॥ Kama Geetaa Telugu Lyrics ॥
॥ కామగీతా ॥
Mahabharata – Ashvamedhika Parva 14.13
కామస్య శక్తికథనేన దుర్జయత్వకథనపూర్వకం తజ్జయోపాయకథనం ।
వాసుదేవ ఉవాచ ।
న బాహ్యం ద్రవ్యముత్సృజ్య సిద్ధిర్భవతి భారత ।
శారీరం ద్రవ్యముత్సృజ్య సిద్ధిర్భవతి వా న వా ॥ 1 ॥
బాహ్యద్రవ్యవిముక్తస్య శారీరేషు చ గృహ్యతః ।
యో ధర్మో యత్సుఖం చైవ ద్విషతామస్తు తత్తవ ॥ 2 ॥
ద్వ్యక్షరస్తు భవేన్మృత్యుస్త్ర్యక్షరం బ్రహ్మ శాశ్వతం ।
మమేతి ద్వ్యక్షరో మృత్యుర్నమమేతి చ శాశ్వతం ॥ 3 ॥
బ్రహ్మమృత్యూ తతో రాజన్నాత్మన్యేవ వ్యవస్థితౌ ।
అదృశ్యమానౌ భూతాని యోధయేతామసంశయం ॥ 4 ॥
అవినాశోఽస్య తత్త్వస్య నియతో యది భారత ।
భిత్త్వా శరీరం భూతానామహింసాం ప్రతిపద్యతే ॥ 5 ॥
లబ్ధ్వా హి పృథివీం కృత్స్నాం సహస్థావరజంగమాం ।
మమత్వం యస్య నైవ స్యాత్కిం తయా స కరిష్యతి ॥ 6 ॥
అథవా వసతః పార్థ వనే వన్యేన జీవతః ।
మమతా యస్య విత్తేషు మృత్యోరాంస్యే స వర్తతే ॥ 7 ॥
బ్రాహ్యాంతరాణాం శత్రూణాం స్వభావం పశ్య భారత ।
యన్న పశ్యతి తద్భూతం ముచ్యతే స మహాభయాత్ ॥ 8 ॥
కామాత్మానం న ప్రశంసంతి లోకే నేహాకామా కాచిదస్తి ప్రవృత్తిః ।
సర్వే కామా మనసోఽఙ్గ ప్రభూతా యాన్పండితః సంహరతే విచింత్య ॥ 9 ॥
భూయోభూయో జన్మనోఽభ్యాసయోగాద్యోగీ యోగం సారమార్గం విచింత్య ।
దానం చ వేదాధ్యయనం తపశ్చ కామ్యాని కర్మాణి చ వైదికాని ॥ 10 ॥
వ్రతం యజ్ఞాన్నియమాంధ్యానయోగాన్కామేన యో నారభతే విదిత్వా ।
యద్యచ్చాయం కామయతే స ధర్మో నయో ధర్మో నియమస్తస్య మూలం ॥ 11 ॥ యద్యద్ధ్యయం
అత్ర గాథాః కామగీతాః కీర్తయంతి పురావిదః ।
శృణు సంకీర్త్యమానాస్తా అఖిలేన యుధిష్ఠిర ।
కామ ఉవాచ ।
నాహం శక్యోఽనుపాయేన హంతుం భూతేన కేనచిత్ ॥ 12 ॥
యో మాం ప్రయతతే హంతుం జ్ఞాత్వా ప్రహరణే బలం ।
తస్య తస్మిన్ప్రహరణే పునః ప్రాదుర్భవామ్యహం ॥ 13 ॥
యో మాం ప్రయతతే హంతుం యజ్ఞైర్వివిధదక్షిణైః ।
జంగమేష్వివ ధర్మాత్మా పునః ప్రాదుర్భవామ్యహం ॥ 14 ॥
యో మాం ప్రయతతే హంతుం వేదైర్వేదాంతసాధనైః ।
స్థావరేష్వివ భూతాత్మా తస్య ప్రాదుర్భవామ్యహం ॥ 15 ॥
యో మాం ప్రయతతే హంతుం ధృత్యా సత్యపరాక్రమః ।
భావో భవామి తస్యాహం స చ మాం నావబుధ్యతే ॥ 16 ॥
యో మాం ప్రయతతే హంతుం తపసా సంశితవ్రతః ।
తతస్పపసి తస్యథ పునః ప్రాదుర్భవామ్యహం ॥ 17 ॥
యో మాం ప్రయతతే హంతుం మోక్షమాస్థాయ పండితః ।
తస్య మోక్షరతిస్థస్య నృత్యామి చ హసామి చ ।
అవధ్యః సర్వభూతానామహమేకః సనాతనః ॥ 18 ॥
తస్మాత్త్వమపి తం కామం యజ్ఞైర్వివిధదక్షిణైః ।
ధర్మే కురు మహారాజ తత్ర తే స భవిష్యతి ॥ 19 ॥
(యజస్వ వాజిమేధేన విధివద్ దక్షిణావతా ।
అన్యశ్చ వివిధైర్యజ్ఞైః సమృద్ధ్యైరాప్తదక్షిణైః ॥)
మా తే వ్యథాఽస్తు నిహతాన్బంధూన్వీక్ష్య పునఃపునః ।
న శక్యాస్తే పునర్ద్రష్ట్రం యేఽహతాస్మిన్రణాజిరే ॥ 20 ॥
స త్వమిష్ట్వా మహాయజ్ఞైః సమృద్ధైరాప్తదక్షిణైః ।
కీర్తిం లోకే పరాం ప్రాప్య గతిమగ్ర్యాం గమిష్యసి ॥ 21 ॥
ఇతి శ్రీమన్మహాభారతే అశ్వమేధపర్వణి
కృష్ణధర్మరాజసంవాదే త్రయోదశోఽధ్యాయే కామగీతా సమాప్తా ॥ 13 ॥
– Chant Stotra in Other Languages –
Kama Gita in Sanskrit – English – Bengali – Gujarati – Kannada – Malayalam – Odia – Telugu – Tamil