భద్రాచల రామదాసు కీర్తనలు
॥ O Raghuvira ani ne Lyrics ॥
మధ్యమావతి – ఆది
పల్లవి:
ఓ రఘువీరా యని నేబిలిచిన
నోహో యనరాదా రామ
సారెకు వేసారి నా మది యన్యము
చేరదు యేరా ధీరా ఓ ॥
చరణము(లు):
నీటజిక్కి కరిమాటికి వేసరి
నాటకధర నీ పాటలు బాపగ
మేటి మకరితల మీటి కాచుదయ
యేటికి నాపై నేటికిరాదో ఓ ॥
మున్ను సభను నాపన్నత వేడుచు
నిన్ను కృష్ణయని యెన్నగ ద్రౌపది
కెన్నొ వలువలిడి మన్నన బ్రోచిన
వెన్నుడ నామొర వింటివొ లేదో ఓ ॥
బంటునైతినని యుంటె పరాకున
నుంటివి ముక్కంటి వినుత నామ
జంట బాయకను వెంట నుండుమని
వేడితి భద్రాచలవాసా ఓ ॥
– Chant Stotra in Other Languages –
Sri Ramadasu Keerthanalu – O Raghuvira ani ne Lyrics in English