॥ Kamakshi Ashtakam Kannada Lyrics ॥
॥ ಕಾಮಾಕ್ಷ್ಯಷ್ಟಕಮ್ ॥
ಶ್ರೀಕಾಂಚೀಪುರವಾಸಿನೀಂ ಭಗವತೀಂ ಶ್ರೀಚಕ್ರಮಧ್ಯೇ ಸ್ಥಿತಾಂ
ಕಲ್ಯಾಣೀಂ ಕಮನೀಯಚಾರುಮಕುಟಾಂ ಕೌಸುಮ್ಭವಸ್ತ್ರಾನ್ವಿತಾಮ್ ।
ಶ್ರೀವಾಣೀಶಚಿಪೂಜಿತಾಂಘ್ರಿಯುಗಲಾಂ ಚಾರುಸ್ಮಿತಾಂ ಸುಪ್ರಭಾಂ
ಕಾಮಾಕ್ಕ್ಷೀಂ ಕರುಣಾಮಯೀಂ ಭಗವತೀಂ ವನ್ದೇ ಪರಾಂ ದೇವತಾಮ್ ॥ 1 ॥
ಮಾಲಾಮೌಕ್ತಿಕಕನ್ಧರಾಂ ಶಶಿಮುಖೀಂ ಶಮ್ಭುಪ್ರಿಯಾಂ ಸುನ್ದರೀಂ
ಶರ್ವಾಣೀಂ ಶರಚಾಪಮಂಡಿತಕರಾಂ ಶೀತಾಂಶುಬಿಮ್ಬಾನನಾಮ್ ।
ವೀಣಾಗಾನವಿನೋದಕೇಲಿರಸಿಕಾಂ ವಿದ್ಯುತ್ಪ್ರಭಾಭಾಸುರಾಂ
ಕಾಮಾಕ್ಷೀಂ ಕರುಣಾಮಯೀಂ ಭಗವತೀಂ ವನ್ದೇ ಪರಾಂ ದೇವತಾಮ್ ॥ 2 ॥
ಶ್ಯಾಮಾಂ ಚಾರುನಿತಮ್ಬಿನೀಂ ಗುರುಭುಜಾಂ ಚನ್ದ್ರಾವತಂಸಾಂ ಶಿವಾಂ
ಶರ್ವಾಲಿಂಗಿತನೀಲಚಾರುವಪುಷೀಂ ಶಾನ್ತಾಂ ಪ್ರವಾಲಾಧರಾಮ್ ।
ಬಾಲಾಂ ಬಾಲತಮಾಲಕಾನ್ತಿರುಚಿರಾಂ ಬಾಲಾರ್ಕಬಿಮ್ಬೋಜ್ಜ್ವಲಾಂ
ಕಾಮಾಕ್ಷೀಂ ಕರುಣಾಮಯೀಂ ಭಗವತೀಂ ವನ್ದೇ ಪರಾಂ ದೇವತಾಮ್ ॥ 3 ॥
ಲೀಲಾಕಲ್ಪಿತಜೀವಕೋಟಿನಿವಹಾಂ ಚಿದ್ರೂಪಿಣೀಂ ಶಂಕರೀಂ
ಬ್ರಹ್ಮಾಣೀಂ ಭವರೋಗತಾಪಶಮನೀಂ ಭವ್ಯಾತ್ಮಿಕಾಂ ಶಾಶ್ವತೀಮ್ ।
ದೇವೀಂ ಮಾಧವಸೋದರೀಂ ಶುಭಕರೀಂ ಪಂಚಾಕ್ಷರೀಂ ಪಾವನೀಂ
ಕಾಮಾಕ್ಷೀಂ ಕರುಣಾಮಯೀಂ ಭಗವತೀಂ ವನ್ದೇ ಪರಾಂ ದೇವತಾಮ್ ॥ 4 ॥
ವಾಮಾಂ ವಾರಿಜಲೋಚನಾಂ ಹರಿಹರಬ್ರಹ್ಮೇನ್ದ್ರಸಮ್ಪೂಜಿತಾಂ
ಕಾರುಣ್ಯಾಮೃತವರ್ಷಿಣೀಂ ಗುಣಮಯೀಂ ಕಾತ್ಯಾಯನೀಂ ಚಿನ್ಮಯೀಮ್ ।
ದೇವೀಂ ಶುಮ್ಭನಿಷೂದಿನೀಂ ಭಗವತೀಂ ಕಾಮೇಶ್ವರೀಂ ದೇವತಾಂ
ಕಾಮಾಕ್ಷೀಂ ಕರುಣಾಮಯೀಂ ಭಗವತೀಂ ವನ್ದೇ ಪರಾಂ ದೇವತಾಮ್ ॥ 5 ॥
ಕಾನ್ತಾಂ ಕಾಂಚನರತ್ನಭೂಷಿತಗಲಾಂ ಸೌಭಾಗ್ಯಮುಕ್ತಿಪ್ರದಾಂ
ಕೌಮಾರೀಂ ತ್ರಿಪುರಾನ್ತಕಪ್ರಣಯಿನೀಂ ಕಾದಮ್ಬಿನೀಂ ಚಂಡಿಕಾಮ್ ।
ದೇವೀಂ ಶಂಕರಹೃತ್ಸರೋಜನಿಲಯಾಂ ಸರ್ವಾಘಹನ್ತ್ರೀಂ ಶುಭಾಂ
ಕಾಮಾಕ್ಷೀಂ ಕರುಣಾಮಯೀಂ ಭಗವತೀಂ ವನ್ದೇ ಪರಾಂ ದೇವತಾಮ್ ॥ 6 ॥
ಶಾನ್ತಾಂ ಚಂಚಲಚಾರುನೇತ್ರಯುಗಲಾಂ ಶೈಲೇನ್ದ್ರಕನ್ಯಾಂ ಶಿವಾಂ
ವಾರಾಹೀಂ ದನುಜಾನ್ತಕೀಂ ತ್ರಿನಯನೀಂ ಸರ್ವಾತ್ಮಿಕಾಂ ಮಾಧವೀಮ್ ।
ಸೌಮ್ಯಾಂ ಸಿನ್ಧುಸುತಾಂ ಸರೋಜವದನಾಂ ವಾಗ್ದೇವತಾಮಮ್ಬಿಕಾಂ
ಕಾಮಾಕ್ಷೀಂ ಕರುಣಾಮಯೀಂ ಭಗವತೀಂ ವನ್ದೇ ಪರಾಂ ದೇವತಾಮ್ ॥ 7 ॥
ಚನ್ದ್ರಾರ್ಕಾನಲಲೋಚನಾಂ ಗುರುಕುಚಾಂ ಸೌನ್ದರ್ಯಚನ್ದ್ರೋದಯಾಂ
ವಿದ್ಯಾಂ ವಿನ್ಧ್ಯನಿವಾಸಿನೀಂ ಪುರಹರಪ್ರಾಣಪ್ರಿಯಾಂ ಸುನ್ದರೀಮ್ ।
ಮುಗ್ಧಸ್ಮೇರಸಮೀಕ್ಷಣೇನ ಸತತಂ ಸಮ್ಮೋಹಯನ್ತೀಂ ಶಿವಾಂ
ಕಾಮಾಕ್ಷೀಂ ಕರುಣಾಮಯೀಂ ಭಗವತೀಂ ವನ್ದೇ ಪರಾಂ ದೇವತಾಮ್ ॥ 8 ॥
ಇತಿ ಶ್ರೀಕಾಮಾಕ್ಷ್ಯಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Goddess Durga Slokam » Kamakshya Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil