॥ Pancha Devata Stotram Kannada Lyrics ॥
॥ ಪಞ್ಚದೇವತಾ ಸ್ತೋತ್ರಮ್ ॥
ಗಣೇಶವಿಷ್ಣುಸೂರ್ಯೇಶದುರ್ಗಾಖ್ಯಂ ದೇವಪಞ್ಚಕಮ್ ॥
ವನ್ದೇ ವಿಶುದ್ಧಮನಸಾ ಜನಸಾಯುಜ್ಯದಾಯಕಮ್ ॥ ೧ ॥
ಏಕರೂಪಾನ್ ಭಿನ್ನಮೂರ್ತೀನ್ ಪಞ್ಚದೇವಾನ್ನಮಸ್ಕೃತಾನ್ ॥
ವನ್ದೇ ವಿಶುದ್ಧಭಾವೇನೇಶಾಮ್ಬೇನೈಕರದಾಚ್ಯುತಾನ್ ॥ ೨ ॥
ಕಲ್ಯಾಣದಾಯಿನೋ ದೇವಾನ್ನಮಸ್ಕಾರ್ಯಾನ್ಮಹೌಜಸಃ ॥
ವಿಷ್ಣುಶಮ್ಭುಶಿವಾಸೂರ್ಯಗಣೇಶಾಖ್ಯಾನ್ನಮಾಮ್ಯಹಮ್ ॥ ೩ ॥
ಏಕಾತ್ಮನೋ ಭಿನ್ನರೂಪಾನ್ ಲೋಕರಕ್ಷಣತತ್ಪರಾನ್ ॥
ಶಿವವಿಷ್ಣುಶಿವಾಸೂರ್ಯಹೇರಮ್ಬಾನ್ ಪ್ರಣಮಾಮ್ಯಹಮ್ ॥ ೪ ॥
ದಿವ್ಯರೂಪಾನೇಕರೂಪಾನ್ನಾನಾರೂಪಾನ್ನಮಸ್ಕೃತಾನ್ ॥
ಶಿವಾಶಙ್ಕರಹೇರಮ್ಬವಿಷ್ಣುಸೂರ್ಯಾನ್ನಮಾಮ್ಯಹಮ್ ॥ ೫ ॥
ನಿತ್ಯಾನಾನನ್ದಸನ್ದೋಹದಾಯಿನೋ ದೀನಪಾಲಕಾನ್ ॥
ಶಿವಾಚ್ಯುತಗಣೇಶೇನ ದುರ್ಗಾಖ್ಯಾನ್ ನೌಮ್ಯಹಂ ಸುರಾನ್ ॥ ೬ ॥
ಕಮನೀಯತನೂನ್ದೇವಾನ್ ಸೇವಾವಶ್ಯಾನ್ ಕ್ರ‍ೃಪಾವತಃ ॥
ಶಙ್ಕರೇಣ ಶಿವಾವಿಷ್ಣುಗಣೇಶಾಖ್ಯಾನ್ನಮಾಮ್ಯಹಮ್ ॥ ೭ ॥
ಸೂರ್ಯವಿಷ್ಣುಶಿವಾಶಂಭುವಿಘ್ನರಾಜಾಭಿಧಾನ್ಸುರಾನ್ ॥
ಏಕರೂಪಾನ್ ಸದಾ ವನ್ದೇ ಸುಖಸನ್ದೋಹಸಿದ್ಧಯೇ ॥ ೮ ॥
ಹರೌ ಹರೇ ತೀಕ್ಷ್ಣಕರೇ ಗಣೇಶೇ ಶಕ್ತೌ ನ ಭೇದೋ ಜಗದಾದಿಹೇತುಷು ॥
ಅಧಃ ಪತನ್ತ್ಯೇಷು ಭಿದಾಂ ದಧಾನಾ ಭಾಷಾನ್ತ ಏವಂಯತಯೋಽಚ್ಯುತಾಶ್ರಮಾಃ ॥ ೯ ॥
ಇತಿ ಶ್ರೀಮದಚ್ಯುತಾಶ್ರಮವಿರಚಿತಂ ಪಞ್ಚದೇವತಾಸ್ತೋತ್ರಂ ಸಂಪೂರ್ಣಮ್ ॥
– Chant Stotra in Other Languages –
Panchadevata Stotram in Marathi – Gujarati । Bengali – Kannada – Malayalam – Telugu