॥ Maya Panchakam Malayalam Lyrics ॥
॥ മായാപഞ്ചകം ॥
നിരുപമനിത്യനിരംശകേഽപ്യഖണ്ഡേ
മയി ചിതി സര്‍വവികല്‍പനാദിശൂന്യേ ।
ഘടയതി ജഗദീശജീവഭേദം
ത്വഘടിതഘടനാപടീയസീ മായാ ॥ 1॥
ശ്രുതിശതനിഗമാന്തശോധകാന-
പ്യഹഹ ധനാദിനിദര്‍ശനേന സദ്യഃ ।
കലുഷയതി ചതുഷ്പദാദ്യഭിന്നാ-
നഘടിതഘടനാപടീയസീ മായാ ॥ 2॥
സുഖചിദഖണ്ഡവിബോധമദ്വിതീയം
വിയദനലാദിവിനിര്‍മിതേ നിയോജ്യ ।
ഭ്രമയതി ഭവസാഗരേ നിതാന്തം
ത്വഘടിതഘടനാപടീയസീ മായാ ॥ 3॥
അപഗതഗുണവര്‍ണജാതിഭേദേ
സുഖചിതി വിപ്രവിഡാദ്യഹംകൃതിം ച ।
സ്ഫുടയതി സുതദാരഗേഹമോഹം
ത്വഘടിതഘടനാപടീയസീ മായാ ॥ 4॥
വിധിഹരിഹരവിഭേദമപ്യഖണ്ഡേ
ബത വിരചയ്യ ബുധാനപി പ്രകാമം ।
ഭ്രമയതി ഹരിഹരഭേദഭാവാ-
നഘടിതഘടനാപടീയസീ മായാ ॥ 5॥
ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛങ്കരഭഗവതഃ കൃതൌ
മായാപഞ്ചകം
സമ്പൂര്‍ണം ॥
– Chant Stotra in Other Languages –
Maya Panchakam in Sanskrit – English – Bengali – Gujarati – – Kannada – Malayalam – Odia – Telugu – Tamil