॥ ಮಾತೃಪಂಚಕಮ್ Kannada Lyrics ॥
ಸಚ್ಚಿದಾನನ್ದತೀರ್ಥವಿರಚಿತಮ್
ಮಾತಃ ಸೋಽಹಮುಪಸ್ತಿತೋಽಸ್ಮಿ ಪುರತಃ ಪೂರ್ವಪ್ರತಿಜ್ಞಾಂ ಸ್ಮರನ್
ಪ್ರತ್ಯಶ್ರಾವಿ ಪುರಾಹಿ ತೇಽನ್ತ್ಯ ಸಮಯೇ ಪ್ರಾಪ್ತುಂ ಸಮೀಪಂ ತವ ।
ಗ್ರಾಹಗ್ರಾಸಮಿಷಾದ್ಯಯಾ ಹ್ಯನುಮತಸ್ತುರ್ಯಾಶ್ರಮಂ ಪ್ರಾಪ್ತುವಾನ್
ಯತ್ಪ್ರೀತ್ಯೈ ಚ ಸಮಾಗತೋಽಹಮಧುನಾ ತಸ್ಯೈ ಜನನ್ಯೈ ನಮಃ ॥ 1॥
ಬ್ರೂತೇ ಮಾತೃಸಮಾ ಶ್ರುತಿರ್ಭಗವತೀ ಯದ್ಬಾರ್ಹದಾರಣ್ಯಕೈ
ತತ್ತ್ವಂ ವೇತ್ಸ್ಯತಿ ಮಾತೃಮಾಂಶ್ಚ ಪಿತೃಮಾನಾಚಾರ್ಯವಾನಿತ್ಯಸೌ ।
ತತ್ರಾದೌ ಕಿಲ ಮಾತೃಶಿಕ್ಷಣವಿಧಿಂ ಸರ್ವೋತ್ತಮಂ ಶಾಸತೀ
ಪೂಜ್ಯಾತ್ಪೂಜ್ಯತರಾಂ ಸಮರ್ಥಯತಿ ಯಾಂ ತಸ್ಯೈ ಜನನ್ಯೈ ನಮಃ ॥ 2॥
ಅಮ್ಬಾ ತಾತ ಇತಿ ಸ್ವಶಿಕ್ಷಣವಶಾದುಚ್ಚಾರಣಪ್ರಕ್ರಿಯಾಂ
ಯಾ ಸೂತೇ ಪ್ರಥಮಂ ಕ್ವ ಶಕ್ತಿರಿಹ ನೋ ಮಾತುಸ್ತು ಶಿಕ್ಷಾಂ ವಿನಾ ।
ವ್ಯುತ್ಪತ್ತಿಂ ಕ್ರಮಶಶ್ಚ ಸಾರ್ವಜನಿಕೀಂ ತತ್ತತ್ಪದಾರ್ಥೇಷು ಯಾ
ಹ್ಯಾಧತ್ತೇ ವ್ಯವಹಾರಮಪ್ಯವಕಿಲಂ ತಸ್ಯೈ ಜನನ್ಯೈ ನಮಃ ॥ 3॥
ಇಷ್ಟಾನಿಷ್ಟಹಿತಾಹಿತಾದಿಧಿಷಣಾಹೌನಾ ವಯಂ ಶೈಶವೇ
ಕೀಟಾನ್ ಶಷ್ಕುಲವಿತ್ ಕರೇಣ ದಧತೋ ಭಕ್ಷ್ಯಾಶಯಾ ಬಾಲಿಶಾಃ ।
ಮಾತ್ರಾ ವಾರಿತಸಾಹಸಾಃ ಖಲುತತೋ ಭಕ್ಷ್ಯಾಣ್ಯಭಕ್ಷ್ಯಾಣಿ ವಾ
ವ್ಯಜ್ಞಾಸಿಷ್ಮ ಹಿತಾಹಿತೇ ಚ ಸುತರಾಂ ತಸ್ಯೈ ಜನನ್ಯೈ ನಮಃ ॥ 4॥
ಆತ್ಮಜ್ಞಾನಸಮಾರ್ಜನೋಪಕರಣಂ ಯದ್ದೇಹಯನ್ತ್ರಂ ವಿದುಃ
ತದ್ರೋಗಾದಿಭಯಾನ್ಮೃಗೋರಗರಿಪುವ್ರಾತಾದವನ್ತೀ ಸ್ವಯಮ್ ।
ಪುಷ್ಣನ್ತೀ ಶಿಷುಮಾದರಾದ್ಗುರುಕುಲಂ ಪ್ರಾಪಯ್ಯ ಕಾಲಕ್ರಮಾತ್
ಯಾ ಸರ್ವಜ್ಞಶಿಖಾಮಣಿಂ ವಿತನುತೇ ತಸ್ಯೈ ಜನನ್ಯೈ ನಮಃ ॥ 5॥
ಇತಿ ಶ್ರೀಮಚ್ಛೃಂಗಗಿರಿಜಗದ್ಗುರುಚರಣಸರೋಹಸೇವಾಸಮಾಸದಿತಸಾರಸ್ವತವಿಭವಲೇಶಸ್ಯ
ಶ್ರೀಶಿವಾನನ್ದತೀರ್ಥಸ್ವಾಮಿಪೂಜ್ಯಪಾದಶಿಷ್ಯಸ್ಯ ಶ್ರೀಸಚ್ಚಿದಾನನ್ದತೀರ್ಥಸ್ಯ
ಭಾಷ್ಯಸ್ವಾಮಿನಃ ಚ ಕೃತೌ ಮಾತೃಪಂಚಕಮ್
॥ ಓಂ ತತ್ಸತ್॥