॥ Shiva Ashtakam 6 Bengali Lyrics ॥
॥ শিবাষ্টকম্ ৬ ॥
নমো নমস্তে ত্রিদশেশ্বরায়
ভূতাদিনাথায় মৃডায় নিত্যম্ ।
গঙ্গাতরঙ্গোত্থিতবালচন্দ্র-
চূডায় গৌরীনয়নোত্সবায় ॥ ১ ॥
সুতপ্তচামীকরচন্দ্রনীল-
পদ্মপ্রবালাম্বুদকান্তিবস্ত্রৈঃ ।
সুনৃত্যরঙ্গেষ্টবরপ্রদায়
কৈবল্যনাথায় বৃষধ্বজায় ॥ ২ ॥
সুধাংশুসূর্যাগ্নিবিলোচনেন
তমোভিদে তে জগতঃ শিবায় ।
সহস্রশুভ্রাংশুসহস্ররশ্মি-
সহস্রসঞ্জিত্ত্বরতেজসেঽস্তু ॥ ৩ ॥
নাগেশরত্নোজ্জ্বলবিগ্রহায়
শার্দূলচর্মাংশুকদিব্যতেজসে ।
সহস্রপত্রোপরি সংস্থিতায়
বরাঙ্গদামুক্তভুজদ্বয়ায় ॥ ৪ ॥
সুনূপুরারঞ্জিতপাদপদ্ম-
ক্ষরত্সুধাভৃত্যসুখপ্রদায় ।
বিচিত্ররত্নৌঘবিভূষিতায়
প্রেমানমেবাদ্য হরৌ বিধেহি ॥ ৫ ॥
শ্রীরাম গোবিন্দ মুকুন্দ শৌরে
শ্রীকৃষ্ণ নারায়ণ বাসুদেব ।
ইত্যাদিনামামৃতপানমত্ত-
ভৃঙ্গাধিপায়াখিলদুঃখহন্ত্রে ॥ ৬ ॥
শ্রীনারদাদ্যৈঃ সততং সুগোপ্য-
জিজ্ঞাসিতায়াশু বরপ্রদায় ।
তেভ্যো হরের্ভক্তিসুখপ্রদায়
শিবায় সর্বগুরবে নমো নমঃ ॥ ৭ ॥
শ্রীগৌরীনেত্রোত্সবমঙ্গলায়
তত্প্রাণনাথায় রসপ্রদায় ।
সদা সমুত্কণ্ঠগোবিন্দলীলা-
গানপ্রবীণায় নমোঽস্তু তুভ্যম্ ॥ ৮ ॥
এতত্ শিবস্যাষ্টকমদ্ভুতং মহত্
শৃণ্বন্ হরিপ্রেম লভেত শীঘ্রম্ ।
জ্ঞানঞ্চ বিজ্ঞানমপূর্ববৈভবং
য়ো ভাবপূর্ণঃ পরমং সমাদরম্ ॥ ৯ ॥
ইতি শিবাষ্টকং সম্পূর্ণম্ ।
– Chant Stotra in Other Languages –
Lord Siva Stotram » Lord Shiva Ashtakam 6 Lyrics in Sanskrit » English » Gujarati » Kannada » Malayalam » Odia » Telugu » Tamil