॥ Krishnakundashtakam Malayalam Lyrics ॥
കിം തപശ്ചചാര തീര്‍ഥലക്ഷമക്ഷയം പുരാ
സുപ്രസീദതി സ്മ കൃഷ്ണ ഏവ സദരം യതഃ ।
യത്ര വാസമാപ സാധു തത്സമസ്തദുര്ലഭേ
തത്ര കൃഷ്ണകുണ്ഡ ഏവ സംസ്ഥിതിഃ സ്തുതാസ്തു നഃ ॥ 1 ॥
യദ്യരിഷ്ടദാനവോഽപി ദാനദോ മഹാനിധേ-
രസ്മദാദിദുര്‍മതിഭ്യ ഇത്യഹോവസീയതേ ।
യോ മൃതിച്ഛലേന യത്ര മുക്തിമദ്ഭുതാം വ്യധാത്
തത്ര കൃഷ്ണകുണ്ഡ ഏവ സംസ്ഥിതിഃ സ്തുതാസ്തു നഃ ॥ 2 ॥
ഗോവധസ്യ നിഷ്കൃതിസ്ത്രിലോകതീര്‍ഥകോടിഭീ
രാധയേത്യവാദി തേന താ ഹരിഃ സമാഹ്വയന്‍ ।
യത്ര പാര്‍ഷ്ണിഘാടജേ മമജ്ജ ച സ്വയം മുദാ
തത്ര കൃഷ്ണകുണ്ഡ ഏവ സംസ്ഥിതിഃ സ്തുതാസ്തു നഃ ॥ 3 ॥
ക്വാപി പാപനാശ ഏവ കര്‍മബന്ധബന്ധനാ-
ദ്ബ്രഹ്മസൌഖ്യമേവ വിഷ്ണുലോകവാസിതാ ക്വചിത് ।
പ്രേമരത്നമത്യയത്നമേവ യത്ര ലഭ്യതേ
തത്ര കൃഷ്ണകുണ്ഡ ഏവ സംസ്ഥിതിഃ സ്തുതാസ്തു നഃ ॥ 4 ॥
ഫുല്ലമാധവീരസാലനീപകുഞ്ജമണ്ഡലേ
ഭൃങ്ഗകോകകോകിലാദികാകലീ യദഞ്ചതി ।
ആഷ്ടയാമികാവിതര്‍കകോടിഭേദസൌരഭം
തത്ര കൃഷ്ണകുണ്ഡ ഏവ സംസ്ഥിതിഃ സ്തുതാസ്തു നഃ ॥ 5 ॥
ദോലകേലിചിത്രരാസനൃത്യഗീതവാദനൈ-
ര്‍നിഹ്നവപ്രസൂനയുദ്ധസീധുപാനകൌതുകൈഃ ।
യത്ര ഖേലതഃ കോശോരശേഖരൌ സഹാലിഭി-
സ്തത്ര കൃഷ്ണകുണ്ഡ ഏവ സംസ്ഥിതിഃ സ്തുതാസ്തു നഃ ॥ 6 ॥
ദിവ്യരത്നനിര്‍മിതാവതാരസാരസൌഷ്ടവൈ-
ശ്ഛത്രികാ വിരാജി ചാരു കുട്ടിമപ്രഭാഭരൈഃ ।
സര്‍വലോകലോചനാതിധന്യതാ യതോ ഭവേത്
തത്ര കൃഷ്ണകുണ്ഡ ഏവ സംസ്ഥിതിഃ സ്തുതാസ്തു നഃ ॥ 7 ॥
മാഥുരം വികുണ്ഠതോഽപി ജന്‍മധാമദുര്ലഭം
വാസ്കാനനന്തതോഽപി പാണിനാ ധൃതോ ഗിരിഃ ।
ശ്രീഹരേസ്തതോഽപി യത്പരം സരോഽതിപാവനം
തത്ര കൃഷ്ണകുണ്ഡ ഏവ സംസ്ഥിതിഃ സ്തുതാസ്തു നഃ ॥ 8 ॥
കൃഷ്ണകുണ്ഡതീരവാസസാധകം പഠേദിദം
യോഽഷ്ടകം ധിയം നിമജ്യ കേലകുഞ്ജരാജിതോഃ ।
രാധികാഗിരീന്ദ്രധാരിണോഃ പദാംബുജേഷു സ
പ്രേമദാസ്യമേവ ശീഘ്രമാപ്നുയാദനാമയം ॥ 9 ॥
ഇതി മഹാമഹോപാധ്യായശ്രീവിശ്വനാഥചക്രവര്‍തിവിരചിതം
ശ്രീകൃഷ്ണകുണ്ഡാഷ്ടകം സമാപ്തം ।
– Chant Stotra in Other Languages –
Krishnakundashtakam Lyrics in Sanskrit » English » Bengali » Gujarati » Kannada » Odia » Telugu » Tamil