భద్రాచల రామదాసు కీర్తనలు
॥ Nee Sankalpam Lyrics ॥
పల్లవి:
నీ సంకల్పం బెటు వంటిదో గన నెంత వాడరా రామ నీ
వాసి తరిగి నీ దాస జనులు భువి కాశ పడిన యా ఘన మెవ్వరిదో నీ ॥
చరణములు:
బ్రోచిన మరి విడ జూచిన నీ క్రుప గాచి యుండు గాని
తోచీ తోచకను తొడరి కరంబుల చాచి పరుల నే యాచన సేయను నీ ॥
పటు తరముగ నీ మటు మాయలకును నెటువలె నోర్తును
చటుల తరంబుగ జలగు భవాంబుధి నెటు దాటుదు నేనెవరిని దూరుదు నీ ॥
భావజ రిపు నుత పరమ పురుష నీ భావము తెలియదుగ
దేవ దేవ నీ సేవక జనులకు సేవకుడను నను గావుము మ్రొక్కెద నీ ॥
దరి జేర్చెదవని ధైర్యము చే నీ దరి చేరితిని గాని
అరసి బ్రోవగదె యారడి పెట్టుట యెరుగ నైతి నా దొరవను కొంటి నీ ॥
శరణాగత రక్షణ భవ సాగర తరణ రిపు హరణ
కరుణ జూదు భద్రాద్రి నివాసా అర మర చేయకు హరి నిను నమ్మితి నీ ॥
– Chant Stotra in Other Languages –
Sri Ramadasu Keerthanalu – Nee Sankalpam Lyrics » English