Narayaniyam Sastitamadasakam in Kannada:

॥ ನಾರಾಯಣೀಯಂ ಷಷ್ಟಿತಮದಶಕಮ್ ॥

ನಾರಾಯಣೀಯಂ ಷಷ್ಟಿತಮದಶಕಮ್ (೬೦) – ಗೋಪೀವಸ್ತ್ರಾಪಹರಣಮ್

ಮದನಾತುರಚೇತಸೋಽನ್ವಹಂ
ಭವದಙ್ಘ್ರಿದ್ವಯದಾಸ್ಯಕಾಮ್ಯಯಾ ।
ಯಮುನಾತಟಸೀಮ್ನಿ ಸೈಕತೀಂ
ತರಲಾಕ್ಷ್ಯೋ ಗಿರಿಜಾಂ ಸಮಾರ್ಚಿಚನ್ ॥ ೬೦-೧ ॥

ತವ ನಾಮಕಥಾರತಾಃ ಸಮಂ
ಸುದೃಶಃ ಪ್ರಾತರುಪಾಗತಾ ನದೀಮ್ ।
ಉಪಹಾರಶತೈರಪೂಜಯನ್
ದಯಿತೋ ನನ್ದಸುತೋ ಭವೇದಿತಿ ॥ ೬೦-೨ ॥

ಇತಿ ಮಾಸಮುಪಾಹಿತವ್ರತಾ-
ಸ್ತರಲಾಕ್ಷೀರಭಿವೀಕ್ಷ್ಯ ತಾ ಭವಾನ್ ।
ಕರುಣಾಮೃದುಲೋ ನದೀತಟಂ
ಸಮಯಾಸೀತ್ತದನುಗ್ರಹೇಚ್ಛಯಾ ॥ ೬೦-೩ ॥

ನಿಯಮಾವಸಿತೌ ನಿಜಾಂಬರಂ
ತಟಸೀಮನ್ಯವಮುಚ್ಯ ತಾಸ್ತದಾ ।
ಯಮುನಾಜಲಖೇಲನಾಕುಲಾಃ
ಪುರತಸ್ತ್ವಾಮವಲೋಕ್ಯ ಲಜ್ಜಿತಾಃ ॥ ೬೦-೪ ॥

ತ್ರಪಯಾ ನಮಿತಾನನಾಸ್ವಥೋ
ವನಿತಾಸ್ವಂಬರಜಾಲಮನ್ತಿಕೇ ।
ನಿಹಿತಂ ಪರಿಗೃಹ್ಯ ಭೂರುಹೋ
ವಿಟಪಂ ತ್ವಂ ತರಸಾಧಿರೂಢವಾನ್ ॥ ೬೦-೫ ॥

ಇಹ ತಾವದುಪೇತ್ಯ ನೀಯತಾಂ
ವಸನಂ ವಃ ಸುದೃಶೋ ಯಥಾಯಥಮ್ ।
ಇತಿ ನರ್ಮಮೃದುಸ್ಮಿತೇ ತ್ವಯಿ
ಬ್ರುವತಿ ವ್ಯಾಮುಮುಹೇ ವಧೂಜನೈಃ ॥ ೬೦-೬ ॥

ಅಯಿ ಜೀವ ಚಿರಂ ಕಿಶೋರ ನ-
ಸ್ತವ ದಾಸೀರವಶೀಕರೋಷಿ ಕಿಮ್ ।
ಪ್ರದಿಶಾಂಬರಮಂಬುಜೇಕ್ಷಣೇ-
ತ್ಯುದಿತಸ್ತ್ವಂ ಸ್ಮಿತಮೇವ ದತ್ತವಾನ್ ॥ ೬೦-೭ ॥

ಅಧಿರುಹ್ಯ ತಟಂ ಕೃತಾಞ್ಜಲೀಃ
ಪರಿಶುದ್ಧಾಃ ಸ್ವಗತೀರ್ನಿರೀಕ್ಷ್ಯ ತಾಃ ।
ವಸನಾನ್ಯಖಿಲಾನ್ಯನುಗ್ರಹಂ
ಪುನರೇವಂ ಗಿರಮಪ್ಯದಾ ಮುದಾ ॥ ೬೦-೮ ॥

ವಿದಿತಂ ನನು ವೋ ಮನೀಷಿತಂ
ವದಿತಾರಸ್ತ್ವಿಹ ಯೋಗ್ಯಮುತ್ತರಮ್ ।
ಯಮುನಾಪುಲಿನೇ ಸಚನ್ದ್ರಿಕಾಃ
ಕ್ಷಣದಾ ಇತ್ಯಬಲಾಸ್ತ್ವಮೂಚಿವಾನ್ ॥ ೬೦-೯ ॥

ಉಪಕರ್ಣ್ಯ ಭವನ್ಮುಖಚ್ಯುತಂ
ಮಧುನಿಷ್ಯನ್ದಿ ವಚೋ ಮೃಗೀದೃಶಃ ।
ಪ್ರಣಯಾದಯಿ ವೀಕ್ಷ್ಯ ವೀಕ್ಷ್ಯ ತೇ
ವದನಾಬ್ಜಂ ಶನಕೈರ್ಗೃಹಂ ಗತಾಃ ॥ ೬೦-೧೦ ॥

ಇತಿ ನನ್ವನುಗೃಹ್ಯ ವಲ್ಲವೀ-
ರ್ವಿಪಿನಾನ್ತೇಷು ಪುರೇವ ಸಞ್ಚರನ್ ।
ಕರುಣಾಶಿಶಿರೋ ಹರೇ ಹರ
ತ್ವರಯಾ ಮೇ ಸಕಲಾಮಯಾವಲಿಮ್ ॥ ೬೦-೧೧ ॥

ಇತಿ ಷಷ್ಟಿತಮದಶಕಂ ಸಮಾಪ್ತಂ

– Chant Stotras in other Languages –

Narayaneeyam sastitamadasakam in English – Kannada – Telugu – Tamil