॥ Shiva Ashtakam 6 Odia Lyrics ॥
॥ ଶିଵାଷ୍ଟକମ୍ ୬ ॥
ନମୋ ନମସ୍ତେ ତ୍ରିଦଶେଶ୍ଵରାୟ
ଭୂତାଦିନାଥାୟ ମୃଡାୟ ନିତ୍ୟମ୍ ।
ଗଙ୍ଗାତରଙ୍ଗୋତ୍ଥିତବାଲଚନ୍ଦ୍ର-
ଚୂଡାୟ ଗୌରୀନୟନୋତ୍ସଵାୟ ॥ ୧ ॥
ସୁତପ୍ତଚାମୀକରଚନ୍ଦ୍ରନୀଲ-
ପଦ୍ମପ୍ରଵାଲାମ୍ବୁଦକାନ୍ତିଵସ୍ତ୍ରୈଃ ।
ସୁନୃତ୍ୟରଙ୍ଗେଷ୍ଟଵରପ୍ରଦାୟ
କୈଵଲ୍ୟନାଥାୟ ଵୃଷଧ୍ଵଜାୟ ॥ ୨ ॥
ସୁଧାଂଶୁସୂର୍ୟାଗ୍ନିଵିଲୋଚନେନ
ତମୋଭିଦେ ତେ ଜଗତଃ ଶିଵାୟ ।
ସହସ୍ରଶୁଭ୍ରାଂଶୁସହସ୍ରରଶ୍ମି-
ସହସ୍ରସଞ୍ଜିତ୍ତ୍ଵରତେଜସେଽସ୍ତୁ ॥ ୩ ॥
ନାଗେଶରତ୍ନୋଜ୍ଜ୍ଵଲଵିଗ୍ରହାୟ
ଶାର୍ଦୂଲଚର୍ମାଂଶୁକଦିଵ୍ୟତେଜସେ ।
ସହସ୍ରପତ୍ରୋପରି ସଂସ୍ଥିତାୟ
ଵରାଙ୍ଗଦାମୁକ୍ତଭୁଜଦ୍ଵୟାୟ ॥ ୪ ॥
ସୁନୂପୁରାରଞ୍ଜିତପାଦପଦ୍ମ-
କ୍ଷରତ୍ସୁଧାଭୃତ୍ୟସୁଖପ୍ରଦାୟ ।
ଵିଚିତ୍ରରତ୍ନୌଘଵିଭୂଷିତାୟ
ପ୍ରେମାନମେଵାଦ୍ୟ ହରୌ ଵିଧେହି ॥ ୫ ॥
ଶ୍ରୀରାମ ଗୋଵିନ୍ଦ ମୁକୁନ୍ଦ ଶୌରେ
ଶ୍ରୀକୃଷ୍ଣ ନାରାୟଣ ଵାସୁଦେଵ ।
ଇତ୍ୟାଦିନାମାମୃତପାନମତ୍ତ-
ଭୃଙ୍ଗାଧିପାୟାଖିଲଦୁଃଖହନ୍ତ୍ରେ ॥ ୬ ॥
ଶ୍ରୀନାରଦାଦ୍ୟୈଃ ସତତଂ ସୁଗୋପ୍ୟ-
ଜିଜ୍ଞାସିତାୟାଶୁ ଵରପ୍ରଦାୟ ।
ତେଭ୍ୟୋ ହରେର୍ଭକ୍ତିସୁଖପ୍ରଦାୟ
ଶିଵାୟ ସର୍ଵଗୁରଵେ ନମୋ ନମଃ ॥ ୭ ॥
ଶ୍ରୀଗୌରୀନେତ୍ରୋତ୍ସଵମଙ୍ଗଲାୟ
ତତ୍ପ୍ରାଣନାଥାୟ ରସପ୍ରଦାୟ ।
ସଦା ସମୁତ୍କଣ୍ଠଗୋଵିନ୍ଦଲୀଲା-
ଗାନପ୍ରଵୀଣାୟ ନମୋଽସ୍ତୁ ତୁଭ୍ୟମ୍ ॥ ୮ ॥
ଏତତ୍ ଶିଵସ୍ୟାଷ୍ଟକମଦ୍ଭୁତଂ ମହତ୍
ଶୃଣ୍ଵନ୍ ହରିପ୍ରେମ ଲଭେତ ଶୀଘ୍ରମ୍ ।
ଜ୍ଞାନଞ୍ଚ ଵିଜ୍ଞାନମପୂର୍ଵଵୈଭଵଂ
ୟୋ ଭାଵପୂର୍ଣଃ ପରମଂ ସମାଦରମ୍ ॥ ୯ ॥
ଇତି ଶିଵାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Lord Siva Stotram » Lord Shiva Ashtakam 6 Lyrics in Sanskrit » English » Bengali » Gujarati » Kannada » Malayalam » Telugu » Tamil