્યઃ કેલિફલઃ કીર્તનીયઃ કૃતોત્સવઃ ।
કૃતેતરમહાનન્દઃ કૃતજ્ઞઃ કૃતસત્સુખઃ ॥ ૨૩ ॥
॥ ઇતિ કકારાદિ શ્રી કમઠાવતારાષ્ટોત્તરશતમ્ રામેણ પરાભવ
વૈશાખ બહુલદ્વાદશ્યાં લિખિતમ્ શ્રી હયગ્રીવાયાર્પિતમ્ ॥
– Chant Stotra in Other Languages –
Sri Vishnu Slokam » Kakaradi Sri Kurma Ashtottara Shatanama Stotram Lyrics in Sanskrit » English » Bengali » Kannada » Malayalam » Odia » Telugu » Tamil