Narayaniyam Pancapancasattamadasakam In Kannada – Narayaneyam Dasakam 55

Narayaniyam Pancapancasattamadasakam in Telugu:

॥ ನಾರಾಯಣೀಯಂ ಪಞ್ಚಪಞ್ಚಾಶತ್ತಮದಶಕಮ್ ॥

ನಾರಾಯಣೀಯಂ ಪಞ್ಚಪಞ್ಚಾಶತ್ತಮದಶಕಮ್ (೫೫) – ಕಾಲಿಯನರ್ತನಮ್

ಅಥ ವಾರಿಣಿ ಘೋರತರಂ ಫಣಿನಂ
ಪ್ರತಿವಾರಯಿತುಂ ಕೃತಧೀರ್ಭಗವನ್ ।
ದ್ರುತಮಾರಿಥ ತೀರಗನೀಪತರುಂ
ವಿಷಮಾರುತಶೋಷಿತಪರ್ಣಚಯಮ್ ॥ ೫೫-೧ ॥

ಅಧಿರುಹ್ಯ ಪದಾಂಬುರುಹೇಣ ಚ ತಂ
ನವಪಲ್ಲವತುಲ್ಯಮನೋಜ್ಞರುಚಾ ।
ಹ್ರದವಾರಿಣಿ ದೂರತರಂ ನ್ಯಪತಃ
ಪರಿಘೂರ್ಣಿತಘೋರತರಙ್ಗಗಣೇ ॥ ೫೫-೨ ॥

ಭುವನತ್ರಯಭಾರಭೃತೋ ಭವತೋ
ಗುರುಭಾರವಿಕಮ್ಪಿವಿಜೃಂಭಿಜಲಾ ।
ಪರಿಮಜ್ಜಯತಿ ಸ್ಮ ಧನುಃಶತಕಂ
ತಟಿನೀ ಝಟಿತಿ ಸ್ಫುಟಘೋಷವತೀ ॥ ೫೫-೩ ॥

ಅಥ ದಿಕ್ಷು ವಿದಿಕ್ಷು ಪರಿಕ್ಷುಭಿತ-
ಭ್ರಮಿತೋದರವಾರಿನಿನಾದಭರೈಃ ।
ಉದಕಾದುದಗಾದುರಗಾಧಿಪತಿ-
ಸ್ತ್ವದುಪಾನ್ತಮಶಾನ್ತರುಷಾನ್ಧಮನಾಃ ॥ ೫೫-೪ ॥

ಫಣಶೃಙ್ಗಸಹಸ್ರವಿನಿಸ್ಸೃಮರ-
ಜ್ವಲದಗ್ನಿಕಣೋಗ್ರವಿಷಾಂಬುಧರಮ್ ।
ಪುರತಃ ಫಣಿನಂ ಸಮಲೋಕಯಥಾ
ಬಹುಶೃಙ್ಗಿಣಮಞ್ಜನಶೈಲಮಿವ ॥ ೫೫-೫ ॥

ಜ್ವಲದಕ್ಷಿಪರಿಕ್ಷರದುಗ್ರವಿಷ-
ಶ್ವಸನೋಷ್ಮಭರಃ ಸ ಮಹಾಭುಜಗಃ ।
ಪರಿದಶ್ಯ ಭವನ್ತಮನನ್ತಬಲಂ
ಸಮವೇಷ್ಟಯದಸ್ಫುಟಚೇಷ್ಟಮಹೋ ॥ ೫೫-೬ ॥ [** ಪರಿವೇಷ್ಟಯ **]

ಅವಿಲೋಕ್ಯ ಭವನ್ತಮಥಾಕುಲಿತೇ
ತಟಗಾಮಿನಿ ಬಾಲಕಧೇನುಗಣೇ ।
ವ್ರಜಗೇಹತಲೇಽಪ್ಯನಿಮಿತ್ತಶತಂ
ಸಮುದೀಕ್ಷ್ಯ ಗತಾ ಯಮುನಾಂ ಪಶುಪಾಃ ॥ ೫೫-೭ ॥

ಅಖಿಲೇಷು ವಿಭೋ ಭವದೀಯ ದಶಾ-
ಮವಲೋಕ್ಯ ಜಿಹಾಸುಷು ಜೀವಭರಮ್ ।
ಫಣಿಬನ್ಧನಮಾಶು ವಿಮುಚ್ಯ ಜವಾ-
ದುದಗಮ್ಯತ ಹಾಸಜುಷಾ ಭವತಾ ॥ ೫೫-೮ ॥

ಅಧಿರುಹ್ಯ ತತಃ ಫಣಿರಾಜಫಣಾನ್
ನನೃತೇ ಭವತಾ ಮೃದುಪಾದರುಚಾ ।
ಕಲಶಿಞ್ಚಿತನೂಪುರಮಞ್ಚುಮಿಲ-
ತ್ಕರಕಙ್ಕಣಸಙ್ಕುಲಸಙ್ಕ್ವಣಿತಮ್ ॥ ೫೫-೯ ॥

ಜಹೃಷುಃ ಪಶುಪಾಸ್ತುತುಷುರ್ಮುನಯೋ
ವವೃಷುಃ ಕುಸುಮಾನಿ ಸುರೇನ್ದ್ರಗಣಾಃ ।
ತ್ವಯಿ ನೃತ್ಯತಿ ಮಾರುತಗೇಹಪತೇ
ಪರಿಪಾಹಿ ಸ ಮಾಂ ತ್ವಮದಾನ್ತಗದಾತ್ ॥ ೫೫-೧೦ ॥

ಇತಿ ಪಞ್ಚಪಞ್ಚಾತ್ತಮದಶಕಂ ಸಮಾಪ್ತಮ್ ।

– Chant Stotras in other Languages –

Narayaniyam Pancapancasattamadasakam in English – Kannada – TeluguTamil

See Also  108 Names Of Sri Kamakshi In Kannada