॥ మాతృపఞ్చకమ్ ॥
ఓం
శ్రీరామజయమ్ ।
ఓం సద్గురుశ్రీత్యాగరాజస్వామినే నమో నమః ।
మాతృగాయత్రీ
ఓం మాతృదేవ్యై చ విద్మహే । వరదాయై చ ధీమహి ।
తన్నో లక్ష్మీః ప్రచోదయాత్ ॥
లక్ష్మీం వరదపత్నీం చ క్షాన్తాం సుప్రియసేవితామ్ ।
వీణాసఙ్గీతలోలాం చ మన్మాతరం నమామ్యహమ్ ॥ ౧॥
అన్నపూర్ణాం బుభుక్షాహాం స్వస్తివాచాస్పదాం వరామ్ ।
సత్కారుణ్యగుణామమ్బాం మన్మాతరం నమామ్యహమ్ ॥ ౨॥
రోగపీడాపహశ్లోకాం రోగశోకోపశామనీమ్ ।
శ్లోకప్రియాం స్తుతాం స్తుత్యాం మన్మాతరం నమామ్యహమ్ ॥ ౩॥
రామకృష్ణప్రియాం భక్తాం రామాయణకథాప్రియామ్ ।
శ్రీమద్భాగవతప్రీతాం మన్మాతరం నమామ్యహమ్ ॥ ౪॥
త్యాగరాజకృతిప్రీతాం పుత్రీపుష్పాప్రియస్తుతామ్ ।
శతాయుర్మఙ్గలాశీదాం మన్మాతరం నమామ్యహమ్ ॥ ౫॥
మఙ్గలం మమ మాత్రే చ లక్ష్మీనామ్న్యై సుమఙ్గలమ్ ।
మఙ్గలం ప్రియదాత్ర్యై చ మనోగాయై సుమఙ్గలమ్ ॥ ౬॥
ఇతి మాతృపఞ్చకం పుత్ర్యా పుష్పయా ప్రీత్యా
మాతరి లక్ష్మ్యాం సమర్పితమ్ ।
ఓం శుభమస్తు ।