॥ Mangala Ashtakam Gujarati Lyrics ॥
॥ મઙ્ગલાષ્ટકમ્ ॥
બ્રહ્માવિષ્ણુર્ગિરીશઃ સુરપતિરનલઃ પ્રેતરાડ્યાતુનાથ-
સ્તોયાધીશશ્ચ વાયુર્ધનદગુહગણેશાર્કચન્દ્રાશ્ચ રુદ્રાઃ ।
વિશ્વાદિત્યાશ્વિસધ્યા વસુપિતૃમરુતસ્સિદ્ધવિદ્યાશ્ચ યક્ષા
ગન્ધર્વાઃ કિન્નરાદ્યાખિલગગનચરા મઙ્ગલં મે દિશન્તુ ॥ ૧ ॥
વાણી લક્ષ્મી ધરિત્રી હિમગિરિતનયા ચણ્ડિકા ભદ્રકાલી
બ્રહ્માદ્યા માતૃસઙ્ઘા અદિતિદિતિસતીત્યાદયો દક્ષપુત્ર્યઃ ।
સાવિત્રી જહ્નુકન્યા દિનકરતનયારુન્ધતી દેવપત્ન્યઃ
પૌલોમાદ્યાસ્તથાન્યાઃ ખચરયુવતયો મઙ્ગલં મે દિશન્તુ ॥ ૨ ॥
મત્સ્યઃ કૂર્મો વરાહો નૃહરિરથ વટુર્ભાર્ગવો રામચન્દ્ર-
સ્સીરી કૃષ્ણશ્ચ ખડ્ગી સકપિલનરનારાયણાત્રેયવૈદ્યાઃ ।
અન્યે નાનાવતારાઃ નરકવિજયિનશ્ચક્રમુખ્યાયુધાનિ
તત્પત્ન્યસ્તત્સુતાશ્ચાપ્યખિલહરિકુલા મઙ્ગલં મે દિશન્તુ ॥ ૩ ॥
વિશ્વામિત્રો વસિષ્ઠઃ કલશભવ ઉતથ્યોઽઙ્ગિરાઃ કાશ્યપશ્ચ
વ્યાસઃ કણ્વો મરીચી ક્રતુભૃગુપુલહા શૌનકોઽત્રિઃ પુલસ્ત્યઃ ।
અન્યે સર્વે મુનીન્દ્રાઃ કુજબુધગુરુશુક્રાર્કજાદ્યા ગ્રહા યે
નક્ષત્રાણિ પ્રજેશાઃ ફણિગણમનવો મઙ્ગલં મે દિશન્તુ ॥ ૪ ॥
તાર્ક્ષ્યોઽનન્તો હનૂમાન્ બલિરપિ સનકાદ્યાઃ શુકો નારદશ્ચ
પ્રહ્લાદઃ પાણ્ડુપુત્રા નૃગનલનહુષાઃ વિષ્ણુરાતોઽમ્બરીષઃ ।
ભીષ્માક્રૂરોદ્ધવોશીનરભરતહરિશ્ચન્દ્રરુક્માઙ્ગદાદ્યાઃ
અન્યે સર્વે નરેન્દ્રા રવિશશિકુલજા મઙ્ગલં મે દિશન્તુ ॥ ૫ ॥
આકૂત્યાદ્યાશ્ચ તિસ્રઃ સકલમુનિકલત્રાણિ દારા મનૂનાં
તારા કુન્તી ચ પાઞ્ચાલ્યથ નલદયિતા રુક્મિણી સત્યભામા ।
દેવક્યાદ્યાશ્ચ સર્વા યદુકુલવનિતા રાજભાર્યાસ્તથાન્યાઃ
ગોપ્યશ્ચારિત્રયુક્તાઃ સકલયુવતયો મઙ્ગલં મે દિશન્તુ ॥ ૬ ॥
વિપ્રા ગાવશ્ચ વેદાઃ સ્મૃતિરપિ તુલસી સર્વતીર્થાનિ વિદ્યાઃ
નાનાશાસ્ત્રેતિહાસા અપિ સકલપુરાણાનિ વર્ણાશ્રમાશ્ચ ।
સાઙ્ખ્યં જ્ઞાનં ચ યોગાવપિ યમનિયમૌ સર્વકર્માણિ કાલાઃ
સર્વે ધર્માશ્ચ સત્યાદ્યવયવસહિતા મઙ્ગલં મે દિશન્તુ ॥ ૭ ॥
લોકા દ્વીપાઃ સમુદ્રાઃ ક્ષિતિધરપતયો મેરુકૈલાસમુખ્યાઃ
કાવેરીનર્મદાદ્યાઃ શુભજલસરિતઃ સ્વર્દ્રુમા દિગ્ગજેન્દ્રાઃ ।
મેઘા જ્યોતીંષિનાનાનરમૃગપક્ષ્યાદયઃ પ્રાણિનોઽન્યે
સર્વૌષધ્યશ્ચ વૃક્ષાઃ સકલતૃણલતા મઙ્ગલં મે દિશન્તુ ॥ ૮ ॥
ભક્ત્યા સંયુક્તચિત્તાઃ પ્રતિદિવસમિમાન્ મઙગલસ્તોત્રમુખ્યાન્
અષ્ટૌ શ્લોકાન્ પ્રભાતે દિવસપરિણતૌ યે ચ મર્ત્યાઃ પઠન્તિ ।
તે નિત્યં પૂર્ણકામા ઇહ ભુવિ સુખિનશ્ચાર્થવન્તોઽપિ ભૂત્વા
નિર્મુક્તા સર્વપાપૈર્વયસિ ચ ચરમે વિષ્ણુલોકં પ્રયાન્તિ ॥ ૯ ॥
ઇતિ મઙ્ગલાષ્ટકસ્તોત્રં સમાપ્તમ્ ॥
– Chant Stotra in Other Languages –
Mangala Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil