॥ Kashyapa Geetaa Malayalam Lyrics ॥
॥ കാശ്യപഗീതാ ॥
അത്രാപ്യുദാഹരന്തീമാ ഗാഥാ നിത്യം ക്ഷമാവതാം .
ഗീതാഃ ക്ഷമാവതാം കൃഷ്ണേ കാശ്യപേന മഹാത്മനാ ॥ 1॥
ക്ഷമാ ധർമഃ ക്ഷമാ യജ്ഞഃ ക്ഷമാ വേദാഃ ക്ഷമാ ശ്രുതം .
യ ഏതദേവ ജാനാതി സ സർവ ക്ഷന്തുമർഹതി ॥ 2॥
ക്ഷമാ ബ്രഹ്മ ക്ഷമാ സത്യം ക്ഷമാ ഭൂതം ച ഭാവി ച .
ക്ഷമാ തപഃ ക്ഷമാ ശൗചം ക്ഷമയേദം ധൃതം ജഗത് ॥ 3॥
അതിയജ്ഞവിദാംലോകാൻക്ഷമിണഃ പ്രാപ്നുവന്തി ച .
അതിബ്രഹ്മവിദാംലോകാനതിചാപി തപസ്വിനാം ॥ 4॥
അന്യേവൈ യജുഷാം ലോകാഃ കർമിണാമപരേ തഥാ .
ക്ഷമാവതാം ബ്രഹ്മലോകേ ലോകാഃ പരമപൂജിതാഃ ॥ 5॥
ക്ഷമാ തേജസ്വിനാം തേജഃ ക്ഷമാ ബ്രഹ്മ തപസ്വിനാം .
ക്ഷമാ സത്യം സത്യവതാം ക്ഷമാ യജ്ഞഃ ക്ഷമാ ശമഃ ॥ 6॥
താം ക്ഷമാം താദൃശീം കൃഷ്ണേ കഥമസ്മദ്വിധസ്ത്യജേത് .
യസ്യാം ബ്രഹ്മ ച സത്യം ച യജ്ഞാലോകാശ്ചധിഷ്ഠിതാഃ ॥ 7॥
ക്ഷന്തവ്യമേവ സതതം പുരുഷേണ വിജാനതാ .
യദാ ഹി ക്ഷമതേ സർവം ബ്രഹ്മ സമ്പദ്യതേ തദാ ॥ 8॥
ക്ഷമാവതാമയം ലോകഃ പരശ്ചൈവ ക്ഷമാവതാം .
ഇഹ സന്മാനമൃച്ഛതി പരത്ര ച ശുഭാം ഗതിം ॥ 9॥
യേഷാം മന്യുർമനുഷ്യാണാം ക്ഷമയാഽഭിഹതഃ സദാ .
തേഷാം പരതരേ ലോകാസ്തസ്മാത്ക്ഷാന്തിഃ പരാ മതാ ॥ 10॥
ഇതി ഗീതാഃ കാശ്യപേന ഗാഥാ നിത്യം ക്ഷമാവതാം .
ശ്രുത്വാ ഗാഥാഃ ക്ഷമായാസ്ത്വം തുഷ്യ ദ്രൗപദി മാക്രുധഃ ॥ 11॥
പിതാമഹഃ ശാന്തനവഃ ക്ഷമാം സമ്പൂജയിഷ്യതി .
കൃഷ്ണശ്ച ദേവകീപുത്രഃ ക്ഷമാം സമ്പൂജയിഷ്യതി ॥ 12॥
ആചാര്യോ വിദുരഃ ക്ഷത്താ ശമമേവ വദിഷ്യതഃ .
കൃപശ്ച സഞ്ജയശ്ചൈവ ശമമേവ വദിഷ്യതഃ ॥ 13॥
സോമദത്തോ യുയുത്സുശ്ച ദ്രോണപുത്രസ്തഥൈവ ച .
പിതാമഹശ്ച നോ വ്യാസഃ ശമം വദതി നിത്യശഃ ॥ 14॥
സുയോധനോ നാർഹതീതി ക്ഷമാമേവം ന വിന്ദതി .
അർഹസ്തത്രാഹമിത്യേവം തസ്മാന്മാം വിന്ദതേ ക്ഷമാ ॥ 15॥
ഏതദാത്മവതാം വൃത്തമേഷ ധർമഃ സനാതനഃ .
ക്ഷമാചൈവാനൃശംസ്യം ച തത്കർതാസ്മ്യഹമഞ്ജസാ ॥ 16॥
പരൈസ്താഡിതസ്യാപിതത്താഡനസമർഥസ്യ
ചിതേ ക്ഷോഭാനുത്പത്തിഃ ക്ഷമാ ॥ 17॥
॥ ഇതി കാശ്യപഗീതാ സമാപ്താ ॥
– Chant Stotra in Other Languages –
Kashyapa Gita in Sanskrit – English – Bengali – Gujarati – Kannada – Malayalam – Odia – Telugu – Tamil