॥ Kakaradi Kurma Ashtottarashatanama Stotram Kannada Lyrics ॥
॥ ಕಕಾರಾದಿ ಶ್ರೀಕೂರ್ಮಾಷ್ಟೋತ್ತರಶತನಾಮಸ್ತೋತ್ರಮ್ ॥
ಶ್ರೀ ಹಯಗ್ರೀವಾಯ ನಮಃ ।
ಹರಿಃ ಓಂ
ಕಮಠಃ ಕನ್ಧಿಮಧ್ಯಸ್ಥಃ ಕರುಣಾವರುಣಾಲಯಃ ।
ಕುಲಾಚಲಸಮುದ್ಧರ್ತಾ ಕುಂಡಲೀನ್ದ್ರಸಮಾಶ್ರಯಃ ॥ 1 ॥
ಕಠೋರಪೃಷ್ಟಃ ಕುಧರಃ ಕಲುಷೀಕೃತಸಾಗರಃ ।
ಕಲ್ಯಾಣಮೂರ್ತಿಃ ಕ್ರತುಭುಕ್ಪ್ರಾರ್ಥನಾಧೃತ ವಿಗ್ರಹಃ ॥ 2 ॥
ಕುಲಾಚಲಸಮುದ್ಭ್ರಾನ್ತಿಘೃಷ್ಟಕಂಡೂತಿಸೌಖ್ಯವಾನ್ ।
ಕರಾಲಶ್ವಾಸಸಂಕ್ಷುಬ್ಧಸಿನ್ಧೂರ್ಮಿಪ್ರಹತಾಮ್ಬರಃ ॥ 3 ॥
ಕನ್ಧಿಕರ್ದಮಕಸ್ತೂರೀಲಿಪ್ತವಕ್ಷಃಸ್ಥಲಃ ಕೃತೀ ।
ಕುಲೀರಾದಿಪಯಸ್ಸತ್ತ್ವನಿಷ್ಪೇಷಣಚತುಷ್ಪದಃ ॥ 4 ॥
ಕರಾಗ್ರಾದತ್ತಸಮ್ಭುಕ್ತತಿಮಿಂಗಿಲಗಿಲೋತ್ಕರಃ ।
ಕನ್ಧಿಪುಷ್ಪದ್ವಿರೇಫಾಭಃ ಕಪರ್ದ್ಯಾದಿಸಮೀಡಿತಃ ॥ 5 ॥
ಕಲ್ಯಾಣಾಚಲತುಂಗಾತ್ಮಾಗಾಧೀಕೃತಪಯೋನಿಧಿಃ ।
ಕುಲಿಶತ್ಪೃಷ್ಠಸಂಘರ್ಷಕ್ಷೀಣಮೂಲಕುಲಾಚಲಃ ॥ 6 ॥
ಕಾಶ್ಯಪೀಸತ್ಕುಚಪ್ರಾಯಮನ್ದರಾಹತಪೃಷ್ಠಕಃ ।
ಕಾಯೈಕದೇಶಾಪರ್ಯಾಪ್ತಶೇಷದಿಗ್ಗಜಮಂಡಲಃ ॥ 7 ॥
ಕಠೋರಚರಣಾಘಾತದ್ವೈಧೀಕೃತಪಯೋನಿಧಿಃ ।
ಕಾಲಕೂಟಕೃತತ್ರಾಸಃ ಕಾಂಡದುರ್ಮಿತವೈಭವಃ ॥ 8 ॥
ಕಮನೀಯಃ ಕವಿಸ್ತುತ್ಯಃ ಕನಿಧಿಃ ಕಮಲಾಪತಿಃ ।
ಕಮಲಾಸನಕಲ್ಯಾಣಸನ್ಧಾತಾ ಕಲಿನಾಶನಃ ॥ 9 ॥
ಕಟಾಕ್ಷಕ್ಷತದೇವಾರ್ತಿಃ ಕೇನ್ದ್ರಾದಿವಿಧೃತಾಂಜಲಿಃ ।
ಕಾಲೀಪತಿಪ್ರೀತಿಪಾತ್ರಂ ಕಾಮಿತಾರ್ಥಪ್ರದಃ ಕವಿಃ ॥ 10 ॥
ಕೂಟಸ್ಥಃ ಕೂಟಕಮಠಃ ಕೂಟಯೋಗಿಸುದುರ್ಲಭಃ ।
ಕಾಮಹೀನಃ ಕಾಮಹೇತುಃ ಕಾಮಭೃತ್ಕಂಜಲೋಚನಃ ॥ 11 ॥
ಕ್ರತುಭುಗ್ದೈನ್ಯವಿಧ್ವಂಸೀ ಕ್ರತುಭುಕ್ಪಾಲಕಃ ಕ್ರತುಃ ।
ಕ್ರತುಪೂಜ್ಯಃ ಕ್ರತುನಿಧಿಃ ಕ್ರತುತ್ರಾತಾ ಕ್ರತೂದ್ಭವಃ ॥ 12 ॥
ಕೈವಲ್ಯಸೌಖ್ಯದಕಥಃ ಕೈಶೋರೋತ್ಕ್ಷಿಪ್ತಮನ್ದರಃ ।
ಕೈವಲ್ಯನಿರ್ವಾಣಮಯಃ ಕೈಟಭಪ್ರತಿಸೂದನಃ ॥ 13 ॥
ಕ್ರಾನ್ತಸರ್ವಾಮ್ಬುಧಿಃ ಕ್ರಾನ್ತಪಾತಾಲಃ ಕೋಮಲೋದರಃ ।
ಕನ್ಧಿಸೋರ್ಮಿಜಲಕ್ಷೌಮಃ ಕುಲಾಚಲಕಚೋತ್ಕರಃ ॥ 14 ॥
ಕಟುನಿಶ್ಶ್ವಾಸನಿರ್ಧೂತರಕ್ಷಸ್ತೂಲಃ ಕೃತಾದ್ಭುತಃ ।
ಕೌಮೋದಕೀಹತಾಮಿತ್ರಃ ಕೌತುಕಾಕವಿತಾಹವಃ ॥ 15 ॥
ಕರಾಲಿಕಂಟಕೋದ್ಧರ್ತಾ ಕವಿತಾಬ್ಧಿಮಣೀಸುಮಃ ।
ಕೈವಲ್ಯವಲ್ಲರೀಕನ್ದಃ ಕನ್ದುಕೀಕೃತಚನ್ದಿರಃ ॥ 16 ॥
ಕರಪೀತಸಮಸ್ತಾಬ್ಧಿಃ ಕಾಯಾನ್ತರ್ಗತವಾಶ್ಚರಃ ।
ಕರ್ಪರಾಬ್ಜದ್ವಿರೇಫಾಭಮನ್ದರಃ ಕನ್ದಲತ್ಸ್ಮಿತಃ ॥ 17 ॥
ಕಾಶ್ಯಪೀವ್ರತತೀಕನ್ದಃ ಕಶ್ಯಪಾದಿಸಮಾನತಃ ।
ಕಲ್ಯಾಣಜಾಲನಿಲಯಃ ಕ್ರತುಭುಙ್ನೇತ್ರನನ್ದನಃ ॥ 18 ॥
ಕಬನ್ಧಚರಹರ್ಯಕ್ಷಃ ಕ್ರಾನ್ತದರ್ಶಿಮನೋಹರಃ ।
ಕರ್ಮಠಾವಿಷಯಃ ಕರ್ಮಕರ್ತೃಭಾವಾದಿವರ್ಜಿತಃ ॥ 19 ॥
ಕರ್ಮಾನಧೀನಃ ಕರ್ಮಜ್ಞಃ ಕರ್ಮಪಃ ಕರ್ಮಚೋದನಃ ।
ಕರ್ಮಸಾಕ್ಷೀ ಕರ್ಮಹೇತುಃ ಕರ್ಮಜ್ಞಾನವಿಭಾಗಕೃತ್ ॥ 20 ॥
ಕರ್ತಾ ಕಾರಯಿತಾ ಕಾರ್ಯಂ ಕಾರಣಂ ಕರಣಂ ಕೃತಿಃ ।
ಕೃತ್ಸ್ನಂ ಕೃತ್ಸ್ನಾತಿಗಃ ಕೃತ್ಸ್ನಚೇತನಃ ಕೃತ್ಸ್ನಮೋಹನಃ ॥ 21 ॥
ಕರಣಾಗೋಚರಃ ಕಾಲಃ ಕಾರ್ಯಕಾರಣತಾತಿಗಃ ।
ಕಾಲಾವಶಃ ಕಾಲಪಾಶಬದ್ಧಭಕ್ತಾವನಾಭಿಧಃ ॥ 22 ॥
ಕೃತಕೃತ್ಯಃ ಕೇಲಿಫಲಃ ಕೀರ್ತನೀಯಃ ಕೃತೋತ್ಸವಃ ।
ಕೃತೇತರಮಹಾನನ್ದಃ ಕೃತಜ್ಞಃ ಕೃತಸತ್ಸುಖಃ ॥ 23 ॥
॥ ಇತಿ ಕಕಾರಾದಿ ಶ್ರೀ ಕಮಠಾವತಾರಾಷ್ಟೋತ್ತರಶತಮ್ ರಾಮೇಣ ಪರಾಭವ
ವೈಶಾಖ ಬಹುಲದ್ವಾದಶ್ಯಾಂ ಲಿಖಿತಮ್ ಶ್ರೀ ಹಯಗ್ರೀವಾಯಾರ್ಪಿತಮ್ ॥
– Chant Stotra in Other Languages –
Sri Vishnu Slokam » Kakaradi Sri Kurma Ashtottara Shatanama Stotram Lyrics in Sanskrit » English » Bengali » Gujarati » Malayalam » Odia » Telugu » Tamil