॥ Kamakshi Ashtakam Gujarati Lyrics ॥
॥ કામાક્ષ્યષ્ટકમ્ ॥
શ્રીકાઞ્ચીપુરવાસિનીં ભગવતીં શ્રીચક્રમધ્યે સ્થિતાં
કલ્યાણીં કમનીયચારુમકુટાં કૌસુમ્ભવસ્ત્રાન્વિતામ્ ।
શ્રીવાણીશચિપૂજિતાઙ્ઘ્રિયુગલાં ચારુસ્મિતાં સુપ્રભાં
કામાક્ક્ષીં કરુણામયીં ભગવતીં વન્દે પરાં દેવતામ્ ॥ ૧ ॥
માલામૌક્તિકકન્ધરાં શશિમુખીં શમ્ભુપ્રિયાં સુન્દરીં
શર્વાણીં શરચાપમણ્ડિતકરાં શીતાંશુબિમ્બાનનામ્ ।
વીણાગાનવિનોદકેલિરસિકાં વિદ્યુત્પ્રભાભાસુરાં
કામાક્ષીં કરુણામયીં ભગવતીં વન્દે પરાં દેવતામ્ ॥ ૨ ॥
શ્યામાં ચારુનિતમ્બિનીં ગુરુભુજાં ચન્દ્રાવતંસાં શિવાં
શર્વાલિઙ્ગિતનીલચારુવપુષીં શાન્તાં પ્રવાલાધરામ્ ।
બાલાં બાલતમાલકાન્તિરુચિરાં બાલાર્કબિમ્બોજ્જ્વલાં
કામાક્ષીં કરુણામયીં ભગવતીં વન્દે પરાં દેવતામ્ ॥ ૩ ॥
લીલાકલ્પિતજીવકોટિનિવહાં ચિદ્રૂપિણીં શઙ્કરીં
બ્રહ્માણીં ભવરોગતાપશમનીં ભવ્યાત્મિકાં શાશ્વતીમ્ ।
દેવીં માધવસોદરીં શુભકરીં પઞ્ચાક્ષરીં પાવનીં
કામાક્ષીં કરુણામયીં ભગવતીં વન્દે પરાં દેવતામ્ ॥ ૪ ॥
વામાં વારિજલોચનાં હરિહરબ્રહ્મેન્દ્રસમ્પૂજિતાં
કારુણ્યામૃતવર્ષિણીં ગુણમયીં કાત્યાયનીં ચિન્મયીમ્ ।
દેવીં શુમ્ભનિષૂદિનીં ભગવતીં કામેશ્વરીં દેવતાં
કામાક્ષીં કરુણામયીં ભગવતીં વન્દે પરાં દેવતામ્ ॥ ૫ ॥
કાન્તાં કાઞ્ચનરત્નભૂષિતગલાં સૌભાગ્યમુક્તિપ્રદાં
કૌમારીં ત્રિપુરાન્તકપ્રણયિનીં કાદમ્બિનીં ચણ્ડિકામ્ ।
દેવીં શઙ્કરહૃત્સરોજનિલયાં સર્વાઘહન્ત્રીં શુભાં
કામાક્ષીં કરુણામયીં ભગવતીં વન્દે પરાં દેવતામ્ ॥ ૬ ॥
શાન્તાં ચઞ્ચલચારુનેત્રયુગલાં શૈલેન્દ્રકન્યાં શિવાં
વારાહીં દનુજાન્તકીં ત્રિનયનીં સર્વાત્મિકાં માધવીમ્ ।
સૌમ્યાં સિન્ધુસુતાં સરોજવદનાં વાગ્દેવતામમ્બિકાં
કામાક્ષીં કરુણામયીં ભગવતીં વન્દે પરાં દેવતામ્ ॥ ૭ ॥
ચન્દ્રાર્કાનલલોચનાં ગુરુકુચાં સૌન્દર્યચન્દ્રોદયાં
વિદ્યાં વિન્ધ્યનિવાસિનીં પુરહરપ્રાણપ્રિયાં સુન્દરીમ્ ।
મુગ્ધસ્મેરસમીક્ષણેન સતતં સમ્મોહયન્તીં શિવાં
કામાક્ષીં કરુણામયીં ભગવતીં વન્દે પરાં દેવતામ્ ॥ ૮ ॥
ઇતિ શ્રીકામાક્ષ્યષ્ટકં સમ્પૂર્ણમ્ ।
– Chant Stotra in Other Languages –
Goddess Durga Slokam » Kamakshya Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil