॥ Yama Dharmaraja Stotram text Gujarati Lyrics ॥
શ્રીવ્યાસ ઉવાચ —
સ્વપુરુષમભિવીક્ષ્ય પાશહસ્તં વદતિ યમઃ કિલ તસ્ય કર્ણમૂલે ।
પરિહર મધુસૂદનપ્રપન્નાન્ પ્રભુરહમન્યનૃણાં ન વૈષ્ણવાનામ્ ॥ ૧ ॥
અહમમરગણાર્ચિતેન ધાત્રા યમ ઇતિ લોકહિતાહિતે નિયુક્તઃ ।
હરિગુરુવિમુખાન્ પ્રશાસ્મિ મર્ત્યાન્ હરિચરણપ્રણતાન્નમસ્કરોમિ ॥ ૨ ॥
સુગતિમભિલષામિ વાસુદેવાદહમપિ ભાગવતે સ્થિતાન્તરાત્મા ।
મધુવધવશગોઽસ્મિ ન સ્વતન્ત્રઃ પ્રભવતિ સંયમને મમાપિ કૃષ્ણઃ ॥ ૩ ॥
ભગવતિ વિમુખસ્ય નાસ્તિ સિદ્ધિર્વિષમમૃતં ભવતીતિ નેદમસ્તિ ।
વર્ષશતમપીહ પચ્યમાનં વ્રજતિ ન કાઞ્ચનતામયઃ કદાચિત્ ॥ ૪ ॥
નહિ શશિકલુષચ્છવિઃ કદાચિદ્વિરમતિ નો રવિતામુપૈતિ ચન્દ્રઃ ।
ભગવતિ ચ હરાવનન્યચેતા ભૃશમલિનોઽપિ વિરાજતે મનુષ્યઃ ॥ ૫ ॥
મહદપિ સુવિચાર્ય લોકતત્ત્વં ભગવદુપાસ્તિમૃતે ન સિદ્ધિરસ્તિ ।
સુરગુરુસુદૃઢપ્રસાદદૌ તૌ હરિચરણૌ સ્મરતાપવર્ગહેતોઃ ॥ ૬ ॥
શુભમિદમુપલભ્ય માનુષત્વં સુકૃતશતેન વૃથેન્દ્રિયાર્થહેતોઃ ।
રમયતિ કુરુતે ન મોક્ષમાર્ગં દહયતિ ચન્દનમાશુ ભસ્મહેતોઃ ॥ ૭ ॥
મુકુલિતકરકુડ્મલૈઃ સુરેન્દ્રૈઃ સતતનમસ્કૃતપાદપઙ્કજો યઃ ।
અવિહતગતયે સનાતનાય જગતિ જનિં હરતે નમોઽગ્રજાય ॥ ૮ ॥
યમાષ્ટકમિદં પુણ્યં પઠતે યઃ શૃણોતિ વા ।
મુચ્યતે સર્વપાપેભ્યો વિષ્ણુલોકં સ ગચ્છતિ ॥ ૯ ॥
ઇતીદમુક્તં યમવાક્યમુત્તમં મયાધુના તે હરિભક્તિવર્દ્ધનમ્ ।
પુનઃ પ્રવક્ષ્યામિ પુરાતનીં કથાં ભૃગોસ્તુ પૌત્રેણ ચ યા પુરા કૃતા ॥ ૧૦ ॥
ઇતિ શ્રીનરસિંહપુરાણે યમાષ્ટકનામ નવમોઽધ્યાયઃ ॥
– Chant Stotra in Other Languages –
Yama Dharmaraja Stotram » Narasimhapurana Yamashtakam Lyrics in Sanskrit » English » Bengali » Kannada » Malayalam » Odia » Telugu » Tamil