॥ Yama Dharmaraja Stotram text Malayalam Lyrics ॥
ശ്രീവ്യാസ ഉവാച —
സ്വപുരുഷമഭിവീക്ഷ്യ പാശഹസ്തം വദതി യമഃ കില തസ്യ കര്‍ണമൂലേ ।
പരിഹര മധുസൂദനപ്രപന്നാന്‍ പ്രഭുരഹമന്യനൃണാം ന വൈഷ്ണവാനാം ॥ 1 ॥
അഹമമരഗണാര്‍ചിതേന ധാത്രാ യമ ഇതി ലോകഹിതാഹിതേ നിയുക്തഃ ।
ഹരിഗുരുവിമുഖാന്‍ പ്രശാസ്മി മര്‍ത്യാന്‍ ഹരിചരണപ്രണതാന്നമസ്കരോമി ॥ 2 ॥
സുഗതിമഭിലഷാമി വാസുദേവാദഹമപി ഭാഗവതേ സ്ഥിതാന്തരാത്മാ ।
മധുവധവശഗോഽസ്മി ന സ്വതന്ത്രഃ പ്രഭവതി സംയമനേ മമാപി കൃഷ്ണഃ ॥ 3 ॥
ഭഗവതി വിമുഖസ്യ നാസ്തി സിദ്ധിര്‍വിഷമമൃതം ഭവതീതി നേദമസ്തി ।
വര്‍ഷശതമപീഹ പച്യമാനം വ്രജതി ന കാഞ്ചനതാമയഃ കദാചിത് ॥ 4 ॥
നഹി ശശികലുഷച്ഛവിഃ കദാചിദ്വിരമതി നോ രവിതാമുപൈതി ചന്ദ്രഃ ।
ഭഗവതി ച ഹരാവനന്യചേതാ ഭൃശമലിനോഽപി വിരാജതേ മനുഷ്യഃ ॥ 5 ॥
മഹദപി സുവിചാര്യ ലോകതത്ത്വം ഭഗവദുപാസ്തിമൃതേ ന സിദ്ധിരസ്തി ।
സുരഗുരുസുദൃഢപ്രസാദദൌ തൌ ഹരിചരണൌ സ്മരതാപവര്‍ഗഹേതോഃ ॥ 6 ॥
ശുഭമിദമുപലഭ്യ മാനുഷത്വം സുകൃതശതേന വൃഥേന്ദ്രിയാര്‍ഥഹേതോഃ ।
രമയതി കുരുതേ ന മോക്ഷമാര്‍ഗം ദഹയതി ചന്ദനമാശു ഭസ്മഹേതോഃ ॥ 7 ॥
മുകുലിതകരകുഡ്മലൈഃ സുരേന്ദ്രൈഃ സതതനമസ്കൃതപാദപങ്കജോ യഃ ।
അവിഹതഗതയേ സനാതനായ ജഗതി ജനിം ഹരതേ നമോഽഗ്രജായ ॥ 8 ॥
യമാഷ്ടകമിദം പുണ്യം പഠതേ യഃ ശൃണോതി വാ ।
മുച്യതേ സര്‍വപാപേഭ്യോ വിഷ്ണുലോകം സ ഗച്ഛതി ॥ 9 ॥
ഇതീദമുക്തം യമവാക്യമുത്തമം മയാധുനാ തേ ഹരിഭക്തിവര്‍ദ്ധനം ।
പുനഃ പ്രവക്ഷ്യാമി പുരാതനീം കഥാം ഭൃഗോസ്തു പൌത്രേണ ച യാ പുരാ കൃതാ ॥ 10 ॥
ഇതി ശ്രീനരസിംഹപുരാണേ യമാഷ്ടകനാമ നവമോഽധ്യായഃ ॥
– Chant Stotra in Other Languages –
Yama Dharmaraja Stotram » Narasimhapurana Yamashtakam Lyrics in Sanskrit » English » Bengali » Gujarati » Kannada » Odia » Telugu » Tamil