Narayaniyam Caturdasadasakam In Telugu – Narayaneeyam Dasakam 14

Narayaniyam Caturdasadasakam in Telugu:

॥ నారాయణీయం చతుర్దశదశకమ్ ॥

చతుర్దశదశకమ్ (౧౪) – కపిలావతారమ్

సమనుస్మృతతావకాఙ్ఘ్రియుగ్మః
స మనుః పఙ్కజసంభవాఙ్గజన్మా ।
నిజమన్తరమన్తరాయహీనం
చరితం తే కథయన్సుఖం నినాయ ॥ ౧౪-౧ ॥

సమయే ఖలు తత్ర కర్దమాఖ్యో
ద్రుహిణచ్ఛాయభవస్తదీయవాచా ।
ధృతసర్గరసో నిసర్గరమ్యం
భగవంస్త్వామయుతం సమాః సిషేవే ॥ ౧౪-౨ ॥

గరుడోపరి కాలమేఘకమ్రం
విలసత్కేలిసరోజపాణిపద్మమ్ ।
హసితోల్లసితాననం విభో త్వం
వపురావిష్కురుషే స్మ కర్దమాయ ॥ ౧౪-౩ ॥

స్తువతే పులకావృతాయ తస్మై
మనుపుత్రీం దయితాం నవాపి పుత్రీః ।
కపిలం చ సుతం స్వమేవ పశ్చాత్
స్వగతిం చాప్యనుగృహ్య నిర్గతోఽభూః ॥ ౧౪-౪ ॥

స మనుశ్శతరూపయా మహిష్యా
గుణవత్యా సుతయా చ దేవహూత్యా ।
భవదీరితనారదోపదిష్టః
సమగాత్కర్దమమాగతిప్రతీక్షమ్ ॥ ౧౪-౫ ॥

మనునోపహృతాం చ దేవహూతిం
తరుణీరత్నమవాప్య కర్దమోఽసౌ ।
భవదర్చననిర్వృతోఽపి తస్యాం
దృఢశుశ్రూషణయా దధౌ ప్రసాదమ్ ॥ ౧౪-౬ ॥

స పునస్త్వదుపాసనప్రభావా-
ద్దయితాకామకృతే కృతే విమానే ।
వనితాకులసఙ్కులో నవాత్మా
వ్యహరద్దేవపథేషు దేవహూత్యా ॥ ౧౪-౭ ॥

శతవర్షమథ వ్యతీత్య సోఽయం
నవ కన్యాః సమవాప్య ధన్యరూపాః ।
వనయానసముద్యతోఽపి కాన్తా-
హితకృత్త్వజ్జననోత్సుకో న్యవాత్సీత్ ॥ ౧౪-౮ ॥

నిజభర్తృగిరా భవన్నిషేవా-
నిరతాయామథ దేవ దేవహూత్యామ్ ।
కపిలస్త్వమజాయథా జనానాం
ప్రథయిష్యన్పరమాత్మతత్త్వవిద్యామ్ ॥ ౧౪-౯ ॥

వనమేయుషి కర్దమే ప్రసన్నే
మతసర్వస్వముపాదిశఞ్జనన్యై ।
కపిలాత్మక వాయుమన్దిరేశ
త్వరితం త్వం పరిపాహి మాం గదౌఘాత్ ॥ ౧౪-౧౦ ॥

See Also  Sri Sabari Girisha Ashtakam In Telugu

ఇతి చతుర్దశదశకం సమాప్తమ్ ।

– Chant Stotras in other Languages –

Narayaniyam Caturdasadasakam in English –  Kannada – Telugu – Tamil