॥ Kunjabihari Ashtakam 2 Gujarati Lyrics ॥
દ્વિતીયં શ્રીકુઞ્જવિહાર્યષ્ટકં
નમઃ કુઞ્જવિહારિણે ।
અવિરતરતિબન્ધુસ્મેરતાબન્ધુરશ્રીઃ
કબલિત ઇવ રાધાપાઙ્ગભઙ્ગીતરઙ્ગૈઃ ।
મુદિતવદનચન્દ્રશ્ચન્દ્રિકાપીતધારી
મુદિરમધુરકાન્તિર્ભાતિ કુઞ્જે વિહારી ॥ ૧ ॥
તતસુષિરઘનાનાં નાદમાનદ્ધભાજાં
જનયતિ તરુણીનાં મણ્ડલે મણ્ડિતાનામ્ ।
તટભુવિ નટરાજક્રીડયા ભાનુપુત્ર્યાઃ
વિદધદતુલચારિર્ભાતિ કુઞ્જે વિહારી ॥ ૨ ॥
શિખિનિગલિતષડ્જેકોકિલે પઞ્ચમાઢ્યે
સ્વયમપિ નવવંશ્યોદ્દામયન્ ગ્રામમુખ્યમ્ ।
ધૃતમૃગમદગન્ધઃ સુષ્ઠુગાન્ધારસંજ્ઞં
ત્રિભુવનધૃતિહારિર્ભાતિ કુઞ્જે વિહારી ॥ ૩ ॥
અનુપમકરશાખોપાત્તરાધાઙ્ગુલીકો
લઘુ લઘુ કુસુમાનાં પર્યટન્ વાટિકાયામ્ ।
સરભસમનુગીતશ્ચિત્રકણ્ઠીભિરુચ્ચૈઃ
વ્રજનવયુવતીભિર્ભાતિ કુઞ્જે વિહારી ॥ ૪ ॥
અહિરિપુકૃતલાસ્યે કીચકારબ્ધવાદ્યે
વ્રજગિરિતટરઙ્ગે ભૃઙ્ગસઙ્ગીતભાજિ ।
વિરચિતપરિચર્યશ્ચિત્રતૌર્યત્રિકોણ-
સ્તિમિતકરણવૃત્તિર્ભાતિ કુઞ્જે વિહારી ॥ ૫ ॥
દિશિ દિશિ શુકશારીમણ્ડલૈર્ગૂઢલીલાઃ
પ્રકટમનુપઠદ્ભિર્નિર્મિતાશ્ચર્યપૂરઃ ।
તદતિરહસિ વૃત્તં પ્રેયસીકર્ણમૂલે
સ્મિતમુખમભિજલ્પન્ ભાતિ કુઞ્જે વિહારી ॥ ૬ ॥
તવ ચિકુરકદમ્બં સ્તમ્ભતે પ્રેક્ષ્ય કેકી
નયનકમલલક્ષ્મીર્વન્દતે કૃષ્ણસારઃ ।
અલિરલમલકાન્તં નૌતિ પશ્યેતિ રાધાં
સુમધુરમભિશંસન્ ભાતિ કુઞ્જે વિહારી ॥ ૭ ॥
મદનતરલબાલા ચક્રવાલેન વિષ્વગ્-
વિવિધવરકલાનાં શિક્ષયા સેવ્યમાનઃ ।
સ્ખલિતચિકુરવેશે સ્કન્ધદેશે પ્રિયાયાઃ
પ્રથિતપૃથુલબાહુર્ભાતિ કુઞ્જે વિહારી ॥ ૮ ॥
ઇદમનુપમલીલાહારિ કુઞ્જવિહારી
સ્મરણપદમધીતે તુષ્ટધીરષ્ટકં યઃ ।
નિજગુણવૃતયા શ્રીરાધયારાધિઽઽરાધિતસ્તં
નયતિ નિજપદાબ્જં કુઞ્જસદ્માધિરાજઃ ॥ ૯ ॥
ઇતિ શ્રીરૂપગોસ્વામિવિરચિતસ્તવમાલાયાં શ્રીકુઞ્જવિહાર્યષ્ટકં
દ્વિતીયં સમ્પૂર્ણમ્ ॥
– Chant Stotra in Other Languages –
Kunjabihari Ashtakam 2 Lyrics in Sanskrit » English » Bengali » Kannada » Malayalam » Odia » Telugu » Tamil