॥ Lord Shiva Ashtakam 2 Telugu Lyrics ॥
॥ శ్రీశివాష్టకమ్ ౨ ॥
శ్రీగణేశాయ నమః ।
ప్రభుమీశమనీశమశేషగుణం గుణహీనమహీశ-గలాభరణమ్ ।
రణ-నిర్జిత-దుర్జ్జయదైత్యపురం ప్రణమామిశివం శివకల్పతరుమ్ ॥ ౧ ॥
గిరిరాజ సుతాన్విత-వామ తనుం తను-నిన్దిత-రాజిత-కోటీవిధుమ్ ।
విధి-విష్ణు-శివస్తుత-పాదయుగం ప్రణమామిశివం శివకల్పతరుమ్ ॥ ౨ ॥
శశిలాఞ్ఛిత-రఞ్జిత-సన్ముకుటం కటిలమ్బిత-సున్దర-కృత్తిపటమ్ ।
సురశైవలినీ-కృత-పూతజటం ప్రణమామిశివం శివకల్పతరుమ్ ॥ ౩ ॥
నయనత్రయ-భూషిత-చారుముఖం ముఖపద్మ-పరాజిత-కోటివిధుమ్ ।
విధు-ఖణ్డ-విమణ్డిత-భాలతటం ప్రణమామిశివం శివకల్పతరుమ్ ॥ ౪ ॥
వృషరాజ-నికేతనమాదిగురుం గరలాశనమాజి విషాణధరమ్ ।
ప్రమథాధిప-సేవక-రఞ్జనకం ప్రణమామిశివం శివకల్పతరుమ్ ॥ ౫ ॥
మకరధ్వజ-మత్తమతఙ్గహరం కరిచర్మ్మగనాగ-విబోధకరమ్ ।
వరదాభయ-శూలవిషాణ-ధరం ప్రణమామిశివం శివకల్పతరుమ్ ॥ ౬ ॥
జగదుద్భవ-పాలన-నాశకరం కృపయైవ పునస్త్రయ రూపధరమ్ ।
ప్రియ మానవ-సాధుజనైకగతిం ప్రణమామిశివం శివకల్పతరుమ్ ॥ ౭ ॥
న దత్తన్తు పుష్పం సదా పాప చిత్తైః పునర్జన్మ దుఃఖాత్ పరిత్రాహి శమ్భో ।
భజతోఽఖిల దుఃఖ సమూహ హరం ప్రణమామిశివం శివకల్పతరుమ్ ॥ ౮ ॥
॥ ఇతి శివాష్టకం సమ్పూర్ణమ్ ॥
– Chant Stotra in Other Languages –
Sri Shiva Slokam » Lord Shiva Ashtakam 2 Lyrics in Sanskrit » English » Bengali » Gujarati » Kannada » Malayalam » Odia » Tamil