॥ Kakaradi Kurma Ashtottarashatanama Stotram Malayalam Lyrics ॥
॥ കകാരാദി ശ്രീകൂര്‍മാഷ്ടോത്തരശതനാമസ്തോത്രം ॥
ശ്രീ ഹയഗ്രീവായ നമഃ ।
ഹരിഃ ഓം
കമഠഃ കന്ധിമധ്യസ്ഥഃ കരുണാവരുണാലയഃ ।
കുലാചലസമുദ്ധര്‍താ കുണ്ഡലീന്ദ്രസമാശ്രയഃ ॥ 1 ॥
കഠോരപൃഷ്ടഃ കുധരഃ കലുഷീകൃതസാഗരഃ ।
കല്യാണമൂര്‍തിഃ ക്രതുഭുക്പ്രാര്‍ഥനാധൃത വിഗ്രഹഃ ॥ 2 ॥
കുലാചലസമുദ്ഭ്രാന്തിഘൃഷ്ടകണ്ഡൂതിസൌഖ്യവാന്‍ ।
കരാലശ്വാസസങ്ക്ഷുബ്ധസിന്ധൂര്‍മിപ്രഹതാംബരഃ ॥ 3 ॥
കന്ധികര്‍ദമകസ്തൂരീലിപ്തവക്ഷഃസ്ഥലഃ കൃതീ ।
കുലീരാദിപയസ്സത്ത്വനിഷ്പേഷണചതുഷ്പദഃ ॥ 4 ॥
കരാഗ്രാദത്തസംഭുക്തതിമിങ്ഗിലഗിലോത്കരഃ ।
കന്ധിപുഷ്പദ്വിരേഫാഭഃ കപര്‍ദ്യാദിസമീഡിതഃ ॥ 5 ॥
കല്യാണാചലതുങ്ഗാത്മാഗാധീകൃതപയോനിധിഃ ।
കുലിശത്പൃഷ്ഠസങ്ഘര്‍ഷക്ഷീണമൂലകുലാചലഃ ॥ 6 ॥
കാശ്യപീസത്കുചപ്രായമന്ദരാഹതപൃഷ്ഠകഃ ।
കായൈകദേശാപര്യാപ്തശേഷദിഗ്ഗജമണ്ഡലഃ ॥ 7 ॥
കഠോരചരണാഘാതദ്വൈധീകൃതപയോനിധിഃ ।
കാലകൂടകൃതത്രാസഃ കാണ്ഡദുര്‍മിതവൈഭവഃ ॥ 8 ॥
കമനീയഃ കവിസ്തുത്യഃ കനിധിഃ കമലാപതിഃ ।
കമലാസനകല്യാണസന്ധാതാ കലിനാശനഃ ॥ 9 ॥
കടാക്ഷക്ഷതദേവാര്‍തിഃ കേന്ദ്രാദിവിധൃതാംജലിഃ ।
കാലീപതിപ്രീതിപാത്രം കാമിതാര്‍ഥപ്രദഃ കവിഃ ॥ 10 ॥
കൂടസ്ഥഃ കൂടകമഠഃ കൂടയോഗിസുദുര്ലഭഃ ।
കാമഹീനഃ കാമഹേതുഃ കാമഭൃത്കംജലോചനഃ ॥ 11 ॥
ക്രതുഭുഗ്ദൈന്യവിധ്വംസീ ക്രതുഭുക്പാലകഃ ക്രതുഃ ।
ക്രതുപൂജ്യഃ ക്രതുനിധിഃ ക്രതുത്രാതാ ക്രതൂദ്ഭവഃ ॥ 12 ॥
കൈവല്യസൌഖ്യദകഥഃ കൈശോരോത്ക്ഷിപ്തമന്ദരഃ ।
കൈവല്യനിര്‍വാണമയഃ കൈടഭപ്രതിസൂദനഃ ॥ 13 ॥
ക്രാന്തസര്‍വാംബുധിഃ ക്രാന്തപാതാലഃ കോമലോദരഃ ।
കന്ധിസോര്‍മിജലക്ഷൌമഃ കുലാചലകചോത്കരഃ ॥ 14 ॥
കടുനിശ്ശ്വാസനിര്‍ധൂതരക്ഷസ്തൂലഃ കൃതാദ്ഭുതഃ ।
കൌമോദകീഹതാമിത്രഃ കൌതുകാകവിതാഹവഃ ॥ 15 ॥
കരാലികംടകോദ്ധര്‍താ കവിതാബ്ധിമണീസുമഃ ।
കൈവല്യവല്ലരീകന്ദഃ കന്ദുകീകൃതചന്ദിരഃ ॥ 16 ॥
കരപീതസമസ്താബ്ധിഃ കായാന്തര്‍ഗതവാശ്ചരഃ ।
കര്‍പരാബ്ജദ്വിരേഫാഭമന്ദരഃ കന്ദലത്സ്മിതഃ ॥ 17 ॥
കാശ്യപീവ്രതതീകന്ദഃ കശ്യപാദിസമാനതഃ ।
കല്യാണജാലനിലയഃ ക്രതുഭുങ്നേത്രനന്ദനഃ ॥ 18 ॥
കബന്ധചരഹര്യക്ഷഃ ക്രാന്തദര്‍ശിമനോഹരഃ ।
കര്‍മഠാവിഷയഃ കര്‍മകര്‍തൃഭാവാദിവര്‍ജിതഃ ॥ 19 ॥
കര്‍മാനധീനഃ കര്‍മജ്ഞഃ കര്‍മപഃ കര്‍മചോദനഃ ।
കര്‍മസാക്ഷീ കര്‍മഹേതുഃ കര്‍മജ്ഞാനവിഭാഗകൃത് ॥ 20 ॥
കര്‍താ കാരയിതാ കാര്യം കാരണം കരണം കൃതിഃ ।
കൃത്സ്നം കൃത്സ്നാതിഗഃ കൃത്സ്നചേതനഃ കൃത്സ്നമോഹനഃ ॥ 21 ॥
കരണാഗോചരഃ കാലഃ കാര്യകാരണതാതിഗഃ ।
കാലാവശഃ കാലപാശബദ്ധഭക്താവനാഭിധഃ ॥ 22 ॥
കൃതകൃത്യഃ കേലിഫലഃ കീര്‍തനീയഃ കൃതോത്സവഃ ।
കൃതേതരമഹാനന്ദഃ കൃതജ്ഞഃ കൃതസത്സുഖഃ ॥ 23 ॥
॥ ഇതി കകാരാദി ശ്രീ കമഠാവതാരാഷ്ടോത്തരശതം രാമേണ പരാഭവ
വൈശാഖ ബഹുലദ്വാദശ്യാം ലിഖിതം ശ്രീ ഹയഗ്രീവായാര്‍പിതം ॥
– Chant Stotra in Other Languages –
Sri Vishnu Slokam » Kakaradi Sri Kurma Ashtottara Shatanama Stotram Lyrics in Sanskrit » English » Bengali » Gujarati » Kannada » Odia » Telugu » Tamil