॥ Shiva Ashtakam 1 Odia Lyrics ॥
॥ ଶ୍ରୀଶିଵାଷ୍ଟକଂ ୧ ॥
॥ ଅଥ ଶ୍ରୀ ଶିଵାଷ୍ଟକଂ ॥
ପ୍ରଭୁଂ ପ୍ରାଣନାଥଂ ଵିଭୁଂ ଵିଶ୍ଵନାଥଂ ଜଗନ୍ନାଥନାଥଂ ସଦାନନ୍ଦଭାଜମ୍ ।
ଭଵଦ୍ଭଵ୍ୟଭୂତେଶ୍ଵରଂ ଭୂତନାଥଂ ଶିଵଂ ଶଙ୍କରଂ ଶମ୍ଭୁମୀଶାନମୀଡେ ॥ ୧ ॥
ଗଲେ ରୁଣ୍ଡମାଲଂ ତନୌ ସର୍ପଜାଲଂ ମହାକାଲକାଲଂ ଗଣେଶାଧିପାଲମ୍ ।
ଜଟାଜୂଟଗଙ୍ଗୋତ୍ତରଙ୍ଗୈର୍ଵିଶାଲଂ ଶିଵଂ ଶଙ୍କରଂ ଶମ୍ଭୁମୀଶାନମୀଡେ ॥ ୨ ॥
ମୁଦାମାକରଂ ମଣ୍ଡନଂ ମଣ୍ଡୟନ୍ତଂ ମହାମଣ୍ଡଲଂ ଭସ୍ମଭୂଷାଧରଂ ତମ୍ ।
ଅନାଦିହ୍ୟପାରଂ ମହାମୋହହାରଂ ଶିଵଂ ଶଙ୍କରଂ ଶମ୍ଭୁମୀଶାନମୀଡେ ॥ ୩ ॥
ଵଟାଧୋନିଵାସଂ ମହାଟ୍ଟାଟ୍ଟହାସଂ ମହାପାପନାଶଂ ସଦାସୁପ୍ରକାଶମ୍ ।
ଗିରୀଶଂ ଗଣେଶଂ ମହେଶଂ ସୁରେଶଂ ଶିଵଂ ଶଙ୍କରଂ ଶମ୍ଭୁମୀଶାନମୀଡେ ॥ ୪ ॥
ଗିରିନ୍ଦ୍ରାତ୍ମଜାସଂଗ୍ରହୀତାର୍ଧଦେହଂ ଗିରୌ ସଂସ୍ଥିତଂ ସର୍ଵଦା ସନ୍ନଗେହମ୍ ।
ପରବ୍ରହ୍ମବ୍ରହ୍ମାଦିଭିର୍ଵନ୍ଧ୍ୟମାନଂ ଶିଵଂ ଶଙ୍କରଂ ଶମ୍ଭୁମୀଶାନମୀଡେ ॥ ୫ ॥
କପାଲଂ ତ୍ରିଶୂଲଂ କରାଭ୍ୟାଂ ଦଧାନଂ ପଦାମ୍ଭୋଜନମ୍ରାୟ କାମଂ ଦଦାନମ୍ ।
ବଲୀଵର୍ଦୟାନଂ ସୁରାଣାଂ ପ୍ରଧାନଂ ଶିଵଂ ଶଙ୍କରଂ ଶମ୍ଭୁମୀଶାନମୀଡେ ॥ ୬ ॥
ଶରଚ୍ଚନ୍ଦ୍ରଗାତ୍ରଂ ଗୁଣାନନ୍ଦ ପାତ୍ରଂ ତ୍ରିନେତ୍ରଂ ପଵିତ୍ରଂ ଧନେଶସ୍ୟ ମିତ୍ରମ୍ ।
ଅପର୍ଣାକଲତ୍ରଂ ଚରିତ୍ରଂ ଵିଚିତ୍ରଂ ଶିଵଂ ଶଙ୍କରଂ ଶମ୍ଭୁମୀଶାନମୀଡେ ॥ ୭ ॥
ହରଂ ସର୍ପହାରଂ ଚିତା ଭୂଵିହାରଂ ଭଵଂ ଵେଦସାରଂ ସଦା ନିର୍ଵିକାରମ୍ ।
ଶ୍ମଶାନେ ଵସନ୍ତଂ ମନୋଜଂ ଦହନ୍ତଂ ଶିଵଂ ଶଙ୍କରଂ ଶମ୍ଭୁମୀଶାନମୀଡେ ॥ ୮ ॥
ସ୍ତଵଂ ୟଃ ପ୍ରଭାତେ ନରଃ ଶୂଲପାଣେ ପଠେତ୍ ସର୍ଵଦା ଭର୍ଗଭାଵାନୁରକ୍ତଃ ।
ସ ପୁତ୍ରଂ ଧନଂ ଧାନ୍ୟମିତ୍ରଂ କଲତ୍ରଂ ଵିଚିତ୍ରଂ ସମାସାଦ୍ୟ ମୋକ୍ଷଂ ପ୍ରୟାତି ॥ ୯ ॥
॥ ଇତି ଶିଵାଷ୍ଟକମ୍ ॥
– Chant Stotra in Other Languages –
Lord Siva Slokam » Lord Shiva Ashtakam 1 Lyrics in Sanskrit » English » Bengali » Gujarati » Kannada » Malayalam » Telugu » Tamil