భద్రాచల రామదాసు కీర్తనలు
॥ O Raghuvira ani ne Lyrics ॥
నాదనామక్రియ – ఏక (ఆనందభైరవి – తిశ్ర ఏక)
పల్లవి:
కోదండరామ కోదండరామ కోదండరామ కోట్యర్కధామ కో
చరణము(లు):
నీదండనాకు నీవెందుబోకు వాదేలనీకు వద్దుపరాకు కో ॥
శ్రీరామ మమ్ము చేపట్టుకొమ్ము ఆదుకొనరమ్ము ఆరోగ్యమిమ్ము కో ॥
జయ రఘువీర జగదేకశూర భయనివార భక్తమందార కో ॥
మణిమయభూష మహలక్ష్మితోష రణవిజయఘోష రమణీయవేష కో ॥
ఏలరావయ్య ఏమంటినయ్య పాలింపవయ్య ప్రౌఢిగనవయ్య కో ॥
తల్లివి నీవే తండ్రివి నీవే తాతవు నీవే దైవము నీవే కో ॥
అద్భుతకుండలామలదండ సద్గుణదండ సమరప్రచండ కో ॥
సరసిజనేత్ర సౌందర్యగాత్ర పరమపవిత్ర భవ్యచరిత్ర కో ॥
ఏ బుద్ధివీడు యెరుగనివాడు పాపడువీడు బడలియున్నాడు కో ॥
పాపను లేపు ప్రజలనుగల్పు యాపదబాపు యటుప్రీతిజూపు కో ॥
నమ్మిన చిన్నవాడితడన్న మమ్ములగన్న మాయన్నవన్న కో ॥
లేరుమీసాటి ఎవరుమీసాటి రారుమీసాటి రాజులమేటి కో ॥
దశరథబాల దాసానుకూల దశముఖకాల ధరణీశపాల కో ॥
మారుతభీమ మాల్యాభిరామ కల్యాణనామ కారుణ్యధామ కో ॥
మంజులభాష మణిమయభూష కుంజరపోష కువలయవేష కో ॥
పుట్టింపనీవె పోషింపనీవే ఫలమియ్యనీవె భాగ్యమునీవె కో ॥
శరణన్నచోట క్షమచేయుపూట బిరుదునీదౌట నెరిగినమాట కో ॥
మురళీలోల మునిజనపాల తులసీవనమాల తుంబురులోల కో ॥
రావయ్యవీని రక్షింతుగాని సేవచేసితిని స్వామి నీవని కో ॥
రావణభంగ రమణీయాంగ పావని తురంగ పాదాబ్జ గంగ కో ॥
మందారహార మన్మథాకార మహితవిచార మౌక్తికహార కో ॥
వందనమయ్య వాదేలనయ్య దండనసేయ తగదుమీకయ్య కో ॥
లాలితహాస లక్ష్మీవిలాస పాలితదాస భద్రాద్రివాస కో ॥
శ్రీవిజయరామ శ్రీతులసిధామ పావననామ భద్రాద్రిరామ కో ॥