॥ Kunjabihari Ashtakam 2 Kannada Lyrics ॥
ದ್ವಿತೀಯಂ ಶ್ರೀಕುಂಜವಿಹಾರ್ಯಷ್ಟಕಂ
ನಮಃ ಕುಂಜವಿಹಾರಿಣೇ ।
ಅವಿರತರತಿಬನ್ಧುಸ್ಮೇರತಾಬನ್ಧುರಶ್ರೀಃ
ಕಬಲಿತ ಇವ ರಾಧಾಪಾಂಗಭಂಗೀತರಂಗೈಃ ।
ಮುದಿತವದನಚನ್ದ್ರಶ್ಚನ್ದ್ರಿಕಾಪೀತಧಾರೀ
ಮುದಿರಮಧುರಕಾನ್ತಿರ್ಭಾತಿ ಕುಂಜೇ ವಿಹಾರೀ ॥ 1 ॥
ತತಸುಷಿರಘನಾನಾಂ ನಾದಮಾನದ್ಧಭಾಜಾಂ
ಜನಯತಿ ತರುಣೀನಾಂ ಮಂಡಲೇ ಮಂಡಿತಾನಾಮ್ ।
ತಟಭುವಿ ನಟರಾಜಕ್ರೀಡಯಾ ಭಾನುಪುತ್ರ್ಯಾಃ
ವಿದಧದತುಲಚಾರಿರ್ಭಾತಿ ಕುಂಜೇ ವಿಹಾರೀ ॥ 2 ॥
ಶಿಖಿನಿಗಲಿತಷಡ್ಜೇಕೋಕಿಲೇ ಪಂಚಮಾಢ್ಯೇ
ಸ್ವಯಮಪಿ ನವವಂಶ್ಯೋದ್ದಾಮಯನ್ ಗ್ರಾಮಮುಖ್ಯಮ್ ।
ಧೃತಮೃಗಮದಗನ್ಧಃ ಸುಷ್ಠುಗಾನ್ಧಾರಸಂಜ್ಞಂ
ತ್ರಿಭುವನಧೃತಿಹಾರಿರ್ಭಾತಿ ಕುಂಜೇ ವಿಹಾರೀ ॥ 3 ॥
ಅನುಪಮಕರಶಾಖೋಪಾತ್ತರಾಧಾಂಗುಲೀಕೋ
ಲಘು ಲಘು ಕುಸುಮಾನಾಂ ಪರ್ಯಟನ್ ವಾಟಿಕಾಯಾಮ್ ।
ಸರಭಸಮನುಗೀತಶ್ಚಿತ್ರಕಂಠೀಭಿರುಚ್ಚೈಃ
ವ್ರಜನವಯುವತೀಭಿರ್ಭಾತಿ ಕುಂಜೇ ವಿಹಾರೀ ॥ 4 ॥
ಅಹಿರಿಪುಕೃತಲಾಸ್ಯೇ ಕೀಚಕಾರಬ್ಧವಾದ್ಯೇ
ವ್ರಜಗಿರಿತಟರಂಗೇ ಭೃಂಗಸಂಗೀತಭಾಜಿ ।
ವಿರಚಿತಪರಿಚರ್ಯಶ್ಚಿತ್ರತೌರ್ಯತ್ರಿಕೋಣ-
ಸ್ತಿಮಿತಕರಣವೃತ್ತಿರ್ಭಾತಿ ಕುಂಜೇ ವಿಹಾರೀ ॥ 5 ॥
ದಿಶಿ ದಿಶಿ ಶುಕಶಾರೀಮಂಡಲೈರ್ಗೂಢಲೀಲಾಃ
ಪ್ರಕಟಮನುಪಠದ್ಭಿರ್ನಿರ್ಮಿತಾಶ್ಚರ್ಯಪೂರಃ ।
ತದತಿರಹಸಿ ವೃತ್ತಂ ಪ್ರೇಯಸೀಕರ್ಣಮೂಲೇ
ಸ್ಮಿತಮುಖಮಭಿಜಲ್ಪನ್ ಭಾತಿ ಕುಂಜೇ ವಿಹಾರೀ ॥ 6 ॥
ತವ ಚಿಕುರಕದಮ್ಬಂ ಸ್ತಮ್ಭತೇ ಪ್ರೇಕ್ಷ್ಯ ಕೇಕೀ
ನಯನಕಮಲಲಕ್ಷ್ಮೀರ್ವನ್ದತೇ ಕೃಷ್ಣಸಾರಃ ।
ಅಲಿರಲಮಲಕಾನ್ತಂ ನೌತಿ ಪಶ್ಯೇತಿ ರಾಧಾಂ
ಸುಮಧುರಮಭಿಶಂಸನ್ ಭಾತಿ ಕುಂಜೇ ವಿಹಾರೀ ॥ 7 ॥
ಮದನತರಲಬಾಲಾ ಚಕ್ರವಾಲೇನ ವಿಷ್ವಗ್-
ವಿವಿಧವರಕಲಾನಾಂ ಶಿಕ್ಷಯಾ ಸೇವ್ಯಮಾನಃ ।
ಸ್ಖಲಿತಚಿಕುರವೇಶೇ ಸ್ಕನ್ಧದೇಶೇ ಪ್ರಿಯಾಯಾಃ
ಪ್ರಥಿತಪೃಥುಲಬಾಹುರ್ಭಾತಿ ಕುಂಜೇ ವಿಹಾರೀ ॥ 8 ॥
ಇದಮನುಪಮಲೀಲಾಹಾರಿ ಕುಂಜವಿಹಾರೀ
ಸ್ಮರಣಪದಮಧೀತೇ ತುಷ್ಟಧೀರಷ್ಟಕಂ ಯಃ ।
ನಿಜಗುಣವೃತಯಾ ಶ್ರೀರಾಧಯಾರಾಧಿಽಽರಾಧಿತಸ್ತಂ
ನಯತಿ ನಿಜಪದಾಬ್ಜಂ ಕುಂಜಸದ್ಮಾಧಿರಾಜಃ ॥ 9 ॥
ಇತಿ ಶ್ರೀರೂಪಗೋಸ್ವಾಮಿವಿರಚಿತಸ್ತವಮಾಲಾಯಾಂ ಶ್ರೀಕುಂಜವಿಹಾರ್ಯಷ್ಟಕಂ
ದ್ವಿತೀಯಂ ಸಮ್ಪೂರ್ಣಮ್ ॥
– Chant Stotra in Other Languages –
Kunjabihari Ashtakam 2 Lyrics in Sanskrit » English » Bengali » Gujarati » Malayalam » Odia » Telugu » Tamil