॥ Medini Jeevula Gaava Telugu Lyrics ॥
మేదిని జీవుల గావ మేలుకోవయ్యా ।
నీదయే మాకెల్ల రక్ష నిద్ర మేలుకోవయ్యా ॥
తగుగోపికల కన్నుదామరలు వికసించె
మిగుల సూర్యనేత్రుడ మేలుకోవయ్యా ।
తెగువ రాక్షసులనే తిమిరము విరియగ
నెగడిన పరంజ్యోతి నిద్ర మేలుకోవయ్యా ॥
ఘనదురితపు గలువలు వికసించె
మినుకు శశినేత్రుడ మేలుకోవయ్యా ।
పనివడి వేదాలనే పక్షులెల్లా బలుకగ
జనక! యాశ్రితపారిజాత మేలుకోవయ్యా ॥
వరలక్ష్మీ కుచచక్రవాకము లొండొంటి రాయ
మెరయుదోషరహిత మేలుకోవయ్యా ।
పొరసి నీవు నిత్యభోగములు భోగించ
నిరతి శ్రీవేంకటేశ నేడు మేలుకోవయ్యా ॥
– Chant Stotra in Other Languages –
Annamacharya Keerthanalu » Medini Jeevula Gaava Lyrics in Sanskrit » English » Bengali » Kannada » Malayalam » Tamil